Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



සමහර විට ඉතා දරුණු ලෙස නීතී කැඩූවන් වුයේ අම්මු, එස්තා සහ රහෙල්ය. එහෙත් උහු පමණක්ම නොවූහ. ඒ හැමදෙනාම නීති කැඩූහ. ඒ කෙසේ ප්‍රේම කළ යුතුද යනු නියම කරන නීති ඔවුන් සියළු දෙනා විසින්ම උල්ලංඝනය කරන ලදී. නීති කීයක්? ආච්චිලා ආච්චිලා කරන, මාමලා මාමලා කරන, ඥාති සොහොයුරු සොහොයුරියන් කරන, ජෑම් ජෑම් කරන සහ ජෙලි ජෙලි කරන නීති.

ඒ වූ කලී මාමාවරුන් පියවරුන් බවට පත් වූ, මව්වරු ප්‍රේම වන්තියන් බවට පත් වූ ඥාති සොහොයුරියන් මියගිය අවමංගල්‍ය පැවැත්වුණු කාලයකි. සිතිය නොහැකි දේ සිතිය හැකි දේ බවට පත් වූ, නොසිදුවිය හැකි දේම ඇත්ත වශයෙන් සිදු වූ කාලයක්ද විය.

සොෆී මෝල්ගේ අවමඟුලටත් පෙර පොලීසිය විසින් වේලුත සොයාගන්නා ලදී.

ඔහුගේ අත්වලට දැමූ මාංචු සමේ ස්පර්ශ වුණු තැන් වල ගෙඩි ගැහී තිබිණි. අප්‍රසන්න ලෝහ ගඳක් ඇති ශීතල මාංචු, බස්රථ වල වානේ පොලු සහ ඒවා අල්ලා ගැනීම නිසා කොන්දොස්තරගේ අත්වලින් එන ගඳට සමාන ගඳක්.

සියල්ල සිදුවී අවසන් වූ පසු, "වැපිරූ හැටියට අස්වැන්න නෙලා ගන්න" බේබි කෝචම්මා කීවේ වැපිරීම සහ අස්වනු නෙලා ගැනීම ඇයට කිසිම සම්බන්ධයක් නොතිබුණු හැටියටය. ඈ ඇගේ සිඟිති පාද තබමින් කරමින් සිටි අලංකාර මැහුම තිබූ තැනට ගියාය. ඇගේ සිඟිති පා ඇඟිලි කිසිවිටෙකත් බිම නොගැටිනි. ඇගේ අදහස වූයේ එස්තා ආපසු යැවිය යුතුය යනුයි.

********

අම්මු එස්තාගේ කුඩා ඇඳුම් පෙට්ටිය අහුරනු රහෙල් බලා සිටියාය. "ඒ අය හරි වෙන්න පුළුවනි" අම්මු කෙඳිරුවාය. "පිරිමි ළමයෙකුට තාත්තා කෙනෙකු ඕනෑ වෙනවා විය හැකිය." ඇගේ ඇස් රතු වී මැලවී තිබූ බව රහෙල් දැක්කාය.

ඔවුහූ, හයිද්‍රාබාදයේ නිඹුල් දරු විශේෂඥයෙකුගෙන් උපදෙන් විමසූහ. එකට ඇලී උපන් නිඹුල් දරුවන් වෙන් කිරීම නුවණට හුරු නොවන නමුදු, බීජාණු දෙකකින් උපන් නිඹුල් දරුවන් සාමාන්‍ය දරුවන්ගෙන් වෙනස් නොවන බවත්, විසිරී ගිය පවුල්වල දරුවන් විඳින ස්වභාවික උපද්‍රවයන් පීඩා විඳින අතර, ඊට වැඩි හානියක් සිදි නොවන බවත් ඈ ලියා දැන්වූවාය. සාමාන්‍ය දෙයට පටහැනි කිසිවක් සිදුනොවේ.

ඉතින්, දුම්රියේ නංවා එස්තා ආපසු යවන ලදී.

[සුළු දෙය ඇසුරු කළ දෙවියා| God of Small Things (1997)]

"එස්තා, රහෙල්"| සිත්තම- Rebecca Posner

අරුන්දතී රෝයි
පරිවර්තනය - එල්. බී. හේරත්



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails