Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



ලියන්නට හදනකොට මිනිහෙක්
අරගෙන සුදුපාට කොළයක්
ගන්නවා ඉහළට මහා හුස්මක්
ලියන්නට ගලපලා අදහසක්

පහත හෙළනා විටදි සුසුමට
හසුවෙලා සුදුපාට කොළ කෑලි
ඉරි ඉරි විසිවෙලා වැටෙනවා
තමන්ගේ පාමුළට

වැගිරෙන්නේ ඇඟ ඇතුලෙ කුණුවෙච්ච ලේ නම්
පිපාසිත උගුරකින් වමාරා කනවනම්
හොය හොයා ලියන්නට මළ දෙයක්
සොයන්නේ කුමකටද මිනිහෙක්

අකුරුවල ඇමිනිච්ච
අදහස්වලින් වැළලී
"ජීවිතය ලැබුවාද කිසිවෙක්...."
අසයි ඔහු ළඟින් දැවටි දැවටී
මැරුණු මිනිසුන්

වාරු නැති කවියෙක්
ඇත්තටම මැරෙන්නට මත්තෙන්
ලෙඩ ඇඳක නැවතිලා
හඬනවා කවියක්
කඳුළු නැති කවියක්

කෲර දූපතක සිරවී
නිදහසක් නොදන්නා මිනිසුන්ට මිතුරු වී
මැරෙන්නට කිසිදාක නැවතත්
ඉපදෙන්න හිතන්නෑ ආයෙත්

පිහදමා අතීතය සුදුපාට කොළයෙන්
මිනිහෙක් ඉරයි බොර පාට කොළයක්
තවකෙක් සොයයි ඒකෙන්
ගලපලා කියවන්න කවියක්

සමරකෝන් පතිරාජ



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails