Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



පත්තරේ ෆොටෝ වැටුනම ලකුණු කර
විස්තරේ ලියා අමුණා ෆයිල් කර
චක්කරේ, එකක් සීයයි ගණන් කර
මිත්තරේ හිටියෙ උඹ 'ෆ්‍රීලාන්ස්' කර

මේ කැමරා කබලෙන් වැඩ ගන්ඩ බැරී
හොඳ හොඳ ලෙන්ස් නැතුව වැඩ පෙන්නන්ඩ බැරී
මොනරු හිඟ කලට හොඳ ලෙන්ස් ගන්ඩ බැරී
එහෙව් උඹේ 'ක්ලික්' කවරෙට නැතුව බැරී

රටේ කෙල්ලො හිටවා ෆොටෝ ඇරගෙන
රනේ රුවට පත්තරෙ දාපු උඹ වට
මලේ බඹරු මෙන් රතු කෙල්ලො රොද බැඳ
අනේ හිටිය හැටි තව මතකයි අපට

ආවත් අයියෙ 'ටොයියන්' කොච්චර ඇඟට
රස්සාවටයි මුල් තැන කෙල්ලෝ දෙකට
මට නැති 'ගටක්' බොට අවුරුදු විසි එකට
ආ හැටි මලේ 'මීටර්' වුණේ නෑ මට

අයියගෙ ඔය මොළේ මට තිබුණ නං දනී
මේ කොම්පැණිය නියපොත්තෙන් උඩ දමමී
එහෙම කියා තුටු රැව් දෙන උඹව පෙනී
අම්මා නොදුන් මල්ලිව උඹෙන් ඇන්දෙමී

මල්ලියෙ මං බඳින දවසට වරෙන් කියා
තවමත් කාඩ් එක ඇත උඹෙ නමට ලියා
ඒ ටික දොහට උඹ ඇවිදින් ඩියුටි කියා
කැමරාවත් අරන් ඉරණම් ගමන ගියා

ඈන්ගල් එකට ෂාරුක්ව හසු කර
ගන්නට ළඟට ගිය කැමරාව කුඩු කර
තණකොළ ගොල්ල එක සැනයකින් රතු කර
බෝම්බේ වැටු‚ අපෙ පපු කීතු කර

සිහිසන් නැතුව ඔක්කොම මාතර දිව්වා
ඒ දඬු නියර දිග දුරු කතරක් ගෙව්වා
ටකරං මඩුවෙ බාගෙට නැගි ගේ ගාවා
නින්දක් නිදාගෙන ඉන්නා හැටි දුටුවා

පවුල ගොඩ ගන්ඩ හිටි මල්ලි නැති වුණා
පොළොවේ හැපෙන අක්කා වැලහින්න වුණා
උඹේ හිනා සෙල්ලම් බස් ද සී වුණා
මුළු ගිං ගඟේ කඳුළුත් එදා මදි වුණා

සුනන්ද කරුණාරත්න



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails