Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers


සයිමන්, මම ගෲෂා.... !

නිම වීලු මහ යුද්ධය
වසන්තය ඇවිදින් දොරකඩ
සිසිරයේ කෙළවරක මග බලන
ඇහෙනවද මගේ හිත ඉකි ගසන
සයිමන්, මම ගෲෂා..........

නොඉල්ලාම සමු ගැනීමේ හාදුව
දෙවි පිහිට පතා නික්මුණ
දැඩිවී සටන් දිවා රැය
ගොස නැගුන ඒ රණ බිම
හිතුවද නිදි නැතිව රෑ මැදියම

රජ වාසලට ඉහළින්
නිල් පාට අහස් වියන යට
පිපෙනවලු මල් වෙවී
දියව යන උණු හිම කැට
සයිමන්, එහෙත් එහෙමද?

යකඩයො ඇවිත් රැව්වම
ඇස් පියා ගත්තා මිස මම
කිව්වෙ නෑ එකටෙක හෙම
ඔබ නැතිව බය දැනුණා හොඳටම

ඇහැළ මල් කෙමි අතු ඉති
හිනාවෙන වසන්තයටයි අයිති
සඳින් සඳ මෝරත
දිවුට දුන් බස සුන්ව
කඳු වළල්ලට එපිටින්
මල් පිපෙනවද මම දන්නැති ?

කිරි උනත් උණු වෙවී
බි‍ෙඳන් බිඳ ලය දවන විට
නොකියවුණු වදන් මැද
කියවුණ වදන් ගිලිහෙත
හිතෙනවා මටත් යන්නට
අසඩක් යන්න ගිය දිහාවට

වැල් පාලමේ කෙළවර,
රිදී මාලය සමග
තවමත් මම මෙතැන
මේ ගඟ ළඟ...
........................
යුද්දෙද තාම-මග එනවද
කොහෙද කොතැනද ඔබ
මේ ඉර හඳ යට
සයිමන්,
මම ගෲෂා.......... .

-මාලතී කල්පනා ඇම්බ්‍රෝස්

මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails