Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



සොහොන් පිටියක් බඳූ
මහගෙදර !
ගල් ගුහාවක් බඳු
මහගෙදර !

මහගෙදර
මහා පාළුව තුළ
මතක වවුලන් ලගින
හොල්මන් මෙන් තටු ගහන.
මහගෙදර
මූසල පාට ගෑ
පරණ බිත්ති අස
පාළු ගඳ
වවුල් බෙටි මෙන් දුගඳ.

වැට අතගගා
සාලෙට ඇවිත් නන්දා
ඔබා සුවිචය
පත්තුකළා වෝල්ට් හතලිහේ වල්ගා තරුව !

ජීවිත සාරිය මහන්නට
හෙමින් වාඩිවිය ඇය.
දුබල ඇටකටු
හොලව හොලවා
කෑගසා බෑ කීය
යළිත් මහන්නට මැසිම
නහරයක් කැඩී පණ අදින.

සම්ප්‍රදාය නූල්බෝල පෙට්ටියේ
පැටලිලා නූල්
සංසාරය වගේ.

නන්දාගේ බඩේ
හා පැටියා තියා
සඳ ගිහින් නොදන්නා සිංහලේ
වෙළදාමට.
මාස හතක් අමාවක
මහගෙදර අහසේ.

දවල් තරු පේන්නට
හිල් හැදුන
මහගෙදර මහ වහලේ ලැගගෙන
කණකොක්කු කෑ ගසති.
ජිනදාස යළි නේන බව කියති.
බෙටි හලති.

මේ කිසිවකට
මරන්ට බැරි විය
නන්දාගේ හදවත.
නව ලෝකය මෙන් අවදිව
අත් ඉදිකටුවට අමුණා වීරිය
ඈ මහයි
ජීවිතේ ඉරුණු තැන්.
මලකඩ කතුර වීසි කොට ඈතට
ඈ අලුත් මල් මහයි
කොට්ට උරයේ
පුතාට !

සමිත බී. අටුවබැන්දෑල



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails