Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



නා කපන වැසි මැද
ගල් මුල් මතින් වැටෙමින
මඟතොට අසාගෙන
දිව එන ලඳුනි කොයිබ සිට?

වග වලස් උවදුර
විසකුරු සතා තන යට
මැසි මදුරු අතවර
මඟහැර යන්ට හැකිවෙද?

ගොම්මන් සම‍යමෙහි
තනිකම් දෝස අඩු නැති
කැට මුගුරු අත රැඳි
පල්හොරු ගමන අහුරති

නුඹ මුවැත්තියක බඳු
නෑඹුල් පුසුඹ ගත සතු
පැලේ මා පමනකුදු
වනේ මින් ඔබ්බට නොයා යුතු

මුත් සිරුර හැඩි දැඩි
මම කටුකැලේ ගොවි වෙමි
අලි ඇතුන් එලවමි
ගිනි ලෑ හේන වපුරමි

නැත සුමුදු ඇතිරිලි
ඉන අඳිමි රලු අමුඩ කෙටි
උනා තෙත සලුපිලි
කඩක් ඇත, ඉන් වසාගන් විලි

අල කො‍ඬොල බුදිනට
වෙනිවැල් සා පිපාසෙට
කබල ගිනි තපිනට
දිවි සම වැතිර නිදනට

නුඹ නැගනියක මෙන
නැත බියගන්ට කාරන
රැය පහන් කල මැන
ගමට යා හැක හෙට උදෑසන!

[කඳුළු මිටියාවතින් නෙලූ කවි| 1992 දෙසැම්බර්]

දර්ශන මේදිස්



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails