Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



පෙර වැකිය
ඔබ රාමුවක් තුළ ගල්ගැසුනු සොඳුරු සිතුවමක් බවට පත්විය. මගේ දෑස් නිලංකාර කරන තරමට ඔබ දීප්තිමත්ය. මම ඔබේ සිත්තරාගේ සූක්ෂම පින්සල් පහරවලට හසුනොවූ ලෝකය සොයා, රාමුවෙන් පිට නිදහස් මගෙහි යමි. හමුවන්නන්ගෙන් විමසමි. සිත්තරාද මුනගැසිනි. කිසිවෙක් නොදනිති. ඒ ලොව තවම නොදිටිමි.

* සෑම ඛේදාන්තයක්ම ප්‍රහසනයක් ලෙස පුනරාවර්තනය වෙනවා.
- හේගල් -


බිහිසුනු මැදියම ඔබ සැඟවෙන විට
වරදාගත්තෙමි එය සිහිනයකට
සැනෙකින් නැගුනා ඔබ සිතුවමකට
දැනගමි මා මග ඒ අබියස සිට

නොබැඳුනි ඔහු නිමැවූ සිතුවම වෙත
නිවරද ලෙස යමි නිදහස් මාවත
තෙළිතුඩ නැති ඔහු දැන් මා වෙත ඇත
එවතුදු සතුටක සේයාවක් නැත

ඊයෙ සිහිනයයි අද ජීවිතයයි
හුයක් නොමැති බැඳුමක පැටලී යයි
මා සිතුවම තුළ බව ඔහු පවසයි
හැඳිනගනිමි දැන් ඔබ මෙහි මේ යයි

පසු වැකිය
ඔබේ සැඟවයාම යනු ඛේදාන්තය නම් මගේ තීර්ථ ගමන එහි ප්‍රහසනයද?

නිර්මාන උත්තේජනය
Krzysztof Kieslowsky ගේ "The Double Life of Veronica" චිත්‍රපටය.

දිලීප ජයතිලක



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails