Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



උපත ලද්දෙමු
යම් දිනෙක මියයමු
බොහෝ විට
යම් පමණකට හුදකලා වී

අපගේ හුදකලා බව
ඛේදයක් නොවේ නම් අන් කවරක්ද
අපගේ හුදකලා බව
බියෙන් තොරව සත්‍යය ප්‍රකාශ කිරීමට
ඉඩ නොහැරීම මිස අන් කවරක්ද?

අපගේ හුදකලා බව
ගතික රූපාකාරයක් ලෙස
වෙනස් කළ හැකි
අන්තර් ක්‍රියාකාරික දෙයක් ලෙස ලොව අත්දකිමින්
වික්‍රමාන්විතයන් සඳහා
අප යොමු කරවන්නක් මිස
අන් කවරක්ද?

බොස්නියාවේ හෝ රුවන්ඩාවේ
වෙනත් කොතැනක හෝ
මා ජීවත් වූයේ නම්
අනවශ්‍ය මරණය
මා හට දුරින් වූ
සළකුණක් නොවනු ඇත.
එය උපමාවක් නොව
යතාර්ථයක් වනු ඇත.
කවුරු නම් දනිත්ද?

මා හට
මේ උපමාවට
අයිතියක් නොමැත.
නමුත්
මවිසින්ම අස්වැසෙනු වස්
එය යොදා ගනිමි.
සුවිසල් සහ අවැසි නොවූ යමකට
අරුතින් බිඳක් දීමට.

මේ වැටහීම
මා වරප්‍රසාදිත ලොවක
දිවි ගෙවනු ඇති බවට වන
මේ වැටහීම

රුසියාවේ උණුදිය
මට සිසිල් කළ නොහැකිය.
මට පිකාසෝ වීමට නොහැකිය.
මට ජේසුස් වීමට නොහැකිය.
තනි අතකින්
මට ග්‍රහලෝකය ගලවා ගත නොහැකිය.

මට පිඟන් සේදිය හැකිය.

-රචෙල් කොරී
ගසා තීරයේදී ජීවිතය හමුවීම.
[දියැස. 2007 අගෝස්තු/සැප්තැම්බර්]

ඊශ්‍රායෙල් හමුදා විසින් ගාසා තීරයේ පලස්තීනය විනාශ කිරීම වැළැක්වීමට ඉදිරිපත් වූ 23 හැවිරිදි ඇමරිකානු ජාතික සාම ක්‍රියාකාරිනියක වූ රචෙල් කොරී බුල්ඩෝසර් යන්ත්‍රයකට යටකර මරා දැමිණ. [2003-03-16] ඇය එහි සිටි බව බුල්ඩෝසරය පැදවූ රියදුරා හොඳින්ම දැන සිටි නමුත් නිවාස විනාශ කිරීම සඳහා දිගින් දිගටම ඉදිරියට ඇදුණු බව ඒ මොහොතේ ඇය සමග සිටි අනෙකුත් විදේශිකයන් ප්‍රකාශ කරයි. පළමුව ඔවුහු වැලි සහ අනෙකුත් සුන් බුන් ඈ මත හෙලූ අතර අනතුරුව ඈ යට කරමින් බුල්ඩෝසරය ඉදිරියට ඇදුණි. අත් පා සහ හිස් කබල බිඳී ගිය ඇය වහා රෝහලට ඇතුළු කළ ද පසුව මිය ගියාය.

ගාසා තීරයේ "රාෆා"හිදී රචෙල් සිය ජීවිතය පීඩිත පලස්තීනුවන්ගේ නිදහස වෙනුවෙන් පූජා කළාය. ඇමරිකානුවෙකු වීමේ වරදකාරී හෘද සාක්ෂිය විසින් මෙහෙයවුණු ඇය අමෙරිකානු සහයෝගයෙන් ඊශ්‍රායලය ගාසා තීරයේ ගෙනගිය සංහාරයට එරෙහිවීමේ වරදට ඇමරිකාවේම නිෂ්පාදිත බුල්ඩෝසරයකට යට කර මරා දැමිණ.

ඉහත කව ඈ ලියූ පහත සටහන ඇසුරින්...

We are all born and someday we’ll all die. Most likely to some degree alone.What if our aloneness isn’t a tragedy? What if our aloneness is what allows us to speak the truth without being afraid? What if our aloneness is what allows us to adventure – to experience the world as a dynamic presence – as a changeable, interactive thing?

If I lived in Bosnia or Rwanda or who knows where else, needless death wouldn’t be a distant symbol to me, it wouldn’t be a metaphor, it would be a reality.

And I have no right to this metaphor. But I use it to console myself. To give a fraction of meaning to something enormous and needless.

This realization. This realization that I will live my life in this world where I have privileges.

I can’t cool boiling waters in Russia. I can’t be Picasso. I can’t be Jesus. I can’t save the planet single-handedly.

I can wash dishes.

By Rachel Corrie — January 2003


Footage from Rachel's interview conducted by Middle East Broadcasting-



Rachel Corrie 5th Grade Speech-



පරිවර්තනය - අජිත් සී හේරත්



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails