Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



පියා ඇමතූ දරුවකු ඇසුවා
"කන්දෙන් එහා ඇත්තේ කිම ද?"
පියා කීවා, "කඳු"
"ඉන් එහා මොනවාද?"
කඳු... තව...තවත් කඳු.....''
නිශ්ශබ්ද වූ ඔහු දෑස් යොමු වුණා ඈතට
කඳුවැටි පත් කළා ඔහු වෙහෙසට පළමු වතාවට

මේ දිවි හිමියෙන් ම
මේ කඳු වැටියෙන් එහාට නො යමි මම, ඔහු සිතයි
සාගර ඇතත්, ඒවා, ළඟා වනු බැරි තරම් හරි දුරයි
ඉතින් ඔහු යන්නට පෙර
මියෙනු ඇත අතරමග
කඳුකරයේ මිය යනු ඇත

ඔහු හඟියි කැටුව යන්නට සිය ඇඹනිය
ඒ බිරිඳ ඔහු හට ලැබදේය පුතකු
මියෙන විට ඔහු
සිය පුතා හොඳින් වැඩී සිටිනු ඇත
පුතාටත් බිරිඳක් ලැබෙනු ඇත
ඔහු පුතාටත් පුතකු ලැබෙනු ඇත
ඔහු පුතාගෙන් පුතාටත් ලැබෙනු ඇත පුතෙකු
නවතයි ඔහු සිතීම

ඔහු පුතුන් ඔහුව පත් කරනු ඇත වෙහෙසට
ඔහුට දුක් සොව පමණය
ඔහු ගේ මුතුන් මිත්තන් නො සිතුවේ
ඔහු වගේ
වෙනත් මොනවා ද?
සයුර දැකගත හැකි වන කෙනා ඔහු වේ ය.

හන් තුං
[මල් පිට මල්- 2001]

1961 දී නැං චිං පළාතේ උපන් හන් තුං, චීන කවිය නව මගකට යොමු කරන්නට ප්‍රබල බලපෑමක් කළ කවියෙකි. ඔහුගේ මේ කවිය පාඨකයා තුළ සියුම් කම්පනයක් දනවන විශිෂ්ට නිර්මාණයක් ලෙස සැලකේ. "මල් පිට මල්" නමින් කරුණාතිලක හඳුන්පතිරණ විසින් පරිවර්තනය කොට සංග්‍රහ කරන ලද චීන ජන කවි සහ නූතන කවි එකතුවෙන් ගත් උපුටනයකි.
පරිවර්තනය - කරුණාතිලක හඳුන්පතිරණ



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails