Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers


තිස්සනායගම්

ඇත්ත වෙනුවෙනි හිරබත
තිස්ස නම් වන හිතවත

මූකලන් උසාවිය දරුණුයි
විගඩම් නිසාචරයො පමණයි
සමයං මුසාබස් ම ඉගිලෙයි
සකි දැන් අපේ නෙතඟ කඳුළුයි

කන්‍යාවියත් උදයෙ කෙළසූ
සංසාරයක් නොමැති කෙසරූ
උන්මාදයෙන් දොඩන අයුරූ
නිම්නාද දේ කළණ මිතුරූ

යදම් ලූ අතට හෙට බර වැඩ
හිතන්නේ කෙළෙසකද ඔබ ගැන
නිමක් නැති අඳුර තුළ වද විඳ
පතන්නෙ ද සොඳුරුතම පුරහඳ

ඇත්ත වෙනුවෙනි හිරබත
තිස්ස නම් වන හිතවත

මංජුල වෙඩිවර්ධන
2009 අගෝස්තු 31

මේ බූන්දිය ඔබේ මූණු පොතට එක් කරන්න | Share this Boondi on Facebook
|


බලකොටුව

ආසියාවේ වඩාත්ම තෘප්තිමත්ම ජනතාව සිටින්නේ ශ‍්‍රී ලංකාවේ.
-පුවතක්


මිලිටරි මැති ඇමති
මිලිටරි තානාපති
මිලිටරි දිසාපති
දිනෙන් දින වැඩි වෙති

මිලිටරි හාමුදුරුවරු
මිලිටරි ගරු ගුරුවරු
මිලිටරි පුවත් කතුවරු
අපේ මොළ සෝදයි. මරු !

මිලිටරි විද්‍යුත් මාධ්‍යය
මිලිටරි ගේය කාව්‍යය
මිලිටරි ටෙලි නාට්‍යය
සොඳුරුයි. වඩවයි හාස්‍යය

මිලිටරි ඉස්සිලි
මිලිටරි වැනසිලි
මිලිටරි ගිනිකෙළි
කෝ කොහෙද මැසිවිලි

මිලිටරි සිතිවිලි
මිලිටරි දෙඩවිලි
මිලිටරි සැනකෙළි
ගෙනෙයි ගත සැනසිලි

මිලිටරි අවි ඇති අත්
මිලිටරි ඔලූ බලයලත්
නොතකයි නීති පොත්
ඒත් කිසිවෙක් නොසලකත්

බලන් සකියනි, අපි තෘප්තිමත් !


මහේෂ් මුණසිංහ
2009 08

මේ බූන්දිය ඔබේ මූණු පොතට එක් කරන්න | Share this Boondi on Facebook
|
|
|


මම ලිඟුමාල වෙමි

සටහන

පොලිස් පාදඩයින් දස දෙනෙකු විසින් දූෂණය කරනු ලැබ අවසන යෝනිය තුළට අත්බෝම්බයක් දමා පුපුරවා හැර අමානුෂික ලෙස මරා දැමූ කෝනේශ්වරී අම්පාරේ දිවි ගෙවූ තෙදරැ මවකි. මෙම සිද්ධිය සිදු වූයේ 1996 ජුනි මාසයේදී ය. එදා මෙම සිද්ධිය සැලවීමෙන් අකම්පිතව සිටි දකුණේ සිංහල සිත්වලින් අද වන විට මෙම සිද්ධිය සම්පූර්ණයෙන්ම ක්ෂය වී ගොසිනි.

අත ගසාගෙන නළලත
වෙසක් සඳ වැළපෙයි
ජනේලෙන් හොටු පෙරෙයි

ළඟපාත ගෙදරක
තෙමඟුල පිණිස නිමැවූ
නෙළුම් මල් සත
තවම පරවී නැත

පන්සිය පනස් ජාතක
එක පතට සින්දා තැනූ
නූතන වි-ජාතකයක
විරිඳු සුරල් රාවය
විටින් විට
තොරණකින්
ඈතින් ඇසේ

මා ඉදි‍රියෙහි
හිස් ම හිස් කඩදාසියකි
කවියක් පිණිස අහැරී බලා ඉන්නා

එකෙණෙහි ම
පියාඹා ආ මස් කැබැල්ලක්
කඩදාසියෙහි පතිතව
යෝනියක
හැඩතල මවයි
නිසැකවම ඒ කෝ‍නේශ්වරීගේ විය යුතුය
අම්පාර සිට කොළඹට
පියාඹා එන්නට
මේ හැටි කාලයක්?
ඒ තරම් අපි ඈතය
දෑස කඳුලින් සීතය

කඳුලු අතරින් මම
අංගුලිමාල නොව
ලිඟුමාල වෙමි
මට ඇඟිලි අනැවැසි ය
ඕනෑ පුරැෂ නිමිති ය

බැතින් වමතින් ගත්
මස් කැබැල්ලෙන් යුතුව ද
දකුණතින් තරවැ ගත්
තියුණු සැතෙකින් යුතුවද
නික්මෙමි

මග දිගට හමු වන
ගෙයින් ගෙට සන්කොට
සෑම සිංහල ලිඟුවම
කපා හුයෙකින් අමුණමි
අවසන මගේත්...
ආාාා...හ් .....
වේදනා ද‍රාගෙන
සමනොළ ගිර ගෙලට
ලිංග මාලය පළදමි

නවතාලනු පිණිස මා
බුදු කෙනෙකු නැතියෙන්
නිසැකවම මෙය කළ හැක
සහෝදර සිත් නැති
හැඟුම් නැති
ජාතියක් කුමට ද?

මා ඉදිරියෙහි
හිස් ම හිස් කඩදාසියකි
ඒ මත ලේ පැල්ලමකි
එය කවියකි
ඒත් ඒ දෙමළෙනි
සිහළුන්ට නොතේරෙන්නේ එබැවිනි

මංජුල වෙඩිවර්ධන

1997

මේ බූන්දිය ඔබේ මූණු පොතට එක් කරන්න | Share this Boondi on Facebook
|


අනේ මට උනු විපත බලහං
කාට දෙන්න ද මනාපේ දැං

අංක එකෙන් රණවිරුවෙක්
අංක දෙකෙන් කිරිඩකයෙක්
නිළියක් ද නලුවෙක් ද සමගින්
ඇවිත් දොරකඩ කලාකරුවෙක්
ඊළගට රජ ගෙදර ළමයෙක්

මීට කලින් හිටපු මන්ත්‍රි
ඉවර නොකළ යුග මෙහෙවර
ඉවර කොරාන්නට දෙන්නලු
රන් වටිනා මගේ මනාපෙ

උගතුන් යස බුද්ධිමතුන්
පෙරකදෝරුවන් මදිවට
අවිහිංසක බෝසත්වරු
අවිහිංසක බෝසත්වරු?
හායි හායි (සාදු සාදූ!)
මෙන්න එනවා රෑන් රැන් අපිට සතුට ගේන් ගේන්//

ඉණේ ගහපු පිහිය උඩින්
ටයි කෝට් ද ඇද මැනැවින්
තාප්ප උඩ හිනා වෙවී
අත වනනවා මදෙස බලන්

උඩ කරණම් බිම කරණම්
විසිල් එක්ක බල්ටි ගහන
පිල් පනිනා මිතුරුතුමෙක්
මෙන්න යකෝ මූත් ඇවිත්!

ගේ දොර වැඩ ඉවත හෙළා
රටේ ගමේ වැඩ කරන්න
තුං ලෝකෙම එළිය වෙන්න
අලූත් කෙනෙක් එනවා අන්න

අයෝමය පුරුෂයන්
රූප සුන්දරියන් ද සමගින්
එකලූ කර හටං බිම
අංක විස්සෙනුයි එන්නේ

රජ සැප විඳි ලියක්(ලූ) අන්තඃපුර
(ෂ්ෂ්ෂ්ෂ් කට කට!)

පංසලේ පොඩි නම ද
ඉල්ලයි මගේ ජන්දෙ තදින්
නුදුන්නොතිං එන්නේ නෑලු
පාංසුකුලෙටත් මගේ

මළගිය මංතිරිගේ වැන්දඹූ නෝනයි
වලව්වේ හාමුගේ ලොකු බේබියි
ලොකු බේබිගෙ ඇල්ටේසන් බල්ලයි
දේවාලේ බස්නායක නිළමේයි
නිලමෙගෙ අලියගෙ කන්වල මැක්කොයි...
සේරම සටනට එන තැන මේකයි

(එක්ව ගයමු!)
මගේ රටට දළදා හිමි සෙවණයි!
මගේ දැයට දළදා හිමි සෙවණයි!//

-ශාන් සමග ඩෝං පුතා

මේ බූන්දිය ඔබේ මූණු පොතට එක් කරන්න | Share this Boondi on Facebook
|


එලාරවයි දුටුගැමුණුයි යාළු කරමුකෝ!

ඉස්කෝලෙ ප්‍රසංගේ
දුටුගැමුණු නාටකේ
අනේ සර් මට නම් දුටුගැමුණු වෙන්න බෑ
ගැමුණු වෙලා එළාර ගේ ගෙල සිඳින්න බෑ
බනිස් ගෙඩිය ඛෙදන් කාපු
පයිප්පයෙන් වතුර බීපු
එළාර ලෙස රඟපානා
මගෙ මිතුරා දයාලන් ගෙ ගෙල සිඳින්න බෑ

තැන් තැන්වල ලොකු බෝම්බ පුපුර ගත්තෙ නෑ
බංකර් යට හැංගි හැංගී සටන් කලෙත් නෑ
සැප විඳ විඳ පොඩි එවුන් ව බිලි දුන්නේ නෑ
ලොවට කියා උපන් රටත් පාව දුන්නෙ නෑ

මුහුණ ට මුහුණත දීලා
පපුව ට පපුව ම දීලා
එළාර ලෙස රඟපානා
අනේ සර් දයාලන් ට හතුරු වෙන්න බෑ
ඉස්කෝලෙ ප්‍රසංගේ
දුටුගැමුණු නාටකේ
අනේ සර් මට නම් දුටුගැමුණු වෙන්න බෑ
ගැමුණු වෙලා එළාර ගේ ගෙල සිඳින්න බෑ

රංඩු කරන් තරහ වෙලා එක පේලියෙ හිටියා
හොරෙන් බලා දුක් වීලා හිතින් කඳුළු සැලූවා
වෛරයෙ විෂ බැන්දෙත් නෑ
පලි ගන්නට හිතුවෙත් නෑ
කිසි කෙනෙකුට කිව්වෙත් නෑ
ලොකු සර් ල දන්නෙත් නෑ
මේ නාටකෙ රඟපානා
හොඳ මිතුරෝ අපි දෙන්නා
අපි ගහේ වැලේ ගෙඟ් ෙදාලේ සෙල්ලම් කෙරුවා

ඉස්කෝලෙ ප්‍රසංගේ
දුටුගැමුණු නාටකේ
අනේ සර් අපි නාටකෙ වෙනස් කරමුකෝ
එළාරවයි දුටුගැමුණු යි යාළු කරමුකෝ


පද රචනය: ලක්ෂ්මන් කොඩිතුවක්කු
සංගීතය: සංගීත් වික්‍රමසිංහ
ගායනය: තිසල් වංසජ පාදුක්කවිදාන

ළමා ගායක තිසල් වංසජ පාදුක්කවිදාන ගේ ලඟදී එළි දැක්වීමට නියමිත "මගේ උරුමය" ගී එකතුවෙනි.

මේ බූන්දිය ඔබේ මූණු පොතට එක් කරන්න | Share this Boondi on Facebook
|
|




සීතාම්බර


නො අසා ඉන්න
යුද බිමෙහි වෙඩි වැදී
පුතුන් මිය ගිය ගණන
වන්දි අරගෙන ඔන්න ඔහෙ ඉන්න
අපහසුවේවි
සේනාධිපතීන් ට

ද්‍රෝහීන් යැයි කීවා ද
මහත්වරුනි ඔබටත් කීර්තිමත් !
නෑසුනා මෙන් ඉන්න
එපා නඩු පවරන්න
කරදරවේවි
පරිපාලකයින් ට

බිංදු නවයක් ම බිලියනයක අගට !
යුද වියදම් අධිකයි තමයි
වැය වුනේ කොහොමද ?
ඒත් ප‍්‍රශ්න නොකරන්න
දුක හිතෙයි
ඉහල නිලධාරීන් ට

මුදාගත් ජීවිත
තාම කඳවුරුවල හිර කරගෙන
මුදාගන්නට
තව කවුරුවත් එන්න ඕනැද
සද්ද කරන්න එපා
බරපතලයි ඔය වගෙ ප‍්‍රශ්ණ
සසල වේවි බියෙන්
සංවේදී පාර්ලිමේන්තුව

එපා විමසන්න
මළ මිනී ගැන
තැන තැන හම්බවෙන
පැහැර ගන්නව තමයි ඉඳහිට
නොදන්නන ව වගෙ ඉන්න
බිඳේවි නරපති ඇමති කිත්
දිනෙන් දින වැඩි වෙන

බඩගිනිද ? පොඞ්ඩක් ඉවසන්න
පොදුයි මුළු ලෝකෙටම
විරැුකියාව මේ දවස්වල
හඬ නූස්සා ගෙවල් ඇතුලෙ ම ඉන්න
ලැජ්ජා හිතේවි
සබකෝල ආණ්ඩුවට

නිහඬව ම ඉන්න
නොපෙනුනා සේ ඉන්න
නෑසුන කණින් ඉන්න.
සීතාම්බර සළු ඇන්ද
රජුන් නිරුවත් කෙරුව
පුංචි ළමයෙක්
නොදන්වා හෙට ඇවිත්
ඇහැරවන තෙක් ඉන්න.

මහේෂ් මුණසිංහ
2009 08

මේ බූන්දිය ඔබේ මූණු පොතට එක් කරන්න | Share this Boondi on Facebook
|
|



මම මේ සිස්ටම් එකට හරිම කැමැතියි. ඒකේ සල්ලිවලට ඕන දෙයක් කරන්න පුළුවන්. ඒ ඒ අයට කැමති ඒ ඒ පැකේජ්. මගේ කාර්යක්ෂම ජීවිතේ ට්‍රැෆික් එක අඩුකරගන්න මමත් අළුත් පැකේජ් එකකට මාරුවුණා. කරදරම වැඩේ- ළමයා දැම්මා මාසෙකට පහලොස්දාහක් ගෙවන ඉස්කෝලෙකට, බුක්හයර් එක හින්දා මොකුත්ම හොයන්න ඕන නෑ, ඉස්කෝලෙම තියෙනවා වීක්එන්ඩ් එකේ ටියුෂන් ඉස්කෝලෙම තියෙනවා. මොකුත්ම හොයන්න ඕන නෑ, ගෙදරදි ළමයා ඉන්ටර්නෙට් එකේ හින්දා වයිෆුත් හරිම නිදහස්...ඊළග ගැටළුව වුණේ අම්මයි තාත්තායි. ඒ දෙන්නම හොදම කන්ඩිෂන් එකේ තියෙන එල්ඩර්ස් හෝම් එකකට දැම්මා. දැන් මං සම්පූර්ණයෙන්ම නිදහස්. කම්පැනි එකට හන්ඩ්‍රඩ් පසෙන්ට් දෙන්න පුළුවන්. බොසුත් සළකනවා.

දැන් තියෙන එකම කරදරේ වයිෆ් ඉක්මනට නිදාගන්න කරදර කරන එක විතරයි.
ඒකත්..........?



ඇ ට මැ ස් සා (අතිරේකය)
ආයෙ හෙට දවසක් නොඒවී අද වාගේ

ඉස්සර අයිතම

මේ බූන්දිය ඔබේ මූණු පොතට එක් කරන්න | Share this Boondi on Facebook
|

රූකා ඇවිත් ගියා.

දවසක් දා හැන්දෑවක පොතක් බලන්නට රූකාට හිතුන කාලෙ වෙද්දි ලංකාව අස්සෙ ජනප්‍රිය සංගීතය වැඩ බැරි ටාසන්ලගෙන් (ජෝතිත් ගිහිං හන්දා) පිරිලා තිබ්බේ. රේණුට මල් මිට දීලා සඳ වටදෝ මා දුටුවේ අහද්දි ඒකේ ඒ හැටි බර තේරුමක් නොතිබ්බත්, මොකද්ද මන්දා එතෙක් අහු නොවුනු විසේකාර මනමාල වැඩක් රූකාගෙන් එළියට ආවා. මදුරුවෙක් කෑවත් අතක් පයක් නොහොල්ලන ගායකයො ඉන්න රටක, රූකා (කොටා තමා! හැබැයි...) යව්වන ජවයකින් ස්ටේජ් එකේ දඟලද්දි ඒක වෙනසක් වුනා.

ඇමරිකාවෙන් මෙහෙට ඉම්පෝර්ට් වෙලා උන්න සතියෙ දෙකේ රූකා සමකාලීන ජනප්‍රිය සංගීතය ගැන එහෙන් මෙහෙන් වාක්ය කීපයක් දානවා අපිට ඇහුනා. රූකා දන්නවද අපි දන්නෑ- සොරි දැනට එහෙම මොකුත් ටේ‍රන්ඩ්ස් මෙහෙ නෑ. ලොකු පතහක් (රික්තකයක්) තියනවා. පතහෙ පල් වතුරෙ මදුරු පණුවො කීප දෙනෙක් ඉන්නවා නිලි නිලි ගගා. උංගෙ නිලි නිලි සද්දෙ පොහොර සමාගම්වලිනුයි පපඩම් මීඩියාවලිනුයි බලෙන් අස්සනවා ශ්‍රාවකයන්ට. ශ්‍රාවකයංගෙ කඳ බඩ කට පුක වගේම කණත් අයිති වෙළෙන්ඳන්ට නිසා මේ නිලි නිලි බලූ කෙඳිරිලි අහගෙන ඉන්නවා ඇරෙන්න වෙන විකල්පයක් පේන තෙක්මානයක නැහැ.


ඇ ට මැ ස් සා (අතිරේකය)
ආයෙ හෙට දවසක් නො
ඒවී අද වාගේ

ඉස්සර අයිතම

මේ බූන්දිය ඔබේ මූණු පොතට එක් කරන්න | Share this Boondi on Facebook
|
|


බුදුන්ට දෙවැනි ඇමති - (මර්වින් සිල්වාට ලිපියක්) - (ලංකා 16-08-2009)

මේ බූන්දිය ඔබේ මූණු පොතට එක් කරන්න | Share this Boondi on Facebook
|


රණවිරු උපහාර - THE MEDAL - [අනුවාදය - චන්දන සිරිමල්වත්ත]

මේ බූන්දිය ඔබේ මූණු පොතට එක් කරන්න | Share this Boondi on Facebook
|

හත්සීයට පුළුවන්ද බලකොටුව වටලන්න - විරාජ් ලියනාරච්චි

මේ බූන්දිය ඔබේ මූණු පොතට එක් කරන්න | Share this Boondi on Facebook
|

පියවර හඬ - ඇනතොලි ප්‍රිස්තව්කින්

[ඇනතොලි ප්‍රිස්තව්කින් විසින් රචිත රුසියන් කෙටිකතාවක අනුවාදයකි මේ. යුද්ධයෙන් අවතැන්වී, ළමා නිවාස වල දිවි ගෙවන සිය පරම්පරාවේ වෙනත් අය මෙන්ම කුසගින්න, සීතල සහ සාංකාව විසින් වෙලා ගන්නා ලද කටුක සහ අමිහිරි ජීවන අත්දැකීම් ඔහුගේ නිර්මාණ තුල සුලබ තේමාවන් ය. සිය සොඳුරු ළමා විය අනාථ නිවාසයක ගෙවා දැමු ඔහු, මෙහෙකරුවකු ලෙස ජීවිකාව අරඹා, රැකියා කිහිපයක අවසානහේ කසකස්තානයේ සාරවත් ගොවිබිමක සේවකයෙකු ලෙස ජීවත්වූය්ය. ඔහු විසින් රචිත සියළුම කතා ඔහූ ලියූ "වෙයාර් ස්ලෙප්ට් ගෝල්ඩන් ක්ලවුඩ්" නම් ස්වයං ලිඛිත චරිතාපදානයේ සංක්ෂිප්තයන්ය.]

මම මොස්කව් නුවර පාළු වීථීයත් ඔස්සේ ගමන් කරමින් සිටියෙමි. ඒ වන විට වේලාව මධ්‍යම රාත්‍රියට ආසන්නව තිබිණි. පුෂ්කින් රඟහල පසුකරත්ම තනිව ගමන් කරන කුඩා ගැහැණු ලමයෙකු දුටිමි. පෙනුමින් වයස අවුරුදු දහයක් පමණ වූ ඕ පදික වේදිකාව ඔස්සේ ගාට ගාටා ඇවිදින්නට වූ අතර මඳක් ඉදිරියට ඇවිද ගොස් විදුලි පහන් කණුව අසල නැවතුණු ඈ ඉතා සීරුවෙන්, බොහොම පරිස්සමෙන් මෙන් එය වටා කැරකුනාය. වේගයෙන් ඇවිද ගොස් ඇය පසුකල මම නතර වී ඇය දෙස බලා හුන්නෙමි. ඒ අනුව ඇය මගේ පියවර හඬට සවන් දෙමින් මා අනුව ගමන් කරමින් සිටිනා බවත් ඇය අන්ධ බවත් මම තේරුම් ගතිමි. අන්ධ දැරිය කුමක් කරන්නීදැයි බැලීමට තරම් කුකුසක් මාතුල පහල වූයෙන් මම එක්වණම නැවතුනෙමි. ඒ අනුව, මංසන්ධියේදී නැවතුනු ඇය, හිස ඔසොවා වටපිටාවට සවන් යොමා සිටින අයුරු එවිට මට දැකගත හැකිවිණි.

ඇය අඩි තබමින් මා ගමන් කරන තුරු බලා සිටින්නීද? වෙන කිසිවෙකු ගමන් කරන හඬකට සවන් දී සිටින්නීද? එහෙත්, ඒ අසලින් කිසිවෙකු ගමන් කළේ නැත. මෝටර් රථ කිහිපයක් පමණක් හඩ නගමින් ඈ අසලින්ම ඉදිරියට ඇදි ගියේය. ආපසු හැරුණු මම ඈ වෙත පැමිණියෙමි.

"කොහාටද යන්නෙ" මම ඇසීමි.

"ආමේනියානු සාප්පුවට" විමතියෙන් හෝ බියෙන් තොර වූ පැහැදිලි හඩින් ඈ කියා සිටියාය.

"එතනින්?"

"සාප්පුව ළඟමයි මං ඉන්නෙ. ස්තුතියි ඔබට"

මොහොතක් නතරව සිටි ඈ ඈතින් ඇසුණු පියවර හඩ අනුව එ පසුපස ගමන් කිරීම ඇරඹුවාය.
සිදුවීම එසේ විය. අපි හඩ නගමින් ඇවිදින බව මට අවබෝධවන්නට කලක් ගත වී තිබිණි. එබැවින් අපි හැමවිටම නිවැරදි මග තෝරා ගත යුතු වෙමු. එසේ විය යුත්තේ අප කෙරෙහි විශ්වාසය තබා අප අනුගමනය කරන්නවුන් කිසිලෙසකින් හෝ මුළා නොවනු පිණිසය.

අනුවාදය- ප්‍රශංසනී පරණවිතාන

මේ බූන්දිය ඔබේ මූණු පොතට එක් කරන්න | Share this Boondi on Facebook
|

කලම්බෝ කලම්බෝ වී ලව් යූ කලම්බෝ

හරි අපූරු ඉරිදා සවසක් පසුගිය නව වැනිදා ගෙවී ගියේ ඉන්දික ෆර්ඩිනැන්ඩුගේ අභිනව වේදිකා නාට්‍යය "කලම්බෝ" නැරඹීමෙන් ලද අමන්දානන්දයෙන් පිරී ඉතිරී යමින්. රාජිතගේ සහ ධනංජයගේ වේදිකාවට පසුගිය ඉරිදායින් පසුව පයගසන ඉන්දික ෆර්ඩිනැන්ඩු, ඒ ඉරිදා රාත්‍රී නමය පසුවී මිනිත්තු කිහිපයකට පසු අපව ගෙදර යවනු ලැබුවේ වෙන්ඩ්ටයේ වේදිකාව ගලවා අපගේ හිස මත තැබීමෙන් අනතුරුවයි.

නැරේටරයෙක් සහිත, සංගීතමය කලම්බෝ ආරම්භවූයේ එහි සංගීත රචකයා විසින් සවිඥානිකව හෝ අවිඥානිකව භාවිතා කරන ලද "මෙටැලිකා- නතිං එල්ස් මැටර්ස්" සිහිගන්වන සංගීත ඛන්ඩයකින් සහ ඉන් අනතුරුව එයට එකතු වන ගැයුමකිනි... "කලම්බෝ කලම්බෝ අයි ලව් යූ කලම්බෝ". නාට්‍ය අතරතුර ජවනිකා කිහිපයකදී චරිත කිහිපයක් රඟපාන සෞම්‍ය ලියනගේ නාට්‍යයේ නැරේටරයාද වනවා. ඔහු විසින් කාලාන්තරයක් තිස්සේ වේදිකාව මත ගොඩනගාගත් පෞර්ෂය තුලින් මේ වන විට ප්‍රේක්ෂකාගාරය මෝහනය කරවන මට්ටමේ සැහැල්ලූවකින් රංගනයෙහි යෙදෙන සෞම්‍ය, නාට්‍යය ආරම්භ වන ක්ෂණයේදීම සමස්ථ ප්‍රේක්ෂකාගාරයම එක මිටින් ගෙන බඳවා තබා ගන්නවා. කලම්බෝ පුරාම දක්නට ලැඛෙන ප්‍රශස්ත ආලෝකකරණය ගූඨ කලම්බෝ වීදිය වේදිකාව මත මවමින්, ප්‍රේක්ෂකාගාරය සිසාරා යන සෞම්‍යයගේ ජව සම්පන්න දෑස් දිදුලවීමට සැළැස්වූවා.

සංගීතමය කලම්බෝ සඳහා සංගීතය සපයන්නේ එහි රඟන පාත්‍ර වර්ගයා විසින්මයි. මා නම නොදන්නා නලූවෙක් (උපුල් හෝ නදීක), සෞම්‍ය සහ සරා ප්‍රධාන කොටගත් අනෙකුත් චරිත සියල්ලම ගිටාරයන් අතින් ගෙන විටින් විට සජීවීව වාදනය කරනවා (අඩු ගනනේ ගිටාරයට තට්ටුවක් වත් දමනවා). ප්‍රශංසනීය පර්යේෂණයක්. කිසිදු සැකයක් නැතිවම ඔවුන් මනා ලෙස පුහුණු වී තිඛෙනවා. මරණයේ ජවනිකාවේදී ඔවුන් සංගීතය සපයාගන්නේ තම ශරීරයන්හට තම දෑතින්ම ගසා ගනිමින්. එහිදී ෆර්ඩිනැන්ඩු විසින් තෝරාගෙන ඇති ගායන විලාසය සහ සංගීතය උපදවන රිද්මයානූකූල චලනයන් කතෝලික පාස්කු නාට්‍ය සම්ප්‍රදායේ ඇතැම් අංගයන්ගේ ආභාෂයෙන් බිහි කරගත් ඒවා යැයි මා සැක කරනවා. එමෙන්ම කලම්බෝ තුල ගයන්නේත් එහි රඟන්නන් විසින්මයි. අනසූයා, සරා සහ ගිටාරය වයමින් ගයන නවකයා අනාගතයට පොරොන්දු සපයනවාæ දෙබස් ඛන්ඩ මැදින් ගයන වයන, දුවන, පනින ඔබ දුටු මා හට සැණෙකින් සිහිවූයේ ෆිඩ්ලර් ඔන් ද රූෆ්, මුලාන් රූජ් හෝ චිකාගෝ සමස්ථයක් ලෙස ගත් කල කලම්බෝ පුරා අපට හමුවන රංගන ශිල්පී/ශිල්පිනියන් සියලූ දෙනාම ඉතා කැපවීමෙන් යුතුව උසස් මට්ටමේ රඟපෑමක නිරත වනවා. ඉතා සුළු කරුණක් පවා සවිස්තරාත්මකව සහ නිවැරදි තාක්ෂණයෙන් යුතු අභිනයන් තුලින් අප වෙත ගෙන එනවා.

කලම්බෝ තුල, විටින් විට මාරු කරමින් භාවිතා කරනු ලබන සරළ එහෙත් ප්‍රබල පසුතල නිර්මාණ සහ රංගෝපකරණ සංගීතමය නාට්‍යකට අවශ්‍ය කරන ජවය වේදිකාව මතින් ලබාදීමට සමත් වී තිඛෙනවා. අංගරචනය හා මනාව සරිලන රංග වස්ත්‍ර අදාල ජවනිකා සඳහා සකස් විය යුතු මනෝභාවය ප්‍රේක්ෂකයා වෙත ක්ෂණයකින් ගෙනදීමට සමත් වනවා. ඇමරි අප්‍රිකානු වීදි නැටුම් ඇසුරින් එහෙත් අනපේක්ෂිත ඛන්ඩනයන් හරහා කලම්බෝවට අනුගත කරගත් නර්තන වින්‍යාසය නාට්‍යයේ ආකෘතිය තව තවත් විචිත්‍රවත් කරවනවා. විශෙෂයෙන්ම මරණයේ සහ රමණයේ ජවනිකාවන් ද්විත්වය සිහිනමය අත්දැකීම් බවට පත්කිරීමට මේ සියල්ල එක්වී කටයුතු කොට තිබුණා.

නිසැක වශයෙන්ම ඉන්දික කලම්බෝ ලියන්නට ඇත්තේ විහාරමහාදේවියේ බංකුවක් මත හිඳගෙන, ගුණසිංහ හිස දෙස බලාගෙන හෝ පිටකොටුවේ අනි මිස බෝගසට චුට්ටක් එහායින් ලාස්ට් බස් එක අනූනවයෙන් මිස් වීමට මොහොතකට කලින් වීමට බොහෝ දුරට ඉඩ තිඛෙනවා. කලම්බෝ තුලින් ඒ තරමටම කලම්බෝ සුගන්ධය වහනය වෙනවා. ඉන්දික ඒ සුගන්ධයට උඩින් ප්‍රේක්ෂකාගාරය පුරා ඕඩිකොලොන් හැලීම සඳහා අණ දෙමින් එහි ප්‍රතිවිරෝධය අප හමුවට ගෙන එනවා. ප්‍රොයිසීඩියන් වේදිකාව අභිබවන තවත් පර්යේෂණයක්- ඉන්දික ෆර්ඩිනැන්ඩු විසින් කලම්බෝලා ඉදිරියෙන් කැඩපත ඇල්ලීම සඳහා යොදාගන්නා ආකෘතිය සුවිශෙෂයි. එය, නව දකුණු ඇමරිකානු සිනමාව (ඇතැම් විට මෙයට මුල් වූයේ ලතින් ඇමරිකානු සාහිත්‍ය වෙන්නටත් පුලූවන්-කරුණාකර ඔබට හැකිනම් මා නිවැරදි කරන්න- එහෙත් දෘෂ්‍යමය භාවිතාවක් ලෙස අප මෙය මුලින්ම දැකගත්තේ සිනමාව තුලින්) හරහා පෙරට පැමිණි කුඩා අඛ්‍යාන කිහිපයක් සහිත ආකෘතිය සිහිගන්වනවා. මෙම ආකෘතියේදී මහා අඛ්‍යානය බිහිවන්නේ යටිපෙලෙහි වීම විශෙෂත්වයක්. (අලෙහන්ද්‍රෝ චිත්‍රපට) බොහෝ විට දැකිය හැකි පරිදි මෙම ආකෘතිය විසින් අදාල කුඩා අඛ්‍යාන ඡෙදනය කරනු ලබන රිද්මය තුල ඒවායේ සහසම්බන්ධය ඇතිවීම නිරීක්ෂකයා තුලින්ම මතුවීමට සළස්වනවා. කලම්බෝහි ප්‍රධාන දීර්ඝ නාට්‍යමය ජවනිකා හතරක් තිඛෙනවා. (දෙබස් සහිත)

1. ප්‍රේම කිරීම සඳහා බංකුවක් සොයමින් විහාරමහාදේවී උද්‍යානයේ ලතැවෙන පෙම්වතුන්ගේ ජවනිකාව.

2. බොරැල්ල උමං මාර්ගයේ අතරමංවී සිටියදී ක්ලේමෝ බෝම්බයක් ඇසගැසෙන පෙම්වතුන් යුවල.

3. ලාස්ට් බස් එකේ ජවනිකාව.

4. අවසානයේදී හමුවන මරණය මත රමණයේ ජවනිකාව.

මෙයට අමතරව භාවිතා වන දීර්ඝ සංගීතමය සිහින ජවනිකාවක් ලෙස මරණයේ ගීතය ඉදිරිපත් වන්නේ ඉහත ජවනිකා සියල්ල පසාරු කරවන හුයක් ලෙසින්. කලම්බෝ සමාජයේ මේ මොහොත වන විට එදිනෙදා ජීවිතයේදී අප අත්දකින මේ අපුල ජවනිකාවන්, කලම්බෝ විසින් අප ඉදිරියේ රඟ දක්වා පෙන්වන්නේ නටමින් ගයමින් සංගීතමය ආකාරයෙන්. කලම්බෝ තුල දුවන පනින නටන දඟලන අපූරු දෙබසින් කඩු සරඹ පාන පාත්‍ර වර්ගයා අපව ඉල ඇදෙන තුරු, කඳුළු පනින තුරු සිනහ ගන්වනවා. ආඛ්‍යාතය විසින් උක්තය තීරණය කරන ලද සමාජ ක්‍රමයක්. ෙජ්. ආර්. පමණක් නොව කොල්වින් විසින් පවා කඩේ අරින ලද සමාජ ක්‍රමයක්, ගොළු හදවත තුල සිරවුනු පරිණාමය නොවන සමාජ ක්‍රමයක්. අවශ්‍ය නම් නාට්‍ය කරුවාට තවත් ඈතට යන්නටත් තිබුණා. අනුකාරකත්වයම මිස ස්වයං විකාශනයක් නොපතන සමාජ ක්‍රමයක්, සංස්කෘතික විකාශනය අහිමි කරවන ලද සමාජ ක්‍රමයක්æ ඇතැම් විට ඔහු අපට සිතන්නට ඉතිරි කරන්නට ඇත්තේද එයම වන්නටත් පුළුවන්.

ඉන්දික තෝරාගත් අකෘතිය කි්‍රයාත්මක වන්නේ පිටුපසටයි. ඔහු "ඔබයි රම්‍ය සඳකිරණ... ඝණ අන්ධකාරේ" නව තාලයකට ගායනා කරන්නේ අවඝාතයටයි [off -beat]! කලම්බෝ හිදී අපට හමුවන ගොලූ හදවත අතේ තියාගෙන ඉන්න අංකල්ගේ චරිතයෙන් තවත් අංකල් කෙනෙක් දැන් කොයි හරියෙද ඉන්නෙ කියලා ඇහුවහම එයා උත්තරේ විදිහට දෙන්නේ...

"තාම දම්මි, සුගත්ට වෙරළු දෙන තැනට ආවේ නැහැ" කියලා.

ඔව් ෆර්ඩිනැන්ඩු, ඔබ හරි තැනින් අල්ලාගත් කලම්බෝ, ක්ලේමෝ බෝම්බය පුපුරා යාමට මොහොතකට කලින් අපිට පෙන්වා තිඛෙනවා. අපි කොහෙද හිරවුනේ කියලා අපිට ආපස්සට හොයාගෙන යන්න වෙනවා. ඒ හිරවීම තේරුම් ගන්න පැරණි තනුවම ගයනු වෙනුවට අලූත් රිද්මයන් තනා ගත යුතු වෙනවා!

කලම්බෝ බලන්න. නැවත නැවතත් පෙන්වන්න.

සංවාදයට විවෘතයි.

අමිල ගලප්පත්ති

ප.ලි.
ආදරයෙන් සුළගට කතා කරමි,
නාට්‍යය ඉගෙන ගැනීම සඳහා රාජිත, ධනංජය සහ දැන් ඉන්දිකත් ඔබට කතා කරයි!

මේ බූන්දිය ඔබේ මූණු පොතට එක් කරන්න | Share this Boondi on Facebook
|
|


තවත් විශ්වකර්මයෙක්!

මෙම ලිපියට අදාළ පුවත්පත් දැන්වීම මෙතනින් ගිහින් බලන්න.


Click on the image to view.

මීට කලකට ඉහතදී ජනමාධ්‍යවේදීන් ද, දේශපාලඥයින් ද, විවිධ උගතුන් ද, වෛද්‍ය, ඉංජිනේරු ආදී විවිධ වෘත්තිකයින් ද, ආචාර්ය- මහචාර්ය ඇදුරන් ද, විවිධ පූජකයින් ද, ජනතාව ද රැවටූ කැළුම් වීරසිංහ නම් වූ "එලොවින් ආ ජීවකයා" පිළිබඳව ශ්‍රී ලංකා හේතුවාදි සංගමයේ සම සභාපති ගාමිණි වියන්ගොඩ මහතා විසින් කල හෙලිදරව්වෙන් අනතුරුව එම ව්‍යාජ ව්‍යාපාරය නිමාවට පත් විය.

යලිත් එවැන්නෙකු පහල වී ඇති බවට පුවත් පත් මගින් වාර්තා වී ඇත. මේ අළුත් ජීවකයා විසින් "මහා විශ්ව බල ශක්තියේ බල මහිමයෙන්" සියළු රෝග සුවකරදෙන අතර ඔහු දක්වා තිඛෙන හැකියාවන් ලයිස්තුවට අනුව කල නොහැක්කක් නොමැත.

ඒ අනුව, සියළුම ග්‍රහ අපල, දෝෂ, කොඩිවින, අනවින, ඇස්වහ, කටවහ, භූත-ප්‍රේත-දිෂ්ටි-පිල්ලූ, දරුපල දෝෂ භංග කර, දුරුකොට යහපත උදා කරදෙනු ලබයි.

තවද ඕනෑම අයෙකු වශීකර දෙයි! සියළු විභාග- සම්මුඛ පරීක්ෂණ වලින් ජය ලබා දෙයි! වෙළඳ ව්‍යාපාර වල සියළු දෝෂ භංගකර දියුණුව සලසා දෙයි! සොර සතුරු කරදර නිමා කරදෙයි! සතුරන් පරදවා ජය ලබා දෙයි! අතහැර ගිය අය ගෙන්වා දෙයි! සතුට සාමය දියුණුව උදාකරදෙයි....!

ඉතිං වෙන මොනවද අඩු....?!!!!!

මෙහි සඳහන් කොට ඇතිවාටත් වඩා දිග මේ ලැයිස්තුවට අනුව ලංකාවට (මතුද නොව, ලෝකයටම) රාජ්‍ය යාන්ත්‍රණය හෙවත් ආණ්ඩුවක්, අධිකරණයක්, පරිපාලන යන්ත්‍රයක්, සමාජ ආයතන පද්ධතියක්, ආර්ථීක හා සංවර්ධන සැලසුම් හා ක්‍රමෝපායන් ආදි කිසිවක් අවශ්‍ය වන්නේ නැත. සියළුම රෝග ශල්‍ය කර්ම හා ඖෂධ වලින් තොරව ක්ෂණිකවම සුවකරදෙන හෙයින් වෛද්‍යවරු, වෛද්‍ය විද්‍යාල, ආරෝග්‍යශාලා, ඛෙහෙත් ශාලා අවැසි නොවේ. විභාග සමත්කොට දෙන බැවින් පාසල්- අධ්‍යාපන ආයතන ආදියද අවැසි නැත. නඩු හබ අරභයා යුක්තිය ඉටුකොට දෙන හෙයින් අධිකරණ ක්‍රමයක් හා නීති පද්ධතික්ද අවශ්‍ය නොවේ (නීතීඥ මහතුන්ට වැඩ ද අඩුවනු ඇත). සොර සතුරු කරදර ඉවත් කොට සාමය රජයන බැවින් පොලිසි වැනි ආයත ද පවත්වාගෙන යාමේ තේරුමක්ද නැත.

කොටින්ම දියුණුව, නිරෝගිකම, රුවැති බව, යුක්තිය, සාමය, පවුල් ප්‍රශ්න, ලිංගික ප්‍රශ්න, ව්‍යාපාරික ගැටළු ආදී මෙකී නොකී සියළු ගැටළු- ප්‍රශ්න- අභියෝග වලට ක්ෂණික විසඳුම් ඔහු සතුය. ඔහුගේ විශාල දැන්වීම් හා ප්‍රචාරක ව්‍යාපාරයෙන් කියා සිටින්නේ එයයි.

ඉතිං තවත් මොනවද?

සියළුම මිනිස් අවශ්‍යතා, ව්‍යාපාරික අවශ්‍යතා, සෞඛ්‍ය අවශ්‍යතා සපුරාලන ඔහු වැන්නෙකු සිටිත් නම් ඔහු හැර අන් කිසිවෙක් රටේ ජනතාවට අවැසි නැත. එමතුද නොව, ඔහුගේ මෙමෙ හැකියාව හා බල මහිමය ලොව ඕනෑම රටකට බල පවත්වන බැවි කියවෙන නිසා මුළු මිනිස් ප්‍රජාවටම ඇති එකම හා පරම විසඳුම ඔහුය.

අපි කෙතරම් වාසනාවන්තද?

(කැළුම් වීරසිංහට මෙන් "සතුරු කුමන්ත්‍රණයකට" ඔහු භාජනය නොවේවායි අවසාන වශයෙන් පතමු)

තාරක වරාපිටිය
ලේකම් සහ මාධ්‍ය ප්‍රකාශක - ශ්‍රී ලංකා හේතුවාදි සංගමය
lanka.rationalist@gmail.com
2009-08-20

මේ බූන්දිය ඔබේ මූණු පොතට එක් කරන්න | Share this Boondi on Facebook
|

Click on the image to read.
චේ ග්වාරා සහ ලොරි-ජයේ - ඉසුරු ප්‍රසංගගෙන්

මේ බූන්දිය ඔබේ මූණු පොතට එක් කරන්න | Share this Boondi on Facebook
|


හෙන්රි වර්ණකුලසූරිය අධ්‍යක්ෂණය කළ නොනිමි ගමන (Endless Journey) කෙටි චිත්‍රපටය අන්තර්ජාලයේ පැවැත්වෙන CULTURE UNPLUGGED උළලෙහි Humanity Explored යන තේමාව යටතේ තරග කිරීම සඳහා තෝරාගෙන තිබේ. එය මේ වන විට චිත්‍රපට 600ක් අතුරින් ඉදිරියෙන් (15-30 අතර ස්ථානයක) සිටින අතර, චිත්‍රපටය නරඹා ඔබේ මනාපය සලකුණු කරන ලෙස ආරාධනා කරමු. නොනිමි ගමන ලෝ පුරා විවිධ රටවල පැවති චිත්‍රපට උළෙල 10ක් නියෝජනය කොට තිබේ.

චිත්‍රපටය බලන්න.
http://www.cultureunplugged.com/play/1639/Endless-Journey



Cast
Nilupuli Jayawardhena
Bimsath Hekularu
Sadeepa Nilupul
Gamini Costa

Music
Navaratna Gamage

Script & Direction
Henry Warnakulasuriya

Endless Journey : Director: Henry Warnakulasuriya | Genre: Drama | Produced In: 2008

Synopsis : A poverty stricken mother and child live in a slum area. The mother leaves the sleeping child on the mat and goes to work as a domestic helper in an upper middle class house. While the luxuriously brought up child runs away from food rejecting it, the poor child runs with stolen food due to hunger. Both of them run the race on the same unending track.

Biography of Director : Henry Warnakulasuriya is a known creative writer in Sri Lanka. He is an author of books in the fields of Short stories, Children stories, Novels, Translations and Film Criticism. Henry is a film critic and was the Assistant Director of the internationally awarded feature film “This is my moon” . He is a director of number of educational video programmes & documentaries. He was the supervision director of a short film “Mid Sun Shadows” produced by a group of youths in the Southern Province of Sri Lanka. “Endless Journey” is his first Short film. Henry is a graduate of University of Peradeniya , Sri Lanka where he majored in Engineering and earned masters in Mass Communication at University of Kelaniya, Sri Lanka.

Selected Film Festivals

1. Pangea Day International Film Festival, Los Angeles, USA
2. 9th International Short Festival Malescorto 2008, Italy
3. 10th International Panorama of Independent Film & Video in Greece
4. 7th Annual Route 66 Film Festival, Illinois, USA
5. VII International Kansk Video Festival, Moscow, Russia
6. 7th Reggio Film Festival, Italy
7. Festival de International de Barcelona 2008, Spain
8. 6th International Kathmandu Mountain Film Festival, Nepal

මේ බූන්දිය ඔබේ මූණු පොතට එක් කරන්න | Share this Boondi on Facebook
|


. . අන්තිම ට



මේ අවසන් කවිය ද
නො කියවන්න
කවි ලියන මා සුමිතුර

ණයට ගත්තද අපි
ඔය බර ගිනි අවි
උඩින් අත අරින විට
හිතුවක්කාරෙ ට
නැහුනෙ ගස් ගල් විතරද

තුරු තුඩින් මිදුණ
දල්ලක සියුම් රිදුමට
මට දුක හිතවන්න තරමට
කවි ලියු උඹට
මේ අහිංසකයින් ගෙ මරණ
නොදැනුනේ කොහොමද

ගල් බෝතලයක
හිත් පොඟවගෙන
ගල් බැම්මෙ ඉඳන් වින්ද
ඉස්සර ලිව්ව උඹෙ කවි
උතුරට දකුණ යා කරන
නොදන්නව වගෙ
ආයෙම අළුතින් ලියනවිට
අනේ දැං කොච්චර ලාබද

උන්ගෙ යුද්ධය
උන්ගෙ සාමය
උඹයි මට කියා දුන්නේ ඇන ඇන
උන්ගෙ යුද්ධයේ
උඹයි දැං පළවෙනි ගොදුර
එකම කවියක් වත් නොලියුව
මා ළතෙත් කිවියර


මහේෂ් මුණසිංහ
2009 08

මේ බූන්දිය ඔබේ මූණු පොතට එක් කරන්න | Share this Boondi on Facebook
|
|

සතර කන් මන්ත්‍රනය

මම
කිවිඳියකට
පෙම් කලා

දිනක් මම
ඇයට

(විහාර මහා දේවී උද්‍යානයේදී)
හාත්පස සිසාරා
බලා
කාටවත්
නො ඇසෙන බව
සැක හැර දැන

"මං ඔයාට
මගෙ පනටත් වඩා ආදරෙයි"
කියන්නට

(ගසක් යටදී)
ඇය හිටගෙන
ගහට පිටුපා
හේ්ත්තු වී
සිටි අතර
මම
ඇයට
මුහුන ලා හිටියා

අඩියක් පෙරට තබා
ඇය වෙතට
ලං වත්ම

කාකයෙක් ගහ උඩ හිටපු
කරවු කලා

අඩක් විවර උන මුවින්
මම ගහ උඩ බලත්ම
ඌ මගෙ මුඛ විවරය තුලට
"වරචස්" පිඩක් හෙලා

"ක්‍රාක්ස්" යන අනුකරනයෙන්
පලා ගියා

ජනක මහඛෙල්ලන. උපාසක මුහුද

මේ බූන්දිය ඔබේ මූණු පොතට එක් කරන්න | Share this Boondi on Facebook
|



කවිය ගැන කෙටි සටහනක්-

පෙම්වතුන් කවදත් උමතුයි. ඒ උමතු බව නිසා අම්බානක ගුටි කන්න වෙන එකත් සනාතනිකයි. ඒවා මේ කවියට කැටයම් වගේ...

වැදගත්ම කාරණේ එතැන නොවෙයි තියෙන්නේ , හාවා එලියේ ඉඩම් ටික විකුණලා හම්බන්තොට වරායෙන් නැවු නැගලා මාලදිවයිනට වැදිලා කරෝල වෙළඳාමක් කරන්න හීන මවන්නේ ඇයි කියන එක... ඒ උමතුව ඇතුලෙම...

ඒක උමතුවකට වඩා මෙහයින් තියෙන යථාර්ථයක්. පෙම්වතා උමතු වුවත් ඔහුගේ අනාගත වැඩපිලිවෙල ඊට ප්‍රතිපක්ෂයි. නමුත් ඒ ප්‍රතිපක්ෂය හීනයකට සීමා වෙන්නේ කදිම ස්වාභාවික නීතියක් ප්‍රසූත කරමින්.

ඒ ...

උන්මත්තකයෙක් දකින හීන යථාර්ථවාදීයි කියන නිහඩ කතාව...!

[ස්වාභාවික තත්වයේ ඉන්න අය උමතු හීන දකිනවා වෙන්න පුළුවන් ඒක ද්විඝටනාත්මක වෘද්ධියක්-උක්ත සංසිද්ධියේ විලෝමයක් ]
ලංකාව ඇතුලේ අනාගත පවුලට අයත් මිනිසුන් වෙනුවෙන් වැඩ පිලිවෙලක් නැහැ කියන එක උම්මත්තකයෙකුගේ හීනයක් ජනනය කරන යථාවක්.

ඒත් එක පවුලකට අනාගත වැඩපිලිවෙලක් තියෙනවා.

ඒක හම්බන්තොටින් රට ඇතුලට නැව් ගත වෙනවා හෙමින් හෙමින්.

මේ කවියේ තියෙන හම්බන්තොට රෑපකය මට අඟවන්නේ අන්න ඒ වගේ පවුල් විකාරයක්.

-ඩෝසන් ප්‍රීති-

මේ බූන්දිය ඔබේ මූණු පොතට එක් කරන්න | Share this Boondi on Facebook
|

හෙඩිම සහ ඡායාරූප දුටු සැණින් ලිපිය කියවීමට ආශාවක් ඇතිවුවත් මින් ඉදිරියට යාමට ඔබට අවසර ලැබෙන්නේ එක් පොරොන්දුවක් මත පමණි. "මේක රහසක්""බරපතළ රහසක්"මේ පිළිබඳ කෙළ බිඳක්වත් නොහෙළනවා නම් පමණක් ඔබට මෙය කියවීමට අවසර තිබේ. ඉතින් මේ කොන්දේසිය රකින බවට අම්ම පල්ලා, දෙයියම් පල්ලා හෝ වෙනත් කෙනෙකු පල්ලා කියා මේ ලිපිය මත දකුණ අත තබා පොරොන්දු වන්න.
හොඳයි දැන් ඔබට ඉදිරියට යා හැක.
අපි හික්කඩුව වැල්ලට යමු. රැල්ල පා ගන්නට හෝ කොරල් බලන්නට හෝ නොව සංචාරක අමාත්‍යංශය මහ ඉහළින් වනන හික්කඩුව වෙරළ සැණකෙළිය නරඹන්නට යමු. හැමෝම මේ සැණකෙළියට කටපුරා කියන්නේ "හික්කා 2009"කියා ය. ඒ නිසා අපි ද මුලින් මෙයට "හික්කා'කියා කියමු. සැණකෙළිය දවස් හතරක් පැවැතුණත් අපි ඔබව රැගෙන යන්නේ අගෝස්තු පළමුවෙනි දා සැඳෑවට ය.
දවස පුරා හික්කඩුව වෙරළ තීරයේ නානාවිධ කෙළීන් තිබුණත් හැම කෙල්ලක් ම කොල්ලෙක්ම බලා සිටියේ රාත‍්‍රිය උදා වන තුරු ය. ඒ රාත‍්‍රියේ වෙරළේ තිබෙන DJ පාටියට ය.


මෙය එසේ මෙසේ පාටියක් නොව දැවැන්ත DJ පාටියකි. ඒ නිසා ඒ සඳහා ඇතුළුවීමට රුපියල් 2500ක් ගෙවා ටිකට් පතක් ලබා ගත යුතු ය.
රාතී‍්‍ර 9.30 වනතුරු ඒ සඳහා ප‍්‍රධාන දොරටුව අසල රැඳීසිටිමට අපිට සිදු විය. ඒ අතරවාරයේ විශාල පිරිසක් ගේට්ටුව ආක‍්‍රමණය කළහ. අවුරුදු 13 සිට අවුරුදු 35-40 දක්වා පරාසයේ පිරිස් එහි සිටියත් වැඩිපුරම සිටියේ කොල්ලන් සහ කෙල්ලන් ය.
වැඩිහිටියන් කියන පරිදි ගැටයන් සහ ගැටිස්සියන් ය. ගමේ භාෂාවෙන් කියන්නේ නම් ඉලන්දාරීන් සහ ළමිස්සියන් ය. ලිඛිත භාෂාවෙන් කියන්නේ නම් තරුණයන් සහ තරුණියන් ය. හැම කොල්ලෙක්ගේම අතේ කෙල්ලක එල්ලී නොසිටියත් හැම කෙල්ලක්ම කොල්ලෙකුගේ අතේ එල්ලී සිටියා ය.
ඇතැම් විට කොල්ලෝ දෙතුන් දෙනකුගේ අතේ ය. ඒනිසා ම එම කෙල්ලන්ට එම කොල්ලන් විසින් ලබා දුන්නේ විවිධ නාමයන් ය.
"මගේ ගර්ල් ෆ්‍රෙන්ඞ්"
"මගේ බඩුව"
"මගේ කෑල්ල"
"අපේ ආතල් එක"
"මගේ වයිෆ්"
කොයි නමින් හැඳින්වුවත් මේ සිටින්නේ හිරිමල් යෞවනයේ නාභියේ සිටින අපේ ම දූවරුන් ය. ඒත් මේ දූවරුන් හැමදෙනාම පාහේ තම තම අඩනිරුවත් සිරුර හොඳහැටි පෙනෙන පරිදි ඇදුම් අඳින්නට වගබලා ගෙන තිබුණු බව කිවයුතුය.
වෙලාව 9.30 යි. අපි ඇතුළට යමු. දොරටුව අසල අප ඉදිරියේ සිටි තරුණයන් පිරිසට පුංචි බාධාවක්.
"ඇතුළට ලිකර් අරන් යන්න බෑ."
"අවුලක් නෑ මෙතැන ඉඳලා ගහලා යමු."
කරබාගත් තරුණ පිරිස තම බෑග්වල තිබූ අරක්කු සැන්ඩි නැතිවම එතැනම තබා උගුරට දෙකට පානය කිරීමට පටන් ගත්හ. අවට සිටි ආරක්ෂක අංශ සාමාජිකයන් අහක බලා ගත්තේ එය දැකීම "මතට තිතට"අගෞරවයක් වන බැවිනි. "හික්කා"වට ආශිර්වාදයක් ලෙසින් රටේ සාමාන්‍ය නීතිය ප‍්‍රදේශය පුරා ක‍්‍රියාත්මක නොවන බව හික්කඩුවට පැමිණි මොහොතේ සිටම අපිට දැනුණි. යතුරුපැදිවල හෙල්මට් නැතුව එහේ මෙහේ යාමට කිසිදු බාධාවක් නැත. හික්කඩුව පොලීසිය ඉදිරිපිටම සිගරට් පානය කිරීමටත් කටේ තබාගෙන අරක්කු බෝතල් පිටින් ගසන්නටත් කිසිදු බාධාවක් නැත.
දැන් අපි හික්කා DJ රාත‍්‍රිය පැවැත්වෙන වෙරළ තීරයේ. ඒ කොනේ සිට මේ කොන දක්වා විවිධ අනුග‍්‍රාහක නාම රැගත් ධජ පතාක. ඒවා අහසට නැගී සිටියේ නව සංචාරක ඇමැතිවරයාගේ අභිමානය අහසට කියන්නාක් පරිද්දෙනි. මුළු වෙරළ තීරය ම වෛවර්ණ විදුලි ආලෝකයන්ගෙන් නැහැවී තිබිණි. හාත්පස ගලාගියේ DJ සංගීත රාවයයි. මුහුදු තීරයේ ස්ථාන 4ක විවිධ හෝටල් විසින් පවත්වන DJ සංදර්ශන 4ක් තිබිණි. කොල්ලො කෙල්ලො මුලින් රොද බැඳ සිටියේ මෙම ස්ථාන හතරේ ය. ඒ හැරුණු විට තැන තැන තාවකාලිකව ඉදිකරන ලද කුඩා කෑම බීම කඩ ද තිබිණි. මතට තිත තබන නිසාවෙන්දෝ වෙරළ තීරයේ වැඩිපුරම තිබුණේ මත්පැන් විකුණන කඩය. මෙම ස්ථානයේ ආරක්ෂාව සඳහා පොලීසිය, යුද හමුදාව, නාවික හමුදාව සේම පෞද්ගලික ආරක්ෂක අංශ කිහිපයක්ම යොදවා තිබිණි.
එළියේ සිට ම බීමතින් ඇතුළට පැමිණි තරුණ ජෝඩු DJ සංගීතය ඇසෙන මානයට වී නටන්නට පටන් ගත්හ. තවමත් වෙරි වෙන්නට නොහැකි වූ ජෝඩු නටන්නට පෙරාතුව බොන්නට පටන් ගත්හ. එහි ගැහුණු පිරිමි කියා බේදයක් නොතිබිණි. සිගරට් අරක්කු කියා ද බේදයක් නොතිබිණි. මේ අතරවාරයේ ඇටෙන් පොත්තෙන් යන්නට මත්තෙන් "හික්කාව"තුළට රිංගාගත් කොලූ රෑනක් සියලූ පූජාවන්ට පෙර දෑත් දෝවනය කරන්නාක් ලෙසින් පැමිණි විගසම මත්වෙන්නට පටන් ගත්හ.
හික්කා භූමියේ මත්වීම ද ලේසි පහසු කටයුත්තක් නොවුණි. එය ද මිල අධික වැඩකි. සියලූ මත්පැන් මේ භූමියේ අලෙවි කළේ එකට එකක් මිල වැඩිකර ය. කොතරම් මිල වැඩි වුවත් නොබී නොසිටින්නට සියල්ලෝ වග බලාගත්හ. හික්කා නරඹන්නට පැමිණ සිටි විදේශිකයන් අතළොස්ස ගැන ද නොකියාම බැරි ය.
හික්කඩුව වෙරළ සැණකෙළිය පැවැත්වීමේ මුඛ්‍ය පරමාර්ථය ලෙස සංචාරක අමාත්‍යංශය රටට කීවේ විදේශීය සංචාරකයන් හික්කඩුවට ඈඳාගැනීම ය. එහෙත් පළමුවෙනි දා රාත‍්‍රියේ හික්කා භූමියේ සිටියේ විදේශ සංචාරකයන් 20ක් 30ක් පමණ ය. ඔවුන් අතරින් වැඩිපුර සිටියේ තරුණ සහ මැදිවියේ කාන්තාවන් ය.
මධ්‍යම රාත‍්‍රිය උදාවත් ම හික්කා භූමියේ සිටි කොල්ලො කෙල්ලෝ හොඳහැටි වෙරි වී සිටියහ. "හික්කා"ඒ වන විට හොඳහැටි "චික්කා"වී තිබිණි. වෙරිමතින් මත්ව උන් ජනයා දසත පැතිරෙන අනුරාගී DJ තාල අනුව අනුරාගී නැටුම් නටති.
ඇතැම් ජෝඩු අඳුරු අහුමුලූවල සැලමුතු නුගිනුරා පෙම දියකරමින් සිටියහ. තවත් ජෝඩු උමතු වූ පරිද්දෙන් එකිනෙකා වෙළා ගනිමින් නටමින් සිටියහ. ඒ කිසිවකුට ඇදිවත ගැන පවා දැනීමක් නැත.
විදේශීය කාන්තාවන්ට නොඑසේනම් සුද්දියන්ට කුරුමානම් අල්ලමින් සිටි කොල්ලන් රෑනක් මධ්‍යම රාත‍්‍රිය වන විට උනුන් තම කුරුමානමට ගොදුරු කරගෙන සිටියහ. ඒ නිසා උනුන්ගේ ප්‍රේමාලිංගනය ද දෝරේ ගලන්නට පටන් ගෙන තිබිණි.
මේ අතරවාරයේ මෙම අනුරාගී රැගුම් දෙස බලා ඒවා තම කැමරාවලටත් ජංගම දුරකථනවලටත් පටිගත කර ගැනීමට වෙහෙසෙන පිරිසක් ද ඒ අතර සිටියහ. අවටින් පැමිණි කොල්ලෝ පිරිසක් එහි මූලිකත්වය ගෙන කටයුතු කළහ. සවස් යාමයේ සිට වේලී වේලී එහා මෙහා යන ඇතැම් ආරක්ෂක නිලධාරීන්ට ද මෙය "ප‍්‍රබෝධමත්" අවස්ථාවක් බවට පත් විය. වහා කි‍්‍රයාත්මක වූ ඔවුහු සංචාරක ඇමැතිවරයාගේ අභිමානය විදහාපාමින් අහසට නැග තිබූ කොඩි කණුවලට මුවා වී මේ රැගුම් වීඩියෝ කරන්නට පටන් ගත්හ.
බීර පානය කිරීමෙන් අධික මුත‍්‍රා බරින් පෙළුණු කොල්ලන් පිරිසක් සුළුදිය පහකරනු පිණිස වෙරළේ අඳුරු තැනක් බලා ගියහ. අපි ද ඔවුන් පසු පස ගියේ කතාවකට ඇදා ගැනීමේ අටියෙනි.
"ඒ වරෙන් වැඩක් පෙන්නන්න.."
කොල්ලෙක් අඳුරු මුල්ලක් වෙත අත දිගුකළෝ ය. අපි ද වහා ඒ දෙස බැලූවෙමු. එතැන සිටියේ ආරක්ෂක නිලධාරියෙකි. ඔහුට මදක් ඈතට වන්නට තරුණ ජෝඩුවක් සැලමුතු නුගිනුරා පෙම් ජවනිකාවක ය. එදෙස බලාගෙන මේ නිලධාරියා ස්වයං වින්දනයේ යෙදේ. ඒ කිසිකෙනකුගේ වින්දනයට බාධාවක් නොකළ අපි සුළු දිය පහකිරීමට ආ කොල්ලන් සමග කතාබහ කළෙමු.
"මල්ලි උඹලා කොහෙද...?"
"කොටහේනේ...?"
"කවුරු කවුරුද ආවේ....?"
'අපේ ක්ලාස් යන සෙට් එක.."
"කෙල්ලොත් ආවද..?"
"ඔව්. ගෙවල්වලට පොඩි මරිසියක් දාලා එක්කන් ආවා."
"මොනවා කියලද..?"
"ටි‍්‍රප් එකක් යනවා කියලා ආවේ..."
"අද කොහෙද ඉන්නෙ..."
"පොඩි ලොජ් එකක රූම්ස් ටිකක් අරන් ඉන්නෙ."
තවත් බොහෝ දේ කතා කරන්නට අවශ්‍යව තිබුණත් යළිත් නටන්නට ගිය නිසාවෙන් අපිට ඒ අවස්ථාව මඟ හැරුණි.
තවත් හෝරාවක් යන්නට මත්තෙන් DJ රැඟුම් වෙනම ම අතකට හැරුණි. DJ නැටුම් පැවැති තැන්වල අනුරාගී නැටුම් නටන්නට විශේෂයෙන් පුහුණු කරන ලද විදේශීය කාන්තාවන් කිහිප දෙනෙක් යොදවා තිබිණි.
කොටට ඇද සිටි ඔවුන් මේස උඩට නැග ඉදිරිපත් කරන අනුරාගී නැටුම් දැක අවට සිටි ජෝඩු ද කුල්මත් වූවා වැනි ය. ඔවුන්ගේ සම්ප‍්‍රාප්තියත් සමග ම මෙතෙක් අතේ තබාගෙන බි බී උන් අරක්කු බෝතල් ඔළුවේ හළා ගන්නට ද ඇතැමෙක් කටයුතු කළහ. නටන අතරවාරයේ තම උඩුකය ලා සිටි ඇදුම් ඉවත් කරමින් ඉඳහිටි නිරුවත් ළමැද ප‍්‍රදර්ශනය කිරීමට ද මේ සරාගී කතුන් අමතක නොකළෝ ය.
ඒ නිසාම මේස උඩට වී නටන මේ සරාගී කතුන් ව පහළ සිටින සුරාසොඩ තරුණයන්ගෙන් බේරාගන්නට වෙනම සේවක පිරිසක් යොදවන්නට ද හෝටල් බලධාරීන්ට සිදුවිය.
තවත් හෝරාවක් දෙකක් යන විට DJ සංගීතයට නැටූ පිරිස අඩුවන්නට විය. ඒ වෙනුවට මුහුදු තීරයේ එක දිගට වැතිරී සිටින පිරිස වැඩිවන්නට පටන් ගත්හ. දැන් දැන් ජෝඩු ජෝඩු මුහුදු තීරයේ මුහුදට මුහුණලා වාඩි වී ආලිංගනයේ යෙදී සිටිති. සවස් වරුවේ හික්කා භූමියට එනවිට අතේ එල්ලී සිටි කෙල්ල දැන් වෙන කොල්ලකුගේ තුරුලේ ය. හවස් යාමය පුරා කරවටා අතයවා සිටි කොල්ලා වෙනත් කෙල්ලක් තුරුලට ගෙන ය.
මේ සිටින ජෝඩු අතර සුද්දියන්ව ග‍්‍රහණයට ගත් ලංකාවේ කොල්ලෝ ද සුද්දියන්ගේ ග‍්‍රහණයට මැදි වූ ලංකාවේ කොල්ලෝ ද එමට සිටියහ. එපමණක් නොව සමලිංගික කාන්තාවන් සහ පිරිමින් ද එකිනෙකාට තුරුලූව මේ වෙරළ තීරයේ කිසිදු අපුලකින් තොරව ආලිංගනයේ යෙදී සිටිති.
වෙරළ තීරයේ සේම ඇඳන් ආකාරයෙන් වෙරළේ ඉදිකර තිබූ ගිමන් නිවන කුටි තුළ ද බොහෝ දේ සිදුවිය. ඒවා වචනයට පෙරළීම පුවත්පත් සදාචාර සීමාවන් ඉක්මවන බැවින් හික්කා සටහනට මෙතැනින් තිතක් තබමි.
මගේ රහස අවසාන ය. ලිපිය කියවීමට පෙර මට ලබාදුන් පොරොන්දුව ඒ අයුරින්ම ඉෂ්ට කිරීමට වගබලා ගනු මැන. එපරිද්දෙන්ම කිවයුතු තවත් යමක් තිබේ. මේ පත්තර කෑල්ල සංස්කෘතික ඇමැතිවරයාට හසු නොවන්නට ළඟ තබා ගන්න. යම් හෙයකින් ඔහුගේ අතට මෙය පත්වුවහොත් "වැඩිහිටියන්ට පමණයි"ලේබලය ගසා පුවත්පත් ලිපිද තහනම් කරනු ඇත. එසේම සාහිත්‍යසූරී මහරජාණන්ට ද මේ ලිපිය ගැන හෝඩුවාවක් හෝ සැලනොකර සිටින්නට වගබලා ගන්න. ඔහුගේ අතට මෙය හසුවුවහොත් "මතට තිත"කඩාකප්පල් කළායැයි කියා ඔහු ද මෙය තහනම් කරනු ඇත.
අවසන් වශයෙන් මෙය අභිනව ධුරන්දර සංචාරක ඇමැතිවරයාට ද සඟවා තබා ගන්න. ඔහුගේ අමාත්‍යංශයේ පළමු දැවැන්ත ව්‍යාපෘතියෙන් මේ ආකාරයෙන් සදාචාරයට නව පණක් ලබාදෙද්දී මෙවැනි ලිපි ළඟ තබාගැනීම ඔහුගේ රොස් බවට හේතුවනු ඇත.

උපුටා ගැනුම - අසංක සායක්කාර - "ලංකා ඉරිදා සංග්‍රහය"

මේ බූන්දිය ඔබේ මූණු පොතට එක් කරන්න | Share this Boondi on Facebook
|

බැනුම් අහන කවියා

මහ සභාවක් මුල්ලේ හිඳ ගෙන
මඳ සිනහවක් මුව රඳවාගෙන
වේදිකාවේ පඬුවන් ගෙන්
බැනුම් අහන කවියා නුඹ

මල් පොකුරෙද තුරු වදුලෙද
හිරු සඳු තරු වලා පෙළෙ ද
ආදරයක්..දිව්‍යමය ආදරයක් සඟවා විත්
බැනුම් අහන කවියා නුඹ

”මෙච්චර ලෝකෙට ප‍්‍රශ්න තියෙද්දිත්,
කිසි සමාජ වගකීමක් නැති
අනේ මුං ලියන කවි ” යැයි
හිනැහෙමින් බැනුම් අහන කවියා නුඹ

”ගහපියව් මරපියව් ඕකුන්ට
අන්න බලව් අපේ කෙරුම්,
අනේ තොපෙ මල් පොහොට්ටුවෙ විප්ලවේ” යැයි
බිම බලාගෙන මඳ සිනාවෙන් ඉවසා
බැනුම් අහන කවියා නුඹ

ගරු සභාවෙන් එළියටවිත්
හඳුනන්නන් අතර හුදෙකලා වී
පෝළිමේ ගොස් තේ බොන
එතනත් ටිකක් බැනුම් අහන කවියා නුඹ

ගෙදර යාමට බස් නැවතුමට විත්
තරු කැට මත දෑස් රඳවාගෙන
තවත් කවියකට රන් සුණු සොයන
ටිකකට කලින් මහ සභාවෙන්
බැනුම් අහපු කවියා නුඹ

අනුෂ්ක තිලකරත්න
08/08/2009

මේ බූන්දිය ඔබේ මූණු පොතට එක් කරන්න | Share this Boondi on Facebook
|


ඔබ ලෝකයේ පිටු පසට ඇද වැටිය හැකිය

තව සුළු මොහොතකින් ඔබ
ලෝකයේ පිටු පසට
වැටෙන්නට ඉඩ ඇත; නොවැලැක්විය හැකි ලෙස
පසුපසට ඔය විදියට ගාටාගෙන ගිය කවුරුත්
ඒ ලෙසින්
ලෝකයේ අතීතය නමැති කුණු කසල ගොඩ වෙත
ඇද වැටී ඇත බිහිසුණු ලෙස රාව නංවමින්

එතැන් සිට ඔබ දකින සිහිනය පවා
[Disaster Capitalism]
රළුය කටුකය සංවේගජනකය

පය පැකිලී වැටීම වෙනුවට
අතීතය වෙත
තටාකයකට පනින කිමිදුම්කරුවෙකු මෙන්
එක එල්ලේ පනින්නට ඔබ තෝරාගත් මග
ප‍්‍රතිසංස්කරණවාදී යැයි කවරෙකු හෝ කවද හරි
ඔබෙ දින මැකුනු දින පොතෙන්ම
මතුකර ලියනු ඇති මහ විසාල ලියවිල්ලක්

අතීත සිරගෙයි
අනන්ත වැඩ සහිත
දුක් කරදර සහිත
දඩුවම් විඳිද්දී පවා
[Disaster Capitalism]
ඔබ සිතනු ඇති

තව සුළු මොහොතකින් ඔබ
ලෝකයේ අතීත කුණු කසල ගොඩ වෙත
ලෝකයේ පිටු පසට
වැටෙන්නට ඉඩ ඇති බවට

ඇත්තේ එකම කුට්ටම වුවද
ක‍්‍රීඩා කළ හැකි ක‍්‍රමනම් අපරිමිතය

එනමුදු පෙර කවරදාකටත් වඩා
ස්වාභාවික- අස්වාභාවික
ජන සංහාර- ලෙඩ රෝග -වසංගත
යුද්ධ -සුනාමි- භූමි කම්පා යනාදී
විනාශයන් තුලින් ආර්ථිකයන් වඩාත් යහපත් ලෙස
ගොඩනගා ගන්නට අරමුදල් එකතු වනු ඇති බව
ඔබට පෙනෙනු ඇති
ඔබෙ සංවිධානාත්මක සාක්කු වලට දැනෙනු ඇති

ඒ ඇති ඔබට
සහ
ඔබගේ පරම්පරා හතකට

ආයෝජකයිනි වරෙල්ලා
වෙළද පොල ප‍්‍රසාරණය කරගනිල්ලා

ආයෝජකයිනි වරෙල්ලා
වෙළද පොල ප‍්‍රසාරණය කරගනිල්ලා
ශ‍්‍රමය සූරා ගනිල්ලා
කලාපයම ලියා ගනිල්ලා
මංමාවත් විවෘත කර ගනිල්ලා

හැබැයි

ඇත්තේ එකම කුට්ටම වුවද
ක‍්‍රීඩා කළ හැකි ක‍්‍රමනම් අපරිමිතය

මටත්
මගේ පරම්පරා හතකටත්
ඒ ඇති

ලෝකයේ මොන පසින් මා සිටින්නේ දැයි
නුඹලා පොත් ලියපල්ලා

ඩෝසන් ප‍්‍රීති
082009

මේ බූන්දිය ඔබේ මූණු පොතට එක් කරන්න | Share this Boondi on Facebook
|

PRESS RELEASE/ 07 August 2009

Sri Lankan government bars media from covering elections in North

Journalists for Democracy in Sri Lanka out rightly condemn the Sri Lankan government’s decision not to allow independent media representatives to cover the first local elections in two main northern cities, Jaffna and Vavunia – which will be the first since 1998. The head of the government security information centre said on Monday the 3rd, the journalists will not be allowed to cover the crucial elections. Therefore the independent media is compelled to rely on information provided exclusively by the government.

Even though the Sri Lankan government’s decision has drawn widespread condemnation from various quarters, it does not come as a surprise for the people who had been closely observing the government’s recent policies towards free media and the democratic rights of the Tamil people.

Following the recently achieved military victory over the Tamil rebels, the government called quick elections in the two northern cities, while more than 280,000 Tamil people were been held against their will inside internment camps run by the state armed forces. The dreadful conditions prevailing inside the camps have been highlighted by various human rights groups and the camps still remain out of bounds for media.

Furthermore, severely militarized environment prevailing outside the camps does not ensure the conditions required for holding free and fare elections. According to a recently concluded survey carried out by the Colombo based Centre for Policy Alternatives, out of the total registered voters who are eligible to cast their votes in Jaffna Municipal Council elections, 11.6 percent are detained in several camps for displaced in Jaffna district while over one fifth of the IDPs are living out of the district. This includes the Tamils as well as the Muslim population who were displaced from the peninsula due to the conflict in the recent past. The entire province has been recently brought under the control of an ex-military officer who was appointed as the Governor. A similar move was earlier implemented in the Eastern province.

While methods of selective terror such as abductions and targeted killings have been frequently exercised against the civilian community in the area, free press has always suffered immensely for voicing the concerns of the victims. On the 23rd of June, thousands of copies of the local newspapers, Valampuri, Uthayan and Thinakkural (Jaffna edition), were burnt into ashes by an armed group backed by the government, for defying publishing an anonymous notice.

In the above context, it is obvious that the outcome of the local government elections in Jaffna and Vavunia, will simply reflect the precarious realities prevailing in the area. The elections will naturally intensify the violence that has already been a part of the day to day life of a community living under the shadow of guns. Hence it is not difficult to understand the true motive behind the government’s decision to bar independent
media from covering the elections.

Therefore, while condemning the government’s decision, the JDS calls upon the democratic forces in the country as well as the responsible international bodies to demand that Sri Lanka be open up to media and human rights scrutiny as a first step to restore democracy in the country.

Journalists for Democracy in Sri Lanka (JDS) is an action group of journalists, writers, artists and human rights defenders in exile who are campaigning for democracy, human rights and media freedom in Sri Lanka.

Executive Committee
Journalists for Democracy in Sri Lanka
C/O INSD, Kremmener Strasse 2, 10435 Berlin, Germany / journalistsfordemocracy@gmail.com

මේ බූන්දිය ඔබේ මූණු පොතට එක් කරන්න | Share this Boondi on Facebook
|


"යුද්දෙ නම් ඉවරයි. ඒත්.... පබා ?"

මේක මේ යුද්දෙ ඉවර වුන දවස්වල සති අන්ත පත්තරේකට පාඨකයෙක් එවුව එස්.එම්.එස්. එකක්. මේ වචන පහ, මේ රටේ කලාව නමින් කර ගෙන යන බඩගෝස්තරවාදී සෙල්ලමට දුන්න ෂෝක් කණේ පාරක්. සති අන්ත පත්තර වල "සොමි වලිග" (අතිරේක) වලින් පුම්බලා උඩ යවපු ඊනියා මෙගා ටේ‍රන්ඩ් එක බොක්ස් ඔෆීස් වාර්තා තියමින් අල වෙමින් පච වෙමින් දිය වෙමින් යනවා. මේවට ජනප්‍රිය සංස්කෘතිය කියලා සීල් තියලා කෝට් අන්දපු න්‍යායාචාර්යවරු හංගලා ගහපු කොළ, මේ රටේ සාමාන්‍ය මිනිස්සු හොයා ගන්න දවසක් එනවා.

ඉන්දියාවෙන් ගෙන්වන ටෙලි, අල ගෝනියක් වෙච්ච හන්දනෙ දේශීය කර්මාන්තයක් වශයෙන් මෙගා පටන් ගත්තෙ. දැන් හරි චෝයි. එක ගෝනියක් මදිවට දැං අල ගෝනි දෙකයි. මේක නිකං හරියට ඩෙංගු කීටයා භක්ෂණයට ගෙනාව මල් පැණි බොන මදුරුවා මල් පැණි එපා වෙලා ලේ බොන්න ගත්ත වගේ වැඩක්. මේවා අස්සෙ ආට්ස්වත් කල්චර්වත් වෙන මොන මළදානයක්වත් නෑ. කොටින්ම සරලවම කියනවනම් මේ මෙගා විගඩම එවුවයේ රඟපාන එවුන්ටත් කඩයක් වෙලා ඉන්නෙ. දිගටම සල්ලි හම්බවෙන හන්දා යනවා. ඒත්, මේ ඇත්ත කතන්දර කවුරුත් කියන්නෙ නෑ. ටී.වී. මයික් එක හරි වොයිස් රෙකෝඩර් එක හරි කටට ඇල්ලූවහම මේවට සම්බන්ධ අය එක පාරටම ස්පිල්බර්ග්ලා, ඇන්ජලිනා ජොලීලා, ටොම් කෘෘස්ලා වෙනවා. "අපි හරීරීරීඊඊඊඊඊඊ කැපවීමෙන් මේව කරන්නේ!" - යන්තරයක් වගේ මෙලෝ රහක් නැති දෙබස් ගෝනියක් කියලා හවසට මැලවුනු මැගිලින් වගේ ගෙදර එනවා සෙට් එකේ ට්‍රාන්ස්පෝට් එකේ.

එAත්, බලන් ඉන්න අය අපි නොලබන පබා ලබන අමුතු සතුට හොයාගන්න දිගටම කට ඇරගෙන හැමදාම රාත්තිරියෙ ටී.වී. ඉස්සරහා මුර කරනවා- සති අග සොමි වලිග, මල් පත්තර, පිලා කටු (කලා පිටු) පීර පීර මේවා හොයනවා. අන්තිමට කාටවත් මොකුත් හම්බවෙන්නෙත් නෑ. (නොහොත් හම්බ වෙන්න දෙයක් තිබිලත් නෑ.) එහෙම හම්බ නොවෙන බව තේරෙනවනම්, අන්න එතන ඉඳන් හිතන්න පටන් ගන්න පුළුවන් උවමනාවක් තියන කෙනෙකුට.

දන්න එවුං දන්නවා මේවයෙ ස්ක්‍රිප්ට් එක (ටෙලි තිර පිටපත) ලියන්නෙ ෂූට් එක දවසෙ උදේ හෝ කලින් දා රෑ. පිටපත් රචකයා සහාය අධ්‍යක්ෂකගෙන් කෝල් කරලා අහනවා මචං හෙට ෂූට් එකට එන්නෙ කොයි කොයි චරිතද කියලා. කවුරුහරි නළුවෙක් එදාට සිමෙන්ති ගේන්න යනව නම් හරි නිළියෙකුගෙ දුර පළාතක නෑයෙක් පරලෝකප්‍රාප්ත වෙලානම් හරි ඒ අයගෙ කොටස් නැතුව තමා ස්ක්‍රිප්ට් එක ලියවෙන්නෙ. උදේම බලද්දි අහස කළුකරල නම්, ඕං වැස්ස සීන් එකක් ඔබනවා. ප්‍රධාන නළුවා- කොල්ලා සෙට් එකේ වලියක් දා ගෙන තරහා වෙලා ගියාම ටෙලියේ කෙල්ල ට වෙන කොල්ලෙක් බහින්න ගන්නවා. හැබැයි කෙල්ල හා කියන්නෙ නෑ. හා කියන්නෙ නැත්තෙ වෙන එකක් හින්දා නෙමේ අර සෙට් එකේ එවුන්ට නෙලලා ගිය නළුවා ආයෙ එයිද බලන්න කල් ගන්න. අන්තිමට කාලයක් ගිහින් හන්ටර් වුනහම ඌ එනවා. දැන් අර තුන් වැනි නළුවා හැලෙනවා. සවුදි බලා යමින් තිබ්බ ස්ක්‍රිප්ට් එක ඩුබායි වලට හරෝනවා. අනේ දෙය්යො බලලා ආයෙමත්, කතාව දැහැමෙන් සෙමෙන් ගලාගෙන ගලාගෙන යනවා. ප්‍රේක්ෂකයා දන්නේත් නෑ- මකුණො කකා බලං ඉන්නවා. ඇඩ් යද්දි ඇහැ පියවෙලා, "විරාමයෙන් පසු නැවතත්" කියද්දි ගැස්සිලා ඇහැරිලා බලන් ඉන්නවා.

සමහර නිළියෝ මේ කුඩා බඩවැල වගේ ඇදෙන ටෙලි ඇණය ඇනිලා මානසික අවපීඩනයට ලක් වෙලා ටෙලියෙන් සදහටම සමුගන්නවා. ඔන්න පිංවතුනි, ස්ක්‍රිප්ට් රයිටර් වහාම කෙල්ලව ඇක්සිඩන්ට් කරෝලා සති කීපයක් පිටරට යවනවා. මේ අතර වෙන නිළියෙක් සෙට් වෙනවා වේකන්සියට. අර කලින් නිළිය සුදුයි. අළුත් කෙනා ඩිංගක් කළුයි. කමක් නෑ කමක් නෑ පිංවත අර රට ගිය චරිතය ප්ලාස්ටික් සර්ජරියක් කරගෙන ලංකාවට එන නිසා දුක් වෙන්ට කාරි නෑ. ප්‍රේක්ෂකයෝ බලන් ඉන්නවා. මොකුත් වෙලා නෑ. දැන් ආයෙත් කතාව කලින් වගේම අළුත් ප්ලාස්ටික් නිළිය සමග ගලා ගෙන ගලා ගෙන යනවා. ඔන්න බලන්ට පිංවත, මේ සසරත් මෙගා ටෙලි නාට්‍යයක් වගේ. (හාමුදුරුවරු මේ උපමා දන්නෙත් නෑ. ගන්නෙත් නෑ.)

ටෙලිවිෂන් මාලා නාටකවල මුල සෝප් ඔපෙරා. මේක ටෙලිවිෂන් ආව මුල් කාලෙ ප්‍රොක්ටර් ඇන්ඩ් ගැම්බ්ල්, ලිවර් බ්‍රදර්ස් වගේ සබන් වෙළෙන්ඳො උන්ගෙ සබං (සෝප්) විකුණගන්න ගහපු වෙළඳ ගැටයක්. අද වගේම එදත් උන්ගෙ ටාගට් ඕඩියන්ස් එක ගෘහණියෝ. මුලදි වැඩේ ගියේ සතියේ දවස් වල දවල්ට විකාශනය වුන රේඩියෝ ඩ්‍රාමා විදිහට. පස්සෙ තමා ටී.වී. එකට බෝ වුනේ. එක කතන්දරයක් ඇතුළෙ අගක් මුලක් නැති කතන්දර කීපයක් පැටලවීම, ඒ එක කතාවක්වත් එකවර ඉවර නොකිරීම, අනුග්‍රාහකයන්ගේ වෙළඳ නිෂ්පාදන හෝ සේවා ප්‍රවර්ධනය වෙන විදිහට ස්ටෝරිලයින් එක ලිවීම, එක එපිසෝඩ් එකක් ඉවර වෙද්දි ඊගාව එපිසෝඩ් එකෙන් පිළිතුරු ලැඛෙයි කියලා හිතෙන කෘතිම කුතුහලයක් මැවීම වගේ ලක්ෂණ තමා මේවයේ තිබුණෙ.

ඉතිං පිංවතුනි, මූලයේ ඉඳලම මේක වෙළඳ ව්‍යාපාරයක්. අන්තර්ගතය, ආකෘතිය සහ අරමුණ කියන තුනම සේවය කරන්නෙ ස්පොන්සර් කරන වෙළෙන්ඳට. ඔය මේ සොමි වලිග වලින්, චැට් ඇන්ඩ් මියුසික් වලින්, සති අග සල්ලාප වලින් උත්කර්ෂයට නංවන විදිහෙ මාර කලාවක් මේවයෙ නෑ. මෙහේ අය කරපු සෝප් ඔපෙරාවලින් රක්ෂණ සමාගම් ස්පොන්සර් කෙරුව ඒවා මතක් කරගන්න පුළුවන්නම් මේක තේරෙනවා. පවුල තුළ ඇති අනවරත අවදානම නැවත නැවත අවධාරණය කරන එක, ටෙලිය බලලා බය වෙන මැට්ටන්ට රක්ෂණ ඔප්පු විකුණගන්න එක තමා ගේම.

මේ වෙද්දි, එක වෙළෙන්ෙඳක් ප්‍රමෝට් කරපු යුගය ඉවරයි. කොටින්ම, ටෙලිය මැද්දෙ ඇඩ් බලනවද නැත්නම් ඇඩ් මැද්දෙ ටෙලිය බලනවද කියල හොයාගන්න බැරි වෙන තරමට වෙළෙන්ඳො. ටෙලිය නොමිලෙ බලනවා වගේ හිතුනට, පහුවදාට බඩු ගන්න කඩේට ගියහම කලින්දා ටෙලිය අස්සෙ බලපු ඇඩ් වැඩට බහිනවා. අන්න ඔයා එතකොට අහවල් බඩුව අහවල් නමින්ම (බ්‍රෑන්ඩ් නේම් එකෙන්ම) ඉල්ලනවා. ඔයා දන්නෙත් නෑ හැබැයි ඔයාට බඩුම තමා. මේ ක්‍රමය අස්සෙ ඔයා, විශාල යන්ත්‍රයක් අස්සෙ ඇඹරි ඇඹරි තමන්ගෙ සාරය මිරිකලා යවන උක් දණ්ඩක් විතරයි. ඒක ටී.වී. එක ඉස්සරහ ඉන්න ඔයාට, ටී.වී. එකේ ඉන්න පබාට මර්වින්ට සරාට, උංගෙ පිටිපස්සෙ සෙට් එකේ ඉන්න එවුංට, මේවා ජෝක් කරලා ලියලා අච්චු ගස්සවන මට කියන මේ හැමෝටම පොදුයි.

මේ යන්ත්‍රය අස්සෙ ඇඹරිලා රොඩ්ඩක් වෙලා එළියට විසික් වීමේ ඉරණම නිවැරදිව තේරුම් ගැනීමයි වැදගත්ම දේ. එම තේරුම් ගැනීමම තමා මේ යන්ත්‍රයට අභියෝග කරලා ඒක කුඩුපට්ටම් කරලා දැමීමේ ආරම්භය වෙන්නෙ.

-කූඹියා-
200908

මේ බූන්දිය ඔබේ මූණු පොතට එක් කරන්න | Share this Boondi on Facebook
|

Unrest looming large

The king is found to be without clothes, once again. All Kevattayas, including Siyambalapitiya and Cabraal, were spinning fairy tales about the state of the economy, non conditional gifts that would come from the IMF and money bags given by Christmas papas from the west and east. But the truth is out. All we have to do is to look at the IMF website to see Rajano shivering in the cold without even a loin cloth, the traditional dress of the Lions - the descendants of Sinhabahu. We were told by some pundits of the Cabinet that in these days of post modernism, the IMF/ WB thinking has changed and there is a lot of flexibility about the so-called conditions. They said there are no dictates but we are given a choice. Of course we are given a choice; we can choose to suffer under poisoning or suffocation, or starvation! Obviously the poor beggar chose to lie down in starvation. So the gentlemen of the international money lenders office will say “this is your choice not ours.” In the Letter of Intent, it is clear that the Mahinda regime has agreed to put the tax burden on the masses and to continue social welfare but with some cost recovery programme. Even the armed forces will be used for development purposes creating a new sub class of militarized proletarians. Wages will be under control while the rehabilitation and construction programme will enforce new habitats for the displaced Tamils kept encircled by barbed wire. Somebody will make money as theTamils are unable to supervise this development programme of enforcing habitats in the Tamil homeland. The inflationary pressure will affect the living standards of the people in the south as well. The promised reorganization of the Petroleum Cooperation and the Ceylon Electricity Board will deprive the energy subsidy to state services and to the poor masses. All balancing acts in foreign exchange will indirectly lower the value of the rupee.

Unplug mass unrest

Thus the social scenario is set for us by the IMF. If Mahinda follows the Letter of Intent to the letter we can expect a period of serious unrest. Strikes, riots and even hartals could be expected. This is the wisdom of many economic pundits who are quite unrelated to the class struggle.The masses expected Mahinda’s friend in need, Wimal to unplug Lanka from the rapacious IMF/ WB network. Instead we see the IMF preparing to unplug mass unrest in Lanka! The last few years the working masses supported the war mongering policy of the government due to the influence of the opportunist Left, LSSP, CP and Vasu group. The latter really consolidated chauvinist power over the working masses. However, in spite of threats of the military and para military backed government, workers came out on 10th of July 2008. It was a reasonably successful protest where Tamil plantation workers came out in a big way disregarding appeals of Minister Thondaman. In addition, there were many struggles limited to various sectors where managers had to retreat. Now, even those who were loyal to the oppressive war of the government are coming out demanding concessions and higher wages. Electricity Board worker are united on the wages issue and all trade unions may come together according to Priyantha Wickremesinghe, leader of the middle level technical workers in the CEB. The leader of the United Federation of Labour, Saranapala Silva says there is a serious breakdown in negotiations at Unilevers, as the management has surreptitiously changed the collective agreement. In many other places negotiations have dragged on, but now the workers are not prepared to mark time. The Maharagama cancer hospital nurses were demanding training and risk allowances for a long period. Last week under the leadership of the Independent Nurses Union, militant action has been taken to challenging the government decision to victimize 54 nurses. Workers who tightened their belts during the war period are now coming into the battle front from all sectors. So we can expect a wave of strike actions as the effect of the IMF conditions are felt by the workers.
Mahinda was close to many trade union centres before he became the war hero of the Lion race! He knows about workers movements and he could be sensitive to what is in store for the coming period. Will he turn to 13 plus or in the alternative towards chauvinist military repression in the south?

Dr. Vickramabahu Karunarathna
Lakbimanes Column : August 9th, 2009

මේ බූන්දිය ඔබේ මූණු පොතට එක් කරන්න | Share this Boondi on Facebook
|

චිත්‍රවලට කැමති අයටයි මේ ඔත්තුව.....!


මේ බූන්දිය ඔබේ මූණු පොතට එක් කරන්න | Share this Boondi on Facebook
|


බෝගොල්ලාගම බෝත් මෙහෙන්ගා හේ

වෝ පැන්තාලිස් ලාක් කර්චා කියා හේ
ජනම් දින් මුබාරක් හෝ බෙටී ජන මනම් සන්තෝෂ් හේ
භගවාන් හමාරේ දේශ් කී ආරක්ෂා කරේ හේ හේ හෝ

ජනතා දිල්සේ ආකාෂ් උස්හේ බලාපොරොත්තු හේ
රාෂ්ට්‍ර පාලක හේ ගොන්තාහේ බරබාග් සමානායා හේ
ඒක් පූල් දෝ මාලි සේ රාෂ්ට්‍ර කානාහේ හෝ දේශ් කී කානාහේ
ආමාත්‍ය මණ්ජල් උස්කෝ කින්නර් බෝත් හේ

තෝං බඩා අමාත්‍යා හේ කුෂ් නහි භගවාන් ලෝක් පරකාෂ් හේ
බහු ආත්මී මහපාරත් නහී කානා නහී පානී නහී අපවත් හේ
රාෂ්ට්‍ර පාලක බෙටා බෙටී සන්තෝෂ්හේ උප්පර් ජායි හේ
භගවාන් හමාරේ දේශ් කී ආරක්ෂා කරේ හේ හේ හෝ

‍අප්නේ කේ දේශ් කුෂී ‍කේ ලියේ- ඩෝං බෙටා

[ඩෝං පුතා]

මේ බූන්දිය ඔබේ මූණු පොතට එක් කරන්න | Share this Boondi on Facebook
|


අප්පාට හොඳටම අසනීපයි.එයා කියනවා මැරෙන්න ඉස්සර එක පාරක් හරි ගේ දොර
වත්තපිටිය බලා ගන්න තිබුනොත් හොඳයි කියල. ඒත් කොහොමද ඒක කරන්නෙ.
-මිත‍්‍රයෙක් එවන ලද ලිපියකින්



දඹකොළ පටුන

දඹකොළ පටුන
රතු වැලි අතුළ වෙරළත
ලියමි මම
ජීවිතයෙ කෙටි පටුන

පටුන පදනමට ගෙන හෝ නොගෙන
ඔබ කැමති විදිහකට
ලියා ගන්නට හැකිය
මුළු පොතම

දැන් ඉතින්
ඔබ කැමති විදිහකට
පොතේ පිටු පෙරලන්න

මුල ඉඳන් අගට වුව
අග ඉඳන් මුලට වුව
මැද ඉඳන් පෙරට හෝ පිටුපසට

කැමති ලෙස
කියවන්න
පිටක් මඟ හැර පිටක්
කියවුවද
හුඟක් මඟහැර ටිකක්
කියවුවද
කම් නො මැත

ඔබ කැමති විදිහකට
පොතේ පිටු පෙරලන්න

ගමින් අප යන්ට ගිය කතාවද
එවිට දුම් ගොබ නැගූ රටාවද
පිටු අතර තිබුණාද
ගමට යළි යන්ට බැරි කතාවට
ලකුණක් තියා හෙමින් පොත වසා
හැකි විටෙක යළිදු ගෙන කියවන්න

බලූ කපුටුවෙකුටවත්
ඇතුළු වන්නට නොදී
අපේ ගෙය රකින්නට
ඔබ දරන මහන්සිය
පොතේ පිටු පෙරලන්න
මඟ හැරේ කාන්සිය

තාත්තා පොඩි දොහේ ඉන්දවූ
යාපනේ අඹ ගහේ අඹ රහ ද
ගමේ යනකොට ටිකක් ගෙනියන්න
පැහුණු ගෙඩි කඩාගෙන ඉදවන්න
ඉදෙනතුරු
පැත්තකින් ඉඳගන්න

කැමති තැනකින් ටිකක්
කියවන්න
ගෙයි පිලේ ලණු ඇඳේ
රැල් බුරුල් වෙලානම්
ටිකක් තදකර ගන්න
ලණු ඇඳේ ඇලවෙලා
රන් පතක් උර උරා
තව පිටක් පෙරලන්න

සඟමිත්ත තෙරණිය
ශ‍්‍රී මහ බෝධි අංකුරය
හිසින් ගෙන පය තැබුව
පුලින තල
ඇඟිල්ලෙන් ලියමි මම
මගෙ පටුන
පටුන තුල නොමැත්තේ
ඒ කතාව ම පමණි
මඟ හැරුණ

මංජුල වෙඩිවර්ධන

මේ බූන්දිය ඔබේ මූණු පොතට එක් කරන්න | Share this Boondi on Facebook
|


නො ඉනූ කඳුළු


මුන් අලි. උන් දෙමළ.
- මිත‍්‍රයෙකු ගෙ වචන


ඇත් පැටවුන්ය, ලෙන්ගතු මහ ඇත්තු ඇස් ඉදිරිපිට මියෑදුන
ඇත් පැටවුන්ය, අත් පා දළ වෙඩි වැදී වේදනාවෙන් ඉකිලන
ඇත් පැටවුන්ය, මන්දපෝෂනයෙන් කෘෂ වී හම රැලි ගැහුන
ඇත් පැටවුන්ය, ගිනි බින්ද වන්නියෙන් අහුලගෙන ඉතිරි වුන

උන් දෙමළ.

ඇත් පැටවුන්ය, පත්තර වල ලොකු කළු අකුරින් නො ලියැවෙන
ඇත් පැටවුන්ය, රකින්න ට මිනිසුන් පාරක ට තොටක ට නො බහින
ඇත් පැටවුන්ය, උන් ගැන අවිහිංසාවාදීන් උගතුන් පවා ගොළු වුන
ඇත් පැටවුන්ය, කිසිවෙක් නොවැලපෙන අනේ අපොයි නොකියන

උන් දෙමළ.

බුරුල්ලේ කිරි පිරී රිදුම් දෙන
මව්වරුන් මිය ගිය වග උන් දනී
කිරි නොවැරුන.

අඩි පොළොවෙ හප්පා
කුංචනාදෙන් දෙදරවන
පියවරුන් මිය ගිය වග උන් දනී
පෙර මග බලන.

පූජා කොට
මල් පහන් සුවඳ දුම්
සැදැහැවතුන්
නැති වග උන් දනී
බාරයක් වත් වෙන්න ට
දළදාව ට පන්සල ට
උන්ට සුබ හෙටක් තනන්නට.

ඇත් පැටවුනි පොඩි දේටත් කඳුළු එන
එය ද නාඬා ම ඉවසන කාරණ
ගුලි ගැහී
නුහුරු නුපුරුදු අනාථාගාරෙක
තැන තැන වැටී තනිවම.


මහේෂ් මුණසිංහ
2009 08

මේ බූන්දිය ඔබේ මූණු පොතට එක් කරන්න | Share this Boondi on Facebook
|

ගොල්ගොතාවේ කඳුළු ඇහිඳින්නී
පෙම් කතාවේ මළුව අමදින්නී
මග්දලාවේ මරියනී
වන්දනාවේ වංකගිරියේ....
අම්බපාලී මග්දලාවේ මරියනී....

-අහන්න-

[හඬ- අමරසිරි පීරිස්/ මියැසිය- දර්ශන රුවන් දිසානායක/ පද- මංජුල වෙඩිවර්ධන
]

රහක් ඇති තවත් ගී

මේ බූන්දිය ඔබේ මූණු පොතට එක් කරන්න | Share this Boondi on Facebook
|


1982 අප්‍රේල් 3

සැටඩේ රිවීව් මේ සතියේ දස වැනි කලාපයට එළැඹෙයි. මේ පුනරාවර්ජනයට තරම් කාලයක් නොවෙතැයි අයෙකුට සිතෙන්නට පුළුවන. එහෙත් කෙටි කලක් තුළදී අපෙන් සෑහෙන බලපෑමක් සිදු වී ඇතැයි පෙනී යන හෙයින් සිංහල හා දෙමළ අලූත් අවුරුද්ද එළිපත්තේ සිටියදී ඉකුත් සති නවයක මාධ්‍යවේදය දෙස ආපසු හැරී බැලීම සුදුසු බව අපේ හැඟීමයි. ඊට අමතරව ගත් කළ ඉඳ හිට හෝ තමන්ගේ හොරණෑව පිඹීම නුවණට හුරු පිළිවෙතකි. නැත්නම් ඒ මළකෑමට ඉඩ තිබේ.

නිර්නාමික, අපහාසාත්මක හා තර්ජනාත්මක ලියුම් නොලැබී යන පුවතක් වේ නම් එය තවදුරටත් පවත්වාගෙන යාමේ පලක් නැත. ඒ අතින් අපි වාසනාවත්න වීමු. පස් වැනි කලාපයෙන් අනතුරුව අපට එවන් ලියුම් සැලකිය යුතු සංඛ්‍යාවක් ලැබිණ. ඒවායින් තුනක්ම එකම තැනකින් ආ බව අපේ අත්අකුරු විශේෂඥයා කියා සිටියත් ඒ පිළිගැනීමට අපි එකඟ නොවීමු. එක් ලියුමක් එවා තිබුනේ හින්දු ත්‍රස්තවාදියෙකු විසිනි. තවත් නිර්නාමික ලිපියකින් කතුවරයාගේ ජන්මය පිළිබඳ සැක පහළ කොට තිබුණ. ඒ ගැන නැවත සිතා බලන විට කල්පනා වන්නේ එහි බස් වහර හා ලේඛන ශෛලිය අනුමත කළ හැකි මට්ටමේ පැවැති බවයි. එයින් ඔප්පු වන්නේ එකක් පමණි. අපේ රටේ බියසුළු බවේ, නුරුස්සනසුළු බවේ හා දුශ්චරිතයේ මට්ටමට ගැලපෙන අයුරින් සිය ප්‍රමිතිය පවත්වාගෙන යන්නට මහා රැජිනගේ ඉංග්‍රීසියත් සමත් වී ඇති බවයි. එහෙත් අපට ඇති සැබෑ ගැටළුව නම් තැපෑලෙන්, පුද්ගලයන්ගෙන් හා කටකථා මගින් ගලා එන තුති පුද දරන්නේ කෙසේද යන්නයි. පොදුජන මතය බොහෝ විට හොර රහසේ පළ කැරෙන රටක මෙරටත්, නොරටත් උද්යෝගිමත් පාඨකයන් වෙතින් අපට දැක්වෙන ප්‍රතිචාර සැබැවින්ම හද පුබුදු කරයි.

නානා වර්ණිත දේශපාලකයන්ද නානාප්‍රකාර කණ්ඩායම්ද අප නිසා කලබලයට පත් වූ සෙයක්ද දිස් වන්නට තිබේ. ඉතා කෙටි කලත් තුළ අපේ වැඩවලින් බොහෝ අයට රිදී ඇති බවක්ද දිස් වේ. ඉන් පෙනී යන්නේ මාධ්‍යවේදය අනෙක් සෑම රැකියාවකින්ම වෙනස් වන බවයි. එමගින් වෘත්තීය අන්තරායට ලක් වීමේ ඉඩකඩ බහුලය. ඒ විලසම ඉන් ලද හැකි පලප්‍රයෝජනද විපුලය. එක් පැහැදිලි කිරීමක් කළ යුතුය. යාපනයේ පළ කැරෙන පුවත්පතක් ලෙසට අප මුහුණ පා සිටින්නේ යාපනයේම පමණක් දැකිය හැකි සුවිශේෂ සෙවිල්ලකට, බැලිල්කටය. සෑම අයෙකුම, සෑම ආයතනයක්ම, සෑම කණ්ඩායමක්ම හංවඩු ගැසීමේ ප්‍රවනතාවක් මෙහි පවතී. දකින දකින හැම දෙයකම හන ලෑවේ නැතිනම් සතුටක් නොලබන පිරිසක්ද වෙති.

ඇතැම් විටෙක නිසි කලට පෙර වැරදි ලේබලය අලවන්නට යුහුසුලූ වන්නන්ට පසු කලක දැක ගත හැකි වන්නේ ඇතුළත දෑ වෙනස් හැඩරුවක් ගන්නා බවයි. ඉන් සිදු වන්නේ ඔවුන් භාණ්ඩය පිළිබඳව කෝපාවිෂ්ඨ වීම විනා වැරැද්ද තමන්ගේ බව වටහා ගැනීම නොවේ.

ඒ හැමටම අප කියන්නේ මෙයයි. සැටඩේ රිවීව් පුවත්පතට ලේබල් ඇලවිය නොහැක. ඒ අප සැබැවින්ම ස්වාධීන පුවත්පතක් වන හෙයිනි. අප ඒ ප්‍රකාශය කරන්නේ අවංකභාවයෙන් හා උද්දාමයෙන් යුතුවයි.

අපේ සංවිධානය හා ආයතනය හැරුණු කොට අන් කිසිදු දේශපාලන පක‍ෂයක්, වාර්ගික හෝ ආගමික සංවිධනයක් සමඟ අපේ ගනුදෙනුවක් නැත. කිසිදු පාරිශුද්ධ ගවයෙකු කෙරේද අපේ විශ්වාසයක් නැත. අපේ අභිලාශය සත්‍යාවාදීව, අවංකව, නිර්භයව සන්නිවේදනයේ යෙදීමයි. කිසියම්ම හෝ තැනක මානව හිමිකම්වලට එරෙහි අපරාධයක් සිදුවේද, කවර පාර්ශවයකින් සිදු වූවත්, එය අපේ විශේෂ අවධානයට යොමු වන්නේය.

[සුබ්‍රමනියම් සිවනායගම් විසින් රචිත මේි කතුවැකි මුල් වරට පල වුයේ ඉංග්‍රීසියෙන් යාපනයේ සතිපතා මුද්‍රිත සැටඩේ රිවිව් පුවත්පතේය. සියවස් කාලකට ඉහතදී ලියු මේ කතුවැකි වල එන දෙමළාට දෙමළ වීම නිසාම මුහුණ පාන්නට වී ඇති ගැටලූ අදවත් විසැඳි ඇති දැයි කියවාම බලන්න.
සිංහලට නැගුවේ-
යමුනා බණ්ඩාර]

************************************************
බූන්දියේ අපෙන් පසු සටහනක් (කටුවැකියකි!)-

සිවනායගම් සිය ප්‍රකාශනයේ දසවැන්නේ දී ලියූ මේ කතුවැකිය ම මේ මොහොතේ පෑනයි වෙඩිල්ලයි යටතේ බූන්දියෙන් ඔබ සමග ඛෙදා ගන්නට නියමිතව තිබීම එක්තරා ආකාරයක දෛවෝපගත සිදුවීමකි.

සිවා මෙසේ කියයි.
......නිර්නාමික, අපහාසාත්මක හා තර්ජනාත්මක ලියුම් නොලැබී යන පුවතක් වේ නම් එය තවදුරටත් පවත්වාගෙන යාමේ පලක් නැත. ඒ අතින් අපි වාසනාවත්න වීමු. පස් වැනි කලාපයෙන් අනතුරුව අපට එවන් ලියුම් සැලකිය යුතු සංඛ්‍යාවක් ලැබිණ.......

බූන්දි සඟරාව පටන් ගෙන කලාප පහ-හයක් ගිය තැන පටන් අපිට ද එයම සිදු විය. මුල් කාලයේ එබඳු ප්‍රතිචාර එක දෙකක් අපි සඟරාව සමග පළ කළ නමුත් පසුව කුණුහරුප, බැණුම් සහ තර්ජන දෛනික චර්යාවේ කොටසක් වීමෙන් පසු ඒවායේ සුවිශේෂී බව ගිලිහිණ. බූන්දි වෙබ් අඩවිය අරඹා එහි වර්ෂපූර්ණයට එක මසකින් මෙපිට සිටිනා මේ මොහොතේත්, ඉතිහාසයේ සියළු විකල්ප මත දැරූවන් විසින් දිවි පරදුවට තබා අභ්‍යාස කරනා ලද ඉරණම ම, අප ද ලූහු බඳින බව බූන්දියට හිතැති සහෝදර ඔබට දන්වා සිටිමු.

සිවා මෙය ලියන්නේ 1982 දීය. වසර විසිහතකට පසුත් මෙලෝ දෙයක් වෙනස් වී නැත!

මේ බූන්දිය ඔබේ මූණු පොතට එක් කරන්න | Share this Boondi on Facebook
|


පිස්සෙක් පිස්සන් කොටුවේ උසම පොල් ගහකට නැගී ඉල්ලීම් දෙන තුරු බිමට නොබසිමි යි තර්ජනය කළේ්ය. කොටුවේම සිටි සියළු පිස්සන් පැමිණ පොරවක් ද ගෙන ගස කපමුයි තර්ජනය කළ ද ගහ උඩ සිටි පිස්සා සත පහකට ගණන් නොගත්තේ් ය. ඇටෙන්ඩන්ලාගේ් සිට හෙදියෝ, දොස්තරවරු, සවුක්ය ඇමති දක්වා සියල්ලෝ දැරූ උත්සාහය ව්‍යර්ථ වූ අතර පිස්සා අති සාර්ථක ලෙස ගස උඩ උද්ඝෝෂණය කරගෙන ගියේ්ය.

මේ අතර, කැළණිය දෙසින් ආ ප්‍රාඩෝ රථයකින් බැස ගත් මහතෙක් ගස මුලට විත් පොරව ගෙන වහාම ගස කැපීමට සැරසුණේ්ය. එවිටම, පිස්සා විදුලි වේගයෙන් ගසෙන් බැස සියළු ඉල්ලීම හැරපියාලුයේය.

කලබලය පහවූ පසු පිස්සා මාධ්‍යයට ප්‍රකාශ කර තිබුණේ මෙසේය.

මම දැන ගෙන හිටියා ඔය කවුරු ගහ කපන්න හැදුවත් උං ඒක කරන්නෙ නෑ. ගහ එක්ක වැටිලා මං මළහම උංට එල්ලූං ගස් යන්ඩ වෙනවා. ඒත්, අර මහත්තයා.........

(ඉතිරිය ඇට මැස්සා විසින් ස්වයංව වාරණය කරගන්නා ලදී.)

ඉස්සර අයිතම

මේ බූන්දිය ඔබේ මූණු පොතට එක් කරන්න | Share this Boondi on Facebook
|


බුවා - සෑර්.. අරුංගෙ සයිට් එක අපිට අගේන්ස්ට්
සර් - තහනම්!
බුවා - හරි සෑර්. සෑර්...මේ මේ..තව සයිට් එකක් තියෙනවා එකේ නම- වැල ඩොට් කොම්.
සෑර් - අම්මෝ.. තහනම් තහනම්... වැල කාපු කාලයක් මතක නැහැ.
බුවා - අළුත් කොම්පැණියක්.. ටී ෂර්ට් ගහනවා. උන් ගහන්නෙම රතු පාට බැක්ග්‍රවුන්ඩ් එකේ අර රැවුලව දාල .
සෑර් - රැවුල තහනම් යකෝ. හුටා මගෙත් තියෙනව. හරි මම දෙන මෙෂමන්ට් වලට විතරයි. ඒ කියන්නේ ලිමිටඩ්.
බුවා - හරි සෑර්. සෑර් ඊයෙ බස් එකක ජැක් ගහලා . ඌට අම්බානක නෙලලා.. ඒ කෙල්ලයි.. බස් එකේ මිනිස්සුයි.
සෑර් - බස් තහනම්..! හුටා බෑනෙ. එහෙනම් කෙල්ලෝ.... එහෙමත් බෑ. ජැක් කොහොමත් තහනම්. හරි. කෙල්ලෝ හිටගෙන යෑම තහනම්. එතකොට කොල්ලෝ නරකට පෙළඹෙන්නේ නෑ. ලියා ගනින්.
බුවා - සෑර්.... අපේ ම් මේ මේ අපේ පවුලට.... බඛෙක් ඕන....ලු....
සෑර් - (මොනවා යකෝ) මක් කිව්වා... දුප් ගෙරියා...
(සෑර් තනියම කියයි)
ත හ න ම් ! හහ් එ හෙ න ම්!

ඉස්සර අයිතම

මේ බූන්දිය ඔබේ මූණු පොතට එක් කරන්න | Share this Boondi on Facebook
|

පුවතක් - DailyMirror.lk

නන්දන වින්දන

නන්දනං ගුණ්ඩවන්ණං
ඒහි පස්සකං ලෙවකං කිං පුං
සුරාමේරය මජ්ජමං සුවිස් යෝනිස්ස සුප්පමං
සර්වලෝකස්ස සුරා විනාසාය- නන්දනං ඔකා සෙත්ති

විමලංච සුගතං තට්ටු මාළිග හීනංච
විජ්ජා චරණං පක්ෂස්ස පාවාදීපංච
පස්සෙං යන්නංච ඉබාගාථා නන්දනං
මිහිරං නහි රතී සර්වලෝක සත්‍යංතිං

පියසීරං මාරකං පූර්ව පක්ෂ සාමාජිකස්ස
සුගතේන ඝාතනං පෝස්ටර අලවංච නිද්‍රාසමයඃ
නහී භූතානි සහෝදර සමාගතානි චරකං අභිසෙස්ස
රාජාධි අභිවහං නීත්‍යාණුකූලං මැරකං

ඩෝං පුතා

මේ බූන්දිය ඔබේ මූණු පොතට එක් කරන්න | Share this Boondi on Facebook
|

(වහුරක්කොඩි සාහිත්‍ය ඩොට් එල් කේ වෙබ් අඩවියට යැවූ මඩ පාට පෙම් පත -
මෙතන කොටන්න.)

පහත දැක්වෙන්නේ ඒ සම්බන්ධයෙන් අපගේ අදහස්ය.
******************************************

බූන්දියේ අපි
අංක 190/3/A,
කැන්දලියැද්ද පාලූව,
රාගම.

සිංහල භාෂා සහ සාහිත්‍ය ඒකකය,
රාජකීය විද්‍යාලය,
කොළඹ.

ප්‍රිය සොයුර,

අප සම්බන්ධයෙන් ඔබ ලද නිර්නාමික ලිපිය සම්බන්ධයෙන්.

සාහිත්‍යය ඩොට් එල් කේ ඔබ වෙබ් අඩවිය මගින් සිංහල බ්ලොග්කරුවන් අතර පවත්වනු ලබන තරගයට අප අපගේ බ්ලොග් අඩවිය එක් කළේ පැහැදිලි ලෙසම ඒ සඳහා ඔබ සංගමය මගින් අනුදත් ක්‍රියාපටිපාටිය අනුවය. අපගේ බ්ලොග් අඩවිය ඔබ තරගය සඳහාම නිර්මිත බ්ලොග් අඩවියක් නොවන අතර වසරක පමණ කාලයක් බූන්දි ඩොට් එල් කේ වෙබ් අඩවියට සමාන්තරව පවත්වාගෙන එනු ලබන්නකි. ඔබ තරගයට එක් වීම මගින් අප බලාපොරොත්තු වූයේ තරග කොට තෑගි දිනා ගැනීම නොව, ඔබ විසින් පවත්වාගෙන යනු ලබන බ්ලොග් සින්ඩිකේටරය හරහා නව ප්‍රේක්ෂකාගාරයකට ආමන්ත්‍රණය කිරීමය. අප බ්ලොග් අඩවිය සින්ඩිය තුළ පවත්වාගෙන යාම හෝ නොයාම ඔබට අයත් කාර්යයකි. මේ සිදුවීම් මගින් ඔබ සංගමය අපහසුතාවයකට ලක් වූයේ නම් අපගේ බලවත් කණගාටුව පළ කර සිටිමු.

දැන් මේ නිර්නාමික පෙම්පත සම්බන්ධයෙන් යමක් කීමට කැමැත්තෙමු.

වහු බීජයක් මිනිස් ගර්භාෂයක් තුළ ප්‍රරෝහණය වීමෙන් මෙලොව එළිය දුටු මේ අපූරු පෙම්පත් රචකයා අප සමග ඇති මතවාදීමය ගැටුම් නිසාත්, ඔහු තුළම ඇති ස්වයං විනාශකාරී තෝන්තුමය ස්වභාවය නිසාත්, වහු-කිරි වෙනුවට මව්-කිරි බීමට සිදු වීමෙන් හට ගත් බලවත් මනෝ ලිංගික ව්‍යාධීන්ගෙන් ජීවිත කාලයක් පීඩා විඳ අළුත විවාපත් වීමෙන් ස්වකීය වහු-රහසඟ මධුසමයේදී හෙළිදරවු වීමෙන් හටගත් කම්පනය නිසාත් මෙබඳු විවිධ ප්‍රබන්ධ රචනා කොට විවිධ ආයතනවලට තැපැල් කරයි. ක්‍රම විරෝධීන්ට කෙළීමටැයි කියා ක්‍රම-ප්‍රේමී බ්ලොග් කඩමල්ලක් අටවා ආත්මභාෂණයේ යෙදෙයි. එමගින්, අප කණ්ඩායමට අවශ්‍ය ප්‍රචාරය නොමිලේම ලබාදෙන මේ අපූරු වහු-මිනිස් අර්ධ රූපිකයාට කරනු ලබන අනුග්‍රහයක් වශයෙන්, මහත් සේ කැපවීමෙන් ලියන ලද මේ සිතියම් සහිත පෙම්පතට පිළිතුරු දෙන්නෙමු.


1. වහුරක්කොඩි මහතා, පුද්ගල නාම, තැපැල් ලිපින, දුර: අංක විශේෂයෙන් දක්වා ඇත්තේ රාජකීය සොහොයුරන්ගේ ප්‍රයෝජනය සඳහා නොව- (ඔවුන්ට එක මවුස් ක්ලිකයකින් අපව සින්ඩියෙන් ඉවත් කළ හැක) අනාගතයේ දී අප මර්දනය කරන්නට සූදානම් බලවේගයන් සඳහා මාර්ග සිතියමක් ලෙසය. ඔබට කිව යුත්තේ, වස කෝප්පය බොන්නට අප බිය නැති බව පමණි.

2. බූන්දිය සහ එන්.ජී.ඕ. ප්‍රාග්ධනය අතර සම්බන්ධයක් නැත. තවත් පැහැදිලිව කියනවා නම් බූන්දිය සහ ප්‍රාග්ධනය අතර සම්බන්ධයක් නැත. වෙබ් අඩවිය පවත්වාගෙන යාමේ සුළු පිරිවැය සහ අනෙකුත් ව්‍යාපෘති සඳහා අවශ්‍ය මුදල් සපයාගැනෙන්නේ අපේ එවුන් ශ්‍රමයෙන් උපයන මුදලෙනි. අක්ෂර සෙනග සාහිත්‍ය තරගය ද එබඳු එක් ව්‍යාපෘතියකි. සරල සහ පැහැදිලි ලෙසම අපට මූල්‍යමය ලාභ ලැබීමේ අරමුණක් නැත. වහුරක්කොඩිට හෝ වෙනත් ඕනෑම හාල්පාරුවෙකුට අවශ්‍ය නම් මේ කාරණා සාක්ෂි සහිතව අභියෝගයට ලක් කළ හැකිය.

3. වහුරක්කොඩි සඳහන් කළ අන්දමේ අක්ෂර සෙනග නම් වෙබ් අඩවියක් ගැන අප දන්නේ නැත. අක්ෂර සෙනග යනු පහුගිය වසරේ අප නිකුත් කළ සාමූහික නිර්මාණ සංග්‍රහයයි. හඳයාගේ අක්ෂරය සහ මේ පොත අතර මෙලෝ සම්බන්ධයක් නැත.

4. පෙම්පතෙහි සිතියම් සහිතව පෙන්වා දී ඇති වෙබ් අඩවි නිදර්ශනවල ද පැහැදිලිවම දැක්වෙන පරිදි, බූන්දිය යනු විකල්ප දේශපාලන දැක්මක් සහිත වෙබ් අඩවියකි. අප එල්ටීටීඊයට පාවා දීමට උත්සාහ දැරීම, ලංකාවේ මේ මොහොතේ විලාසිතාවක් බවට පත් වූ සුලභ මර්දන උපක්‍රමය විනා අන් යමක් නොවේ. වහුරක්කොඩි වස්සා හැරෙන්නේ මොන පොල්පැලේ කන්නටදැයි අපි දනිමු. අප පිළිගන්නා දේශපාලනික හරයන්ට අනුගතව නිර්මාණ කිරීමේ හෝ අදහස් පළ කිරීමේ අයිතිය අප සතුය. අපගේ අදහස් සම්බන්ධයෙන් කිසිවෙකුට හෝ අභියෝග කිරීමට අවශ්‍ය නම්, ඒ සඳහා ප්‍රතිචාර අවකාශයක් බ්ලොග් අඩවියේ ඇත.

5. කුණුහරුප යනුවෙන් අපි හඳුනාගන්නේ ලිංගික අවයව සහ ක්‍රියාකාරීත්වයන් හැඟවුම්කරණ වචන නොවේ. ලිංගිකත්වය යනු මිනිස් උවමනාවකි. වහුරක්කොඩිට වහු-අංග-ජාත තිබීමේ අහම්බය ගැන කණගාටු වෙනවා ඇරෙන්නට බූන්දියට කළ හැකි කිසිවක් නැත! සැබෑ කුණුහරුපය වන්නේ භාෂණයේ-ලිවීමේ-අදහස් පළ කිරීමේ සිට ජීවත් වීම දක්වා සකලවිධ මානව ක්‍රියාකාරීත්වයන් වනසා දැමූ මේ ක්‍රමය යි. අපේ අරගලය සැබෑ කුණුහරුපයට එරෙහිවයි!

6. සයවෙනුව කිව යුත්තේ කූඹියා, වහුරක්කොඩිගේ "තක්කඩියා" යන ඇමතුමට ඉතාම ප්‍රිය බවය. එයින් හැඟවුම්කරණය කරන්නේ වහුරක්කොඩිලාගේ වර්ගයේ අමන වර්ගවාදීන්ගේ උජ්වලිත කෝපය බැවින් අප එම නයිට්නාමය පස්වනක් ප්‍රීතියෙන් යුතුව පිළිගනිමු. එමගින් කියවෙන්නේ, මුල් කාලීනව කූඹියා ද වත්මනෙහි බූන්දියේ අපේ එවුන් ද, හපා කෑමේ සහ සනීප ජීවිතවලට බාධා කිරීමේ දේශපාලනයේ (ඩිස්ටර්බිං පොලිටික්ස්) තාර්කික කූට ප්‍රාප්තියට පැමිණ ඇති බවය.

7. සත්වෙනුව, මින්මතුවට හෝ මෙබඳු පෙම්පත් නිවැරදි ලිපිනයට එවීමට පරිස්සම් වන ලෙස වහුරක්කොඩිගෙන් ඉල්ලමු.

8. අටවෙනුව, පෙම්පත් ලිවීම වෙනුවට ව්‍යාඝ්‍රා බඳු විකල්පයක් ට්‍රයි කරන මෙන් ඉල්ලා සිටිමු. වෙනසක් ඇති වූයේ නම් මීළඟ පෙම්පතෙහි සඳහන් කරන මෙන් ඉල්ලමු. ඔබට මි-හි-ඳු සරණයි. ස-හේ-ලි පිහිටයි!

රාජකීය සොයුරන් අපගේ අදහස් මෙම පෙම්පත එවන ලද ඊමේල් ලිපිනයට තැපැල් කොට යවන්නේ නම් කෘතඥ වෙමු.

සාහිත්‍ය ඩොට් එල් කේ වෙබ් අඩවියටත් ඔබගේ ඉදිරි ක්‍රියාකරකම් වලටත් දිරි-බල ලැබේවායි පතමු!

ස්තූතියි.
සහෝදරත්වයෙන්,

කූඹියා
බූන්දියේ අපි වෙනුවෙන්
අගෝ. 04, 2009

මේ බූන්දිය ඔබේ මූණු පොතට එක් කරන්න | Share this Boondi on Facebook
|
Related Posts with Thumbnails