Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



පඳුරු ලූ වේදනා කුරුළු පෙඳකින් පිසින
අඳුරු රැය මව් ළැමේ හිස හොවා දුටු සිහින
අතරමැද අවදි වී සඳු පවා ඉකිබිඳින
අලුයමේ ඇරැඹි තව දිනකි පරවී වැටෙන

ගොනු කුමට සෙක්කුවේ බැදී එහි කරකැවෙයි
සියක් නොව දහස් වැඩ අත් දෙකෙන් නිම කරයි
හිරවෙවී තෙරපෙමින් බස් එකෙන් බැස ගනියි
එකම රඟ මඬළ මුත් භූමිකා මාරු වෙයි

බරට කරදර දමා රත්තරං කිරන්නිය
කඳුළු කැට හිනාවට හුවමාරු කරන්නිය
හද බිතෙන් වෑස්සෙන තෙතමනය ඉසින්නිය
දුකට පත් කෙනෙකු හිත සරතැසය නිවන්නිය

බිංදුවෙන් බිංදුවට බර තැබෙන මොණර කොළ
කිතිකැවි හිස නමයි ඇගේ අතැඟිලි අතර
පෝලිමේ මුහුණවල නොසන්සුන් ඇස් අතර
කඩුකිණිසි පිටවෙතත් හිනාවකි වත මඬළ

මෙරක් බර හිස දරා මුදු සිනා නගන්නිය
ඉලක්කමි කටු ඇනී වේදනා විඳින්නිය
තරුවලින් ගෙදර යන මංලකුණු අසන්නිය
තරු නිවුන දොරකඩ ම කඳුඑ පැන් ඉසින්නිය

උදෑසන නතර වූ තැනින් යළි පුරන්නිය
කාමරෙන් කාමරේ සඳ එළිය සොයන්නිය
සඳ පලුව මුවා කළ කළු වළා දකින්නිය
මුණිවතින් ලිපේ ගිනි සිළට දුක කියන්නිය

ජීවිතේ හර වෙලා බැංකුවට බැර වෙලා
උකස් කළ හීන මල් සින්නෙට ම හැරවිලා
දරුසෙනේ හිමි සෙනේ ගිණුම අයිරා වෙලා
ඇයට නොදැනී ඇයව රහසේ ම විකිණිලා

පද්මිණි ශ්‍රියාලතා



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails