Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



දැන් මාළුවෙකු සිටින බවත් තමාගේ කැපුනු දෑතේ හා පිටේ වේදනාව හීනයක් නොවන බවත් මහල්ලා දැන ගත්තේය. යොතට කැපුණු දෑත ඉක්මනට සනීප වේවියැයි මහල්ලා කල්පනා කළේය. මම කැපුණු තැන්වල හොඳට ලේ අරන් දැම්මා. කරදියට අත සනීප වේවි. සැඬ පාරේ කාස්ටක දිය ඉතාම හොඳ ඖෂධයක්, දැන් මවිසින් කළයුතු හොඳම දෙය හොඳ සිහියෙන් කටයුතු කිරීමයි. මගේ දෑත තමන්ට අයත් කටයුත්ත හොඳට ඉෂ්ට කළා, දැන් අපි කිසිම කරදරයක් නැතිව හොඳට යාත්‍රා කරනවා. මාළුවත් කට වහගෙන බාව කෙළින් තියාගෙන මාත් එක්ක හොඳ සහෝදරයෙකු වගේ යාත්‍රා කරනවා. අනතුරුව මහල්ලාගේ සිහිය ටිකක් අවුල් විය. මම මාළුවා අරගෙන යනවද, නැතිනම් මාළුවා මා අරගෙන යනවද?යි ඔහු කල්පනා කළේය.

*******

තමා මහ මාළුවෙකු අල්ලා ගැනීම සිහිනයක් නොව සැබෑවක් බව සැක හැර දැන ගැනීම පිණිස මහල්ලා නිතර මාළුවා දෙස බැලුවේය. මෙය සිදු වූයේ ඔහුට පළමුවන මෝරා පහර දීමට පැයකට කලින්ය. මෝරාගේ පැමිණීම අහම්බෙන් සිදුවූවක් නොවේ. අඳුරු ලේ වලාකුළු මුහුදේ පතුලේ සැතපුමක් පමණ යටට පැතිර යනවාත් සමග මෝරා මුහුදු පතුලේ සිට පැමිණියේය. කිසිම ඇහිල්ලක් බැලිල්ලක් නැතිව වේගයෙන් පැමිණි මෝරා මුහුදේ නිල් දිය දෙබෑ කරගෙන උඩ විසි වුණේය. ආයෙත් මුහුදට වැටුණු මෝරා ඔරුව හා මාළුවා යාත්‍රා කළ මාර්ගය ඔස්සේ ඉව අල්ලාගෙන ලුහුබැඳ ආවේය.

[The old man and the sea (1952)| මහල්ලා සහ මුහුද]

අර්නස්ට් හෙමිංවේ
පරිවර්තනය - සිරිල් සී. පෙරේරා



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails