Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers


ඔවුහු අත් අඩංගුවට පත්වූහ - චරිත් සේනාධීර

කෙටි අදහසක්-
ඩෝසන් ප්‍රීති

චරිත්ගේ මේ රූප කවිය මා කලින් වතාවක සඳහන් කළ රූප කවි ඡන්දස ගැන අදහසට යම් අනුකූලතාවයක් දක්වනවා යැයි මට සිතුනු හෙයිනි මේ ලියවිල්ල.

මා දකි‍න මේ රූප කවිය තුල වැදගත් අවකාෂ තුනක් පවතිනවා. එක අවකාෂයක් අත් නමැති රූපය මවනවා. තවත් අවකාෂයක් ඊට පිටතින් ඇති අවකාෂය තුල මිය ගිය සිරුරක් දක්වනවා. මේ දෙකම එකිනෙකට ප්‍රතිපක්ෂව පිහිටුම් ගන්නවා. අපි එහි නිරූපිත අත ගැන අවධානය යොමු වද්දීම මිය ගිය සිරුර නොපෙනී යනවා. මිය ගිය සිරුර නමැති අවකාෂය මනසින් දකිද්දීම එම අත් නමැති රූපික අවකාෂය මනසින් ‍ගිලිහෙනවා. මේක හරියටම එකිනෙක ප්‍රතිබද්ධව අවියෝජනීයව පවතිනවා. අවසාන වශයෙන් කඩදාසියක මායිම් ලකුණු කළ අත සහ සිරුර අන්තර්ගත ඇතුලත අවකාෂයක් මායිම් වෙනවා. එය නිශ්චිත වශයෙන්ම කඩදාසියකි. එම කඩදාසියේ පැල්මක් ඔස්සේ මේ සියලු දේ ඒකරාශී වේ. මේ අවකාෂ ත්‍රිත්වය විසින් මා හට ඇති කළ සංවේදනයන් කීපයක් දැන් අනාවරණය කරමි.

මිය ගිය සිරුර නිර්මාණය වන්නේ අක්ෂර කුලක මතින්. අරුත් වශයෙන් ගත් කළ එම අක්ෂර කුලක පවා විශද කරන්නේ මුඛ්‍යාර්ථයමය.

අත් අඩංගුවට පත්වූහ යන පොලිස් සටහන් පොතේ ඇති වගන්තිය අත් සහ මිය ගිය සිරුරක ප්‍රතිස්ථාපනයෙන් වෙනස් වන ආකාරයේ කඩදාසි තීන්ත මත ජීවිතයක අගය තීරණය වන පොලිස් ප්‍රකාෂණය මෙය යි.

මට සිහියට ආවේ පහු ගිය මාසයේ සිදු වූ අත් අඩංගුවට පත් තරුණයින් දෙදෙනෙකු පොලිසියේ ක්‍රියාකාරිත්වයේ කූටප්‍රාප්තියේදි සිය දිවි අහිමි වූ වෘතාන්තය යි. මෙහිදී සිදුවීම් පෙළ ගැසෙන්නේ මැජිකල් රියලිස්ම්වලින් පවා නැවත ප්‍රතිනිර්මාණය කළ නොහැකි තරම් අද්භූත සිදුවීම් මාලාවක් පසුකරමිනි. ඒ අද්භූත ක්‍රියාදාමය හකුලා දමා ප්‍රහේලිකාවක් ලෙස නැවත මට හමු වන්නේ මේ රූප කවිය ඇතුලේ දීය.
අත් පෙන්වා ඇති පරිදි එහි සාමුද්‍රික ලක්ෂණය අනුව නම් ඉන් වඩාත් හැඟවෙන්නේ ආරක්ෂාව පිළිබඳ නිරූපනයකි. අත් වකුටු කොට දක්වා ඇත්තේ එම අත් මගින් යමක් සංරක්ෂණය කරන්නා වූ ලෙසක අභිනයකිනි. ශාරීරික භාෂාවකිනි. යථාව ද එසේම ය.

මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails