Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



හැඟීමක් ඇති
දැනීමක් නැති
කති බොති
හුස්ම ගනිති
මළ පහ කරති
ඉරට හඳට අවනත
කළුවරට වැඩියෙන් කැමති
ලාදුරු මිනිස්සු.

මිය ගිය උන්ට වැඩියෙන්
දිවි ගෙවන වුන්
අත්හැර දමා ඇත
මුලා වි වන රොදක

උන්ටත් වැඩියෙන්
උපදින්ට ඉන්න වුන්
නන්නත්තාරය
අඳුර ඝනකම් වැඩි බැවින්

එදාට වැඩිය අද
කරන තක්සේරුවක ශේෂ පත්‍රය
නරකාදියක් නම්
අනාගත ගිණුම
අඳුරු හෙවනැල්ලක්මය
හෙට උපදින එකා
නරුමයකු වීම වැලකිය නොහැකිය

දැනීම පමනක්ම නොව
හැඟීමට ද ලාදුරු වැළඳ
ඉන්න මිනිසුන් වෙනුවට
තියෙන මිනිසුන් වීම
නොවැලැක්විය නොහැකිය.

පුනරුද මිනිසාගේ
තර්ක නැණස නැසූ සාතන්ලා
අදටත් වැඩිය නග්නව
තුටු සැණකෙළි
සව්දිය පුරවාවි
සර්ව ලාදුරු මිනිස්
ජීවිත පයින් පාගා

ඒ වෙත ඉදි වෙන
අධි වේගි මඟ
වේගයෙන් කපන ඒජන්ත කපුවන්ට
සාදුකාරයක් දෙන්න
ශිෂ්ටාචාර අන්තයට
කාලය කෙටි කරන
සසරක් වන මේ ක්‍රම කර්මයට.

උදය ආර්. තෙන්නකෝන්



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails