Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



දේශපාලනයෙහි නියැලීම යනු, සම්භාව්‍ය අර්ථයෙන් ගත්කළ, අප ජීවත්වන සමාජය පවතින මට්ටමේ සිට වඩා යහපත් දිශාවක් කරා වෙනස් කිරීමකට මහන්සි වීමකි; මිනිසුන් වඩා යහපත් කිරීමට දරන අමාරු වෑයමකි. නමුත් අප නිතිපතා මැතිවරණ වලදී අත් දකින කණගාටුදායක අත්දැකීම වන්නේ එකී අරමුණට, අපේක්ෂාවට සපුරා පටහැනි විකෘතියක් සහ ව්‍යාජයක් වූ යමකි.

උගත් දේශපාලන අපේක්ෂකයාගේ සිට නූගත් පක්ෂ "ක්‍රියාකාරිකයා" (හෙවත් අන්තේවාසිකයා) දක්වා අති බහුතරයක් වූ "පුස්සන්"ගේ පරිකල්පනය හා අරමුණු කෙතරම් දුප්පත් ද යන්න දැනුවත් හා සමාජ- අනුරාගය ඇති සුළුතරයක් දෙනා හට ජුගුප්සාජනක වේදනාවකි. මේ දිනවල (තම "දේශපාලනය" කරන්නේ යැයි සිතාගෙන) මහජන නියෝජිතයින් වීමට අපේක්ෂා කරන අපේ අප්පුහාමිලාගේ පොදු ලක්ෂණ හඳුනා ගැනීමට අහඹු නිරීක්ෂණ කිහිපයක් දක්වාලනුයේ, කිසිවෙකුටත් අගතියක් ගෙන දීමේ අපේක්ෂාවෙන් නොවේ.

කෙනෙකු සුදු වතින් සැරසී මල් වට්ටියක් දෝතින් ගෙන දළදා මාළිගය පසුබිමින් වන පරිදි ශද්ධාවත් මුහුණුන් යුතුව ඡන්ද දායකයාගෙන් මනාප ඉල්ලා සිටින්නේ මෙය (පළාත් පාලන ඡන්දය යනු) විහාරස්ථානයේ දායක සභාවට තේරීපත්වීමේ වරමක් යැයි පතාගෙන මෙනි. (දේශපාලනය යනු පුණ්‍යමය කටයුත්තක් නොවේ.)

තවත් අයෙකු ඡන්ද ව්‍යාපාරය හෙවත් මනාප ඇයැද සිටීම අරඹන්නේ මහා පහන් පූජාවක් සූදානම් කොට ඒ සඳහා උපාසක- උපාසිකාවන්ට කරන බැතිබර ආයාචනයකිනි. ඔහු ද ඉහත කී වර්ගයෙම අයෙකි.

තවකෙකු තම නිවස ඉදිරිපිට ප්‍රක්ෂේපණ තිරයක් අටවා ඒ ඉදිරිපිට පුටු- බංකු අසුරා ලෝක කුසලාන ක්‍රිකට් තරඟාවලිය තම පාක්ෂිකයාට/ ඡන්ද දායකයාට දිවා රෑ දැක බලාගෙන ප්‍රීති වීමට අවස්ථාව සලසා දී තිබේ. ඔහු දේශපාලනය කිරීම යන්න වටහාගෙන තිබෙන්නේ ඒ අයුරිනි. (දේශපාලනය යනු යව්වන හෝ ක්‍රීඩා සමාජ සම්මේලනයක් නොවේය යන්න ඔහු වටහා ගන්නේ කවදාදැයි නොදනිමු.)

ගියවර මෙවැනිම වූ පළාත් පාලන සහ පළාත් සභා ඡන්ද වලදී අපේ රතු මල්ලිලා සමහරෙකු ඡන්දය ඉල්ලා සිටීම පිණිස ඉදිරිපත්කොට තිබූ සුදුසුකම් ලැයිස්තුව අතර පහත සඳහන් "සමාජ වගකීම/ දේශපාලන වගකීම්" ද සඳහන් කොට තිබෙනු දැකීම දුර්ලභ කාරණයක් නොවුනි.

එනම්,
ප්‍රදේශයේ යව්වන සමාජයේ අහවලා
ගමේ ක්‍රීඩා සමාජයේ අහවලා
දහම් පාසලේ වසර අහවල් ගණනක ගුරු සේවය
සාශනාරක්ෂක බල මණ්ඩලයේ අහවලා
මරණධාර සමිතියේ අහවලා
පන්සලේ දායක සභාවේ අහවලා

යනාදී වශයෙනි.

ඉතින් මෙහෙව් වාහෙලා සමග කරන දේශපාලනයකි අද අපට ඉතිරිව ඇත්තේ.

කෙවින් කරුණාතිලක



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails