Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



අප දන්නා සහ අප ඉගෙන ගත් ආකාරයට ලංකාව ලෝකයේ තවත් එක් රටකි. නූතන තාක්ෂණය සමග රටවල් අතර භූ ගෝලීය දුර නව තාක්ෂණ මාධ්‍යන් ඔස්සේ වඩාත් අවම විය. එසේම රටක් ලෙස මේ ගෙවමින් සිටින කාල සමය තනිව වැජඹිය හැකි කාලසමයක් නොවේ. ඒ නිසාම ලෝකයේ අනෙක් රටවල් සමග සහබද්ධව ආර්ථික දේශපාලනික හා සාමාජීය හුවමාරුවක් තුළ පවතින්නට සිදුව ඇත. එසේ නොපවතින කිසිදු රටකට අද දවසේ පැවැත්මක් නැත.

උදාහරණ ලෙස ශ්‍රී ලංකාවේ සමහර ළිං ගෙඹි මාධ්‍ය කියනා ආකාරයට චීනය සහ ඇමරිකාව කිනම හෝ මොහොතක ලෝක බලවතුන් වීමේ යුද්ධයකට පැටලෙයි යැයි කල්පිතයක සිටිය ද එය කිසිදා සිදුවන්නක් නොවේ. මන්ද චීනයේ සහ ඇමරිකාව එකිනෙකා මත යැපෙමින් තම පැවැත්ම තහවුරු කරගන්නා හෙයිනි.

ජාත්‍යන්තරයේ තත්ත්වය එසේ වුවද ඉකුත් සමයේදී අලුත් මතයක් ලෝකයට ඉදිරිපත් විය. ඒ ඉන්දියාව දකුණු දෙසින් පිහිටා තිබෙන, ආසියාවේ පුදුමය වන්නට යාථාර්තවාදී නොවන හීනයක සැරිසරන රාජ්‍ය හෙවත් ශ්‍රී ලංකාව වෙතිනි. ඒ ලෝකය පිහිටා තිබෙන්නේ ලංකාව නම් වූ දුපත තුළ බවයි. ඒ නිසාම මෙහි පාලකයන් සිතන්නේ ලෝකය සමග ගනුදෙනු කිරීම කිරිකජු කනවාටත් වඩා සරල පහසු වැඩක් කියාය. ලෝකය පිහිටා ඇත්තේ ලංකාවේ ඒ නිසා අපි අපිට ඕන දේවල් කරන්නේ. ලෝකය කවුද අපි කවුද??? එවැන් ගංගොඩේ චන්ඩි පාට් දමන්නටත් අප රාජ්‍යය සමත් වී ඇත. කාලෙක සිට ඔවුන්මේ චන්ඩි වදන් ලංකාවේ පුරවැසියන්ට කියන ලදී. අතීතකාමයෙන් අග තැම්පත් ලංකා රාජ්‍ය බලාසිටින්නේ අනාගතය අහසින් වැටෙන තුරුය. ජනතාව වෙනුවෙන් සැලසුම් සැදිය යුතු රටක සැලසුම් නිර්මාණය යවන්නේම පාලකයන්ගේ දේශපාලනික ව්‍යාපෘතීන් පුම්බා තැබීම වෙනුවෙනි. ඒ නිසාම පාලකයන්ට අනුව අපට වඩා පොරවල් ලොවේ කොතනකවත් නැත.

මේ සුරංගනා කථා සියල්ල තරගයට ගිරවුන්මෙන් කියන්නට හොදම අවස්ථාවක් ශ්‍රී ලංකාවේ සිදුවූ යුධ අපරාධ සම්බන්ධ එක්සත් ජාතීන්ගේ මහලේකම්ගේ වාර්තාව හරහා මෙරට පාලක පන්තියට අවස්ථාව ලැබී ඇත. වාර්තාවේ සදහන් කරුණු වලින් වැඩක් නැත. එවා අධ්‍යනය කරන්නට හෝ මේ වාර්තාව එළියට එන්නේ ඇයිද කියා විමසීමට අවශ්‍ය තැත. ලංකාවේ අයියලාට අනුව ඒවා වැඩි වැඩය. ලෝකය තිබෙන්නේ මේ භූමිය තුළ නිසා මේ වාර්තා සෑදීම හරහා කර තිබෙන්නේ වැඩිවැඩකි. අපිට උපදෙස් දෙන්නට ලෝකයේ පොරවල් නැත. කොටින්ම අපිට වඩා පෙරවල් මේ තුන්ලෝකෙම නැත. අපි ජනාධිපතිවරයා ජනමූලය. බුලත් විට කයි. සරම ඇදන් ගමේ ඇවිදී. උඩු රැවුලක්ද ඇත. ලෝකයේ ජනමූල නායකත්වය මොඩලයක් අවශ්‍යනම් මෙන්න එයද ලංකාව තුළ තිබේ. මන්නාරමේ තෙල් ඇත. හම්බන්තොටට කස කස ගා නැව් එයි. කෝච්චියෙන්නම් කෝච්චියෙන් බස් එකෙන් නම් බස් එකෙන්... විනාඩි 30 න් මාතර. ඒ විතරක්ද සී ප්ලේන්. කන්න එමට ය. නයිට් සිටි. රෑට ලාස් වේගාස්ය.. දවල්ට බැංකොක්ය.. මෙතරම් දෙවල් කොතනත් නැත මේ සියල්ල බලා ඉන්නට බැරිව අගේ ඉදන් කන කනවා මෙන් ලෝකය කරන්නේ ලංකාවේ පිහිටා සිටිමින් ලංකාවට මඩ ගැසීමය. අනම්මනම් වාර්තා ඉදිරිපත් කිරීමය. මැයි පළවැනි දින ලෝකයම හෙල්ලෙන්නට දුන්නේය. මේ අධිතාක්ෂණික සයිබර් යුගයේ ලංකා රජ්‍ය ලෝකයට හෙල්ලෙන්න දෙන්න සූදානම් වන්නේ ගැල්වනයිස් බට වලින් සෑදූ වේදිකාවක්මත සිටය. සූදානම වාර්තා සුළගේ ගසාගෙන යන්නට වැඩේ දෙන්නය.

ලංකාවේ වර්තමාන රජතාන්ත්‍රික හැසිරීම එලෙසය. සංවාද, විකල්ප, යෝජනා, ආදිය වැනි ඩවාත් ඵලදායී දෑ ජනමූල නායකයන්ගේ හමස් පෙට්ටිවලට පටවා ඇත. ඒ වෙනුවට ගමේ ගොඩේ චන්ඩි පාට් ක්‍රමවේදයක් වෙත යොමු වී ඇත. කෙසේ වෙතත් මෙ වාර්තාවත් සමග ලංකාවේ ක්‍රම වේදයන්ගේ නිරුවත එළදැක්වෙමින් පවතී. සත්‍ය කථාව නම් පාලකයන් විසින් ලංකාවේ රෙදි ගලවමින් සිටී. සිම්බාබ්බේ, සුඩානය, උතුරු කොරියාව වැනි අසාර්ථක රජය්‍යන්ගේ මුලසුන ගැනීමේ තරගයට ලංකාව දැන් පැමිණ ඇත. හැබැයි මිනිසුන් තවමත් ලෝකය ලංකාව තුළ පිහිටා ඇත යන ෆෑන්ටසියේය.

නිර්මාල් ඒකනායක



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails