Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



පුරාතන පෙම් නළුව
පුරා 'ඔබ' සොයන විට
ජීවිතය වෙරෝනාවක් වේය.
ලියා ගනු බැරි වචන
හිතේ කැටි ගැහෙන විට
ආදරය පොරෝනාවක් සේය.

"ජුලියට් කැපියුලට්"

ඒ නිතර මා ඔබට දෙන නම ය.
ඇතැම් විට
අලුත් කවියක් - දෙකක්
ඔබ සිතේ පුබුදුවා ලන නම ය.

මතකයිද, පියාපත් යුග අතර
හිම රැඳුණු කිරිල්ලිය
ග්‍රීක දෙව් කතාවක වසා හිඳ
මගේ උරහිස මතට පියෑඹුව...
බොහෝ කවි තුඩ අගින් අරගෙන
ශිෂ්ඨාචාර සෙල් කුළුණු පසුකර.

කැපියුලට් මැදුරු ගැබ
රැය කොයි තරම් දිගු ද,
එහෙත් ඒ රැය පවා ඇසිල්ලකි.
සඳලුතල දසුන දැක සන්සිඳෙන
කටු ඇනුණු සිත පවා
අලුත් ඍතුවක මල් පියල්ලකි.

කවි ම අවි වී නැගෙන
ද්වන්ද්ව සටනක් වුණොත්
ප්‍රේමය,
කවුරු ඉන් දිනාවිද?
බොහෝ අය වාගෙම
හිනැහේවි ඔබත් ඒ පැනයට.

"ජුලියට් කැපියුලට්"

ඔබේ පා නියගින්
මගේ ළය පෑරෙන සැමවිට
ඒ ඔබට මා අමතනා නම ය.
පිටකළ නොහෙන බරැති සුසුමක්
ඔබ ළමැද
උණුසුමට ඉතිරි කොට යන නම ය.

30.04.2011

රසික ජයකොඩි



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails