Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



අවුස්සන හදවතේ ඉඩ කඩ
මනුස්සෙකි නුඹ නම් නුගේගොඩ

මතක අබරණ පළන්දා ගෙල
පාගොඩට සිය නිකට දිගු කළ
දනී සියලුම කරුණු සුල මුල
අසල එක කුස උපන් කොහුවල

සිහින සැමරුම් නහර වැල් අග
මතක මල් තාමත් පිපී ඇත
උඩඟුවෙන් හිස පලන්දා ගත්
රිබන් පටියකි අළුත් පාලම

බෝම්බෙන් කම්මුල් කැඩී ගිය
හිටගත් නෝ ලිමිට් හල
වහා කඩිසර වෙළඳ පිරිවර
ප්ලාස්ටික් සැත්කමකි සිදු කළ

මිහිරි දෑ පටලවා අත් වල
පොඩි කඳුළු බිඳු දෙකක් එ දවස
නුඹේ කම්මුල් මත ගලා ගිය
සිහිල අමතක වීද සකි සඳ?

ජීවිතේ එක පුදුම දවසක
විරහවේ නියඟින් තුවාලව
බිම වැටී දිය වී මැකී ගිය
දෑස් රිදවූ රුධිර බිංදුව
වැටුණු පෙදෙසට ගිහින් ඉඳහිට
සෙනඟ අතරේ බලමි වටපිට.

[රාවය. මකරන්ද. 2011.12.18]

මහින්ද ප්‍රසාද් මස්ඉඹුල



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails