Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



ගැහැණුන් ප්‍රේමය නිසාම අනුරාගයේ බැ‍ඳෙති. පිරිමින් අනුරාගය නිසාම ප්‍රේමයේ බැ‍ඳෙති
- කමලදාස්


කමලදාස් නුඹ කව්රුන් ද

සඳුන් දර දැමූවත් දැවෙන්නට
ගින්දරක් සෑහෙතියි සිතනව ද

අහිංසක විල් දියෙන්
පෙඟී සංතෘප්ත යැයි සිතාගෙන
ළඳක් සිය දෑත් ගෙන
ගින්න මත අතුරාවි නිවෙන්නට
අත්ල මැද ජ්වලණ උණුසුම වතල
ප්‍රේමයේ ඔක්සිකාරක විනැයි
නොදැන සිටියා කියා ලියමු අප

තෙත පෙඟී දියවෙලා
වැගිරෙන්න හදන කපු
පෑහෙන්න බැරි විලස
දැල්ල අසලින් තබමු

උණුහුමට ටිකෙන් ටික
දිය පාට දියව යනු දැකගන්න
මොහොතකට ලංවෙලා නරඹන්න

ස්වේත වර්ණය සමග
කපු - කපු ම වී පැමිණ
ගිණි ගන්න රන් මොහොත - කමලදාස් !

නි‍වෙන හැටි දැන දැනත්
දැ‍වෙන තුරු මඟ බලා හිටියා ම
දැ‍වීම ම පැතූ බව අප ‍දෙ‍දෙන
ලියන්නට ‍නොසිතු‍වෙ ද හැමදාම

නිසල විල අසල හිඳ
සලන සුසුමන් වලට
නොසැලි දිය සසල වන වෙලාවට
හිතෙන ‍දේ සදාකල් රහසක්ය
නො කිව්වා, නො ලිව්වා උනත් අප

ගැහැණියක නිවුණු සිත් දරයි නම්
ගින්දරක් පැතිය යුතුමයි කියා
දර කෙතෙක් දැමූවත් දැවෙන්නට
ගින්දරක් ඇති කියන්නෑ කියා
හිතුවා ද කවදහරි......කමලදාස්!

සුභද්‍රා ජයසුන්දර



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails