Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



කොහු මෝලේ ආලින්දේ යට ලීය
කළු තෙල් ගාගෙන
කදිමට බැබලීය
කවුරු නොදනිත් ද
එහි බැඳි දඬු බෑය?
ඉන් හැමදාම එක මිනිහෙක් පැණි කෑය

කොහු මෝල ඇතුළත
දුම්බීම තහනම්ය
කුසගින්න ගැන කතා තහනම්ය
සමිති- උද්ඝෝෂණ ද
තහනම්ය
එයින් ගිනි හට ගන්න පුලුවන්ය

වැඩක‍ාර මැස්සෝ
හාමතේ වැඩ කරත්
දාඩියට මිශ්‍රවූ රොන් සලත්
සුසුම් ලා - තටු සලා
මි වදය වායු සමනය කරත්

සුළු සේවක පිරිමි ‍
කේළම් කියමිනා
රැජිනගේ කුටිය ළඟ ගැවසෙනා
වැඩකාර මැස්සන්ට අණ දෙනා

වළඳා රාජ ජල්ලිය
තේ පානය නිමා කොට
පස්වරු තුනට පෙර
ඉගිල්ලෙයි රැජිනිය
මෛථුන පියාසැරියට
අධ්‍යක්ෂ මන්දිරයට

දිනෙන් දින වැඩිවන
පිළාවද කෝෂ මිස
පැණි නම් නොපෙනේය
වැඩකාර පිළවුන්
යටලීය කෙළවර ම පොරකාය
මහ එවුන් නිකම් අත ලෙවකාය

කවුරු නොදනිත් ද එහි බැඳි මීය?
එහෙත් කිසි කෙනෙකු නුදුටුව සේය

[වස්සානේ- 1985]

රත්න ශ්‍රී විජේසිංහ



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails