Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers


බූන්දි අඩවියේ වෙළඳ දැන්වීම්...

අපටත් ඇත වෙළඳ දැන්වීමක්
පළ කරනු මැන ඔය අඩවියේ
දනිමු ඔබ ප්‍රතිපත්ති
ඇත දක්වා මුල් තීරැවේ
ඔබ අඩවියේ

උගුල් නැති
වෙළඳ ගැට මජං නැති
ටෙලි ගඩොල් කුඩු නැති
පිදුරු පුන්නක්කු නැති


එනමුදු සබඳ
මේ වෙළඳ දැන්වීම නම් යෙහෙකි
නොබිඳේ ඔබ පැතුම්
බලනු මැන අප මහා ජන සිත් සුව පිණිස
මේවාට ප්‍රචාරණය ඇවැසි හෙයිනි බලි යාග හෝම පිදිලි යාදිනි
නිර්මාක්ස්වාදී කවියෙක් රැපි‍යල් ලක්ෂයයි
විකුණන්නට දැන් ටෙන්ඩරය කැඳවයි
පාවා දුන්න විප්ලවයෙන් ස්වයංපෝෂිත හෙතෙම
වෙළඳ කප්පිත්තන්ට නව ධනවාදේ සුපේෂල කවිය පබඳියි

ඉතිං ඉහලම මිලට
විකුණ ගන්නට බැරිද ඔබ අඩවියෙන් පිහිටක්

මිලිටරි හීනයෙන් ඔකඳ වුනු කම්කරැ ආඥාදායකත්වයක සිරවුනු
දෑ හිතකාමී අවස්ථාවාදී ජාත්‍යොන්මාදයෙන් වියරැ වූ
දෙමළ ලේ ඩියුරෝල් සිරප් බොන පිසාචයෙකු ගේ අවම ලංසුව
සුභ සිහින දකින ප්‍රේත වංශියකු ගේ මිල කෙලෙස දනිමුද

ඉතිං ඉහලම මිලට
විකුණ ගන්නට බැරිද ඔබ අඩවියෙන් පිහිටක්

කිසිදා නොලියවෙන තීන්තක් නැති පන්හිඳක් තියුණු
රන් බඳින් රන් පතක් මත ලියන්නට පමණක්ම සුදුසු
රන් මුදු පැළැඳි දෑතක සම්භාවනාවෙන් රජ මැතිඳුන් ගුණ කථන
ප්‍රශස්ති ස්ත්‍රෝත්‍ර ලියැවෙන ඒ රන් පෑණ අතැති යමෙක්
ෆෙන්සුයි මෙන් වාසනා ගුණ සිරිනිවසට කැන්දන
ඉතිං ඉහලම මිලට
විකුණ ගන්නට බැරිද ඔබ අඩවියෙන් පිහිටක්

අන්ධයන්ගේ කණ් ද බිහිරි කරවන මධුර සුසංගත තනුව නිමවන
සංගීතඥයකු ඇත විකුණ ගන්නට දැං මොහොතය සුයාමය
වාසල පැත්තේ දෙවියන් ගෙන් ලද ගුලි උඩ විසි කර කර
මරඟනන් වුව කැඳවා සුමධුර පංචසිඛයන් උඩුබැලි කරවන

ඉතිං ඉහලම මිලට
විකුණ ගන්නට බැරිද ඔබ අඩවියෙන් පිහිටක්

අනා කාලි බද්‍රකාලි යම කාලි -ඕං නමෝ ඕං කාර කර්ම රාජ තුන් ලොව
කථාවේ දීපංකර පාදමූලේ කකුසඳ -කෝනාගම- කස්සප- ගෞතම
මුනිඳුන්ට පළමු ඊශ්වර වර්ෂයේදී විශාලා මහනුවර අසූපාල කුමාරී
දැවූ‍ සොහොනේ ‍සොහොන් අඟුරෙන් උපන් මහ සොහොන් යක්ෂ තෙම
මහා ජනවරම් පතා ආ සඳ
ඉතිං ඉහලම මිලට
විකුණ ගන්නට බැරිද ඔබ අඩවියෙන් පිහිටක්

අසූපාල කුමාරීගේ මළ කුණෙන් උපන් සන්නි යක්ෂයත්
මිනි ග්‍රි දේසේ මිනී ලේ පොකුණේ වාසස්ථානය කරන
ලේ විල් රාක්ෂසීගේ බඩේ උපන් රීරි යක්ෂයත්
උරීරැ මාල දේසේ රීරිගල් පර්වතයේ වාසස්ථානය කරන
ලේ කාම රාක්ෂසීගේ බඩේ උපන්
විශාලා මහනුවර මිනී කන්ට පටන් ගත් රීරි යක්ෂණියත්
මහා ජනවරම් පතා ආ සඳ
ඉතිං ඉහලම මිලට
විකුණ ගන්නට බැරිද ඔබ අඩවියෙන් පිහිටක්?


ඊ ඒ ඩෝසන් ප‍්‍රීති
230909

මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails