Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers


Andrew Sinclair විසින් සංස්කරණය කරන ලද, VIVA CHE! [The Strange Death and Life of Che Guevara] කෘතියෙහි පරිවර්තනය |
4 කොටසට මෙතනින් යන්න.

1956 නොවැම්බර් 25 වන දා, 83 දෙනෙකු පටවා ගත් කුඩා "ග්‍රැන්මා" නැව කියුබාව බලා පිටත් විය. ඔවුන්ගේ අරමුණ වූයේ මිලිටරි ඒකාධිපති බැටිස්ටා (Fulgenciao Batista) ගෙන් කියුබාව බේරා ගැනීමයි. ගමන අතරවාරයේදී නැවේ සිටි සියළු දෙනාම පාහේ මුහුදු-මතින් (Sea-Sickness) පීඩාවට පත් වූ අතර අති දුෂ්කර ගමනකින් පසු කියුබානු වෙරළේ බෙලික් නැමති ස්ථානයකට ගොඩ බටහ. සියෙරා මෙස්ට්‍රා කඳුකරයට පිවිසීම ඔවුන්ගේ අරමුණ විය. එහිදී ඔවුන් කඳවුරු ලා ගත් Alegria de pio යන ස්ථානය උක් වගාවක් ආශ්‍රිත වගුරු බිමක් විය.

මේජර් ෆවුස්ටිනෝ පෙරේස් [MAJOR FAUSTINO PEREZ] මෙසේ කියයි:

Alegria de pioවේ අත්දැකීම ගැන සඳන් කරනවා නම්, මගේ මතකයට එන පළමු දේ තමයි ග්‍රැන්මාවේ පැමිණි වෛද්‍යවරයා; චේ. ඇදුම රෝගයේ ග්‍රහණයෙන් පීඩා ලබමින් සිටියදීත් චේ කිසිම විටෙක පසු බැස්සේ නෑ. ඒ ගැන එක වචනයකින්වත් වද වුනේ නෑ. අපි Alegria de pioවේ විවේක ගනිමින් සිටියදී පවා.... ඒ වෙලාවෙ අපි.. කොටින්ම හොඳටම සෞඛ්‍යමත් අය පවා අධික තෙහෙට්ටුවෙන් ඉන්න වෙලාවෙ... චේ මුළු දවසම යෙදෙවුවෙ අපේ භටයන් සුවපත් කරන්න.... ඔහුගේ කකුල් කැපිලා තුවාල වෙලා ලේ ගලමින් තිබුණා....

මේ වන විටත් බැටිස්ටාගේ හමුදා, ෆිදෙල් සහ ඔහුගේ කණ්ඩායම නිරීක්ෂණය කොට තිබූ අතර පහර දීමකට සැරසෙමින් සිටියහ.

චේ [CHE] මෙසේ කියයි:

එදින සවස හතරට පමණ කිසිදු පූර්ව නිරීක්ෂණයකින් තොරව, අපේ පුදුමයට හේතු වෙමින් අපට වෙඩි හඬ ඇහුනා... අපේ හිස් උඩින් වෙඩි පියාඹා ගියා. මිනිසුන් කෑ ගහමින් දුවන්නට වුනා. තුවාල වූ අය උදවු ඉල්ලලා කෑ ගැහුවා... සමහරු හැංගෙන්න හැදුවා. අපේ නායකයන් සමග කිසිම සම්බන්ධකමක් ගොඩ නගා ගන්න බැරි විදිහට විසිරීමෙන් අපි සම්පූර්ණයෙන්ම පාහේ අවුල් වුනා. අසරණ වුනා. කිසිවක් හිතා ගන්නට බැරුව ගියා ඔවුන්ගේ හදිසි ප්‍රහාරයෙන්... එක් සගයෙක් මාව තල්ලු කළා මතකයි... එතකොටයි මම නැගිටලා ඇවිදින්න ගත්තේ... ඒ මුළු කාලයම අප් උන්නෙ මරණයට ළං වෙලා....


Fulgenciao Batista


ෆිදෙල් සමග පැමිණි 82ක පමණ කණ්ඩායමෙන් මෙකී ප්‍රහාරයෙන් පසු දිවි ගලවා ගත්තේ 15 දෙනෙකු පමණි. ඔවුන් ද විසිරුණු කණ්ඩායම් ලෙස අතරමංව උක් වගා බිමේ වල්මත්ව සිටියහ. කණ්ඩායමේ සියල්ලෝ නැවත ෆිදෙල් සමග එක් වූයේ දින නවයකට පසුවය. එහිදී ෆිදෙල් කණ්ඩායම අමතා කෙටි කතාවක් පැවැත්වූවා.

"අප මේ සටන දැනටමත් දිනා තිබේ!"


චේ [CHE] මෙසේ කියයි:

මෙතරම් කුඩා කණ්ඩායමක්, තවමත් එකිනෙකා එතරම්ම හොඳින් නොහඳුනන කණ්ඩායමක් ජයග්‍රහණයක් ගැන කතා කිරීම.....? පුදුමයක්! නමුත් ෆිදෙල් යනු, ජනතාව කෙරෙහි ඉමහත් විශ්වාසයක් තැබූවෙකු, නායකත්වයෙහි ලා අසාමාන්‍ය ශක්‍යතා ප්‍රදර්ශනය කළ අයෙක්.... ගස් යට හිඳිමින් ගෙවූ එම රාත්‍රීන් මුළුල්ලේ අප අපේ අනාගත ක්‍රියාකරකම් ද ජයග්‍රහණය ද සැලසුම් කළා. දිනෙන් දින ගත වෙද්දී අලුත් සාමාජිකයන් කණ්ඩායමට එකතු වුනා. අප හා මුලින්ම එක්වුනේ ගැමියෝ....

ෆිදෙල් කස්ත්‍රෝ [FIDEL CASTRO] මෙසේ කියයි:

ඉන්පසු, අපේ පළමු ජයග්‍රහණය එළැඹුනා. චේ මේ වනවිටත් සෙබළෙක්ව සිටියා.... ඒ අපේ වෛද්‍යවරයා හැටියට කටයුතු කරන ගමන්ම...


Camilo Cienfuegos


චේ [CHE] මෙසේ කියයි:

අපේ කුඩා භට පිරිස සතුව රයිෆල 22ක් තිබුණා. අප 1957 ජනවාරි 17 වන දා La Plata හි පහර දීමක් කළා. එනම් අපේ ගොඩ බැසීමෙන් දින 45ක ට පසු... අපි හමුදා මුරපොළක් අල්ලා ගත්තා. එහි වූ භටයන් 12-15ත් අතර ගණනක් පැයක පමණ සටනකින් පසු අපට යටත් වුනා. මෙයින් තවත් රයිෆල 12ක් පමණ අප සතු වුනා.

ෆිදෙල් කස්ත්‍රෝ [FIDEL CASTRO] මෙසේ කියයි:

අපි El Uveroවේ දී අපේ දෙවන ජයග්‍රහණය ලබන විට චේ සෙබළෙකු පමණක් නොව, ඒ සටනේ ඉතාම කැපී පෙනෙන්නා බවට පත්ව සිටියා. ඔහු මේ විශ්මිත වික්‍රමය දැක්වූයන් දැක්වූවේ සිය ජීවිතයේ පළමුවරට- එහෙත් ඔහුටම ආවේණික වුවිශේෂී බවකින් යුක්තවයි.


චේ [CHE] මෙසේ කියයි:

දරුණුම සටන වුනේ El Uvero වල ඇති වුන සටන. එයට මිනිසුන් 120-140 ක් විතර සහභාගි වුනා. කණ්ඩායමෙන් සියයට තිහක් විතර එක්කෝ මියගියා නැත්නම් තුවාල වෙලා සටන් බිමෙන් ඉවත් වුනා. මේ සටනේ දේශපාලනික ප්‍රතිඵලය විශිෂ්ට එකක් වුනා. හේතුව ඒක කෙරුනෙ ග්‍රැන්මා ආක්‍රමණයෙන් පසුව එළඹුන මාධ්‍ය වාරණයක් නොතිබුණු ඉතාම සීමිත වාර ගණනෙන් එකකදි නිසා... සමස්ත කියුබාවටම El Uvero සිදුවීම ගැන කතා කරන්නට සිද්ධ වුනා.

ෆිදෙල් කස්ත්‍රෝ [FIDEL CASTRO] මෙසේ කියයි:


මෙ අවස්ථාවේදී, චේ සටන්කරුවෙක් ලෙස පමණක් නොවෙයි වෛද්‍යවරයෙක් විදිහටත් කැපී පෙනුනා. චේ තුවාල ලැබුව සගයන්ට විතරක් නෙමෙයි සතුරු සෙබළුන්ටත් ප්‍රතිකාර කළා. අලුත් සතුරු කණ්ඩායම් පැමිණ අපට El Uvero හැර යාමට සිදු වුනහම, තුවාල වූ අය එක්ක කෙනෙක් රඳවලා යන්න අපට සිද්ධ වුනා. එතනදි නැවතුනේ චේ... චේට සහාය වෙන්න කුඩා භට පිරිසක් පමණක් රැඳෙවුව්වා. ඔහු එහි සැඟවී සිට තුවාලකරුවන් බලා ගත්තා. ඔවුන්ගේ ජීවිත ගලවා ගත්තා. පසුව ඒ සුව වූ කණ්ඩායම සමග පැමිණ නැවත අපේ භට පිරිස් එක්ක එකතු වුනා.


චේ [CHE] මෙසේ කියයි:

ගරිල්ලා යුද්ධයක ස්ථීර පදිංචියක් නැතිව ගෙවෙන මුල් යුගයේදී, ගරිල්ලා වෛද්‍යවරයා අන් ගරිල්ලාවන් සමග සෑම තැනකම යා යුතුයි; වෛද්‍ය වෘත්තියට අමතරව ගරිල්ලාවෙකු සතු අනෙකුත් යුතුකම් සහ වගකීම් ද ඉටු කළ යුතුයි... සටන් කිරීමත් ඇතුළත්ව... ඉතා වෙහෙසකර සහ අනතුරුදායක කර්තව්‍යයන් ඔහුට පැවරෙන අතර තුවාල කරුවන්, රෝගීන් බලා ගැනීම සහ සුවපත් කිරීම.... ඇතැම් විට මිනිස් ජීවිතයක් ගලවා ගත හැකි කිසිදු ඖෂධයක් නොමැති විටදී පවා.... ඔහුගේ වගකීම.... මේ කාලච්ඡේදය තුළ, වෛද්‍යවරයාට අනෙක් ගරිල්ලාවන්ගේ චිත්ත ධෛර්යය කෙරෙහි කළ හැකි බලපෑම අති විශාලය.


වේදනාවෙන් මිරිකී ගිය මිනිසෙකුට, කුඩා වේදනා නාශක ඇස්ප්‍රින් පෙත්තක් පවා ප්‍රතිඵල දෙනවා.... තමන්ගේ වේදනාව ගැන හැඟීමක් ඇති සගයෙකු විසින් දෙන්නේ නම්.... මේ මුළු කාල සීමාව පුරාවටම වෛද්‍යවරයා විප්ලවයේ අරමුණු හා පරමාදර්ශ පිළිබඳ දැනුමෙන් සන්නද්ධව සිටිය යුතුයි; මන්ද අන් කවරෙකුගේ වචන වලටත් වැඩියෙන් ඔහුගේ වචන සටන් කරුවන් දිරි ගන්වන බැවින්.

[මතු සම්බන්ධයි.]
පරිවර්තනය - කූඹියා



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails