Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



සිහින ගුබ්බෑයමේ වෙසඟන
වලප්නා හඬ - වනේ වන සිත
කොනිත්තා ගෙන-
ජීවිතය වී රලුව නැගිටී

රුපුන් විත් කා පලා ගිය
ගර්හිත නෑසියනි තොප-
කොයිබ මෙසමයෙහි?
බාලයේ රනින් කිරි නොබිව් වන්දිය ට
අපි,

වියරුවෙන් උර පැළඳි මුග්ධකම නොවෙයි
මගේ කටු වතල කවි සිත
ලේ ගලනවා සැබැයි මුත් කටු ඇනී
ඒ ලේමත් නොවෙයි-
පිළි ගන්නවා නම්
බලාපොරොත්තුවයි කියමු,
විත් කා නොමළ - සැඟවී සැඟවී අවුත්
ජීවිතය කූද්දන

අපි දන්නේ ඇහින් බිමට කපා හෙළා
පය ගගා ගොහොරු කළ කඳුලු බිම් තමයි
ඇසි පියක දැවටිලා - නොවැටෙන්න වෙර දරන
දූවිල්ල නොතැවරී - ඇසින් ඇසකට ම මං සෙවූ
කඳුළක් තිබේමයි

අහස් ගඟ සිහිනයේ මඟ හැරී
පිපිරි, පිපිරි වුණත් - හිනැහෙන්න වෙර දරන
දෙතොල් මත
දලුලන්න කල් බල බලා සිටි
හාදුවක් තිබේමයි

කාලයත් සුවඳ වී
අවසාන මිය ඇදෙන පැයෙහි වුව
ආ හැකියි

සිපිරි ගෙහි හිඩැසකින් දුටුවා නොවෙද
බියපත්ව වසං වුණ සඳ එළිය
සතුටු සිත කැබලි වී ගියාමයි-
නොසිතන්න

සඳ පහන් තිසා වැව රෑ ලෙසින්
සන්සුන්ව - පිරිපුන්ව
ආ හැකියි

[ගර්හිතයාගේ නිදි නැති සිත - 1988 මැයි]

ලීනා අයිරින් සපුතන්ත්‍රී



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails