Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



සල්ලි දීලා මුගේ කවි කියවන්නේ මොකටද?
-තරුණ කවියෙකුගේ කාව්‍ය සංග‍්‍රහයක් එළි දැක් වු දින ඔහුගේ මිතුරු කවියෙක්


වසර ගණනක් තිස්සේ
මා ලියූ කවි ගෙන ගොස්
අච්චු ගහ ගත්ත දවසේ
ණය වුණා මං කොළඹට

උඹ දන්නේ නැතුවත් ඇති ඒක

උඹ නැති වෙන්නෙ
නැත්නම්
සඳ නැති වුණත්
කම් නැත

උඹ දුටු විට සිතුණේ එහෙම

තුට්ටුවක් නොවටිනා
මගේ කවි
සෙම් වගේ සොටු වගේ
සූරලා, කාරලා දමා
උඹ ගිහින් තිබුණා
මගේ කවියක් මත
තද සෙවල කහ
කැටියකුත් තබලා

උඹ ගැසු කැහි පිඩ
එතරම් අපුලක්
ගෙනාවේ නැහැ මට

මගේ අතින් ම
ඒ සෙවල කහ කැටිය පිහදලා
ඒ කවිය රැගෙන ආවා මම
කවි නොකියවන
දුර ඈත ගමකට
දකුණතින් වහකුප්පියක්
ගත් මිනිසෙකු
උදුරා ගත්තේ වමතිනු යි
ඒ කව

ත‍්‍රී රෝද රථයක
පිටු පස
අලවා ගත්තේ අයෙකු
ඒ කව

දැන් මා අසළ
ඒ කව නැත

අවසන් ය.

උඹ ගැසු
කැහි පිඩ නම්
තැන තැන තැවරෙමින්
එල්ලෙමින්
මේසය මත ම ඇත.

උඹගේ නිසා
යළි තැපැල් කර
එවිය නොහැකි ය
මතු දිනෙක
කවියක් ම වනු ඇත.

ලක්ෂාන් මධුරංග වික‍්‍රමරත්න



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails