Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



හඹා එන බස් රියේ ගමන අඩපණ වෙලා
බබා සේ මගේ රිය යා යාතුයි ඉගිලිලා
තබා පාපුවරුවේ පාදයක් ඇලවෙලා
ඔබා යයි කාසියක් මාතලී නැවතිලා

ඇදුරුකම උකස් කළ මුදදාලි කඩයකට
දූ පුතුන් යන නිසා කඩුලු හත පනින්නට
මාපියන් සෙත් පතා වදින විට බෝධියට
ඔවුන් ඇත ගුලිවෙලා පැයට ගත් කුටියකට

හැකි කලට පුලන්නෙකු දැක දැකත් නොදුටු සේ
පලවමින් යදින්නන් කිපි සිහ රජෙකු සේ
ඔත්පලව වැටුනු දා නැගුණු කදුළින් ඇසේ
කන්නළව් කරන විට පිහිට වෙන්නෙමි කෙසේ

පෙමිවතුන් වූ එදා පන්නමින් රතු ඉරක්
කුසට ආ කළල රුව කීතු කොට කළ පවක්
විවාපත් වූ මෙදා නැතුව දරු සම්පතක්
අනේ වැද වැටෙනවා කරන්න ද මං කුමක්

එකට එක බත් පතේ කකා උන් සෝයුරන්
බදාගෙන බිම්කඩක් කා කොටාගෙන මරන්
නඩු කියන දා හෙටයි පඬුරු තෙල් මල් අරන්
දෙපිරිසම යදිනවා දිනුම දෙන්නලු අරන්

පුතුන් රජ කරන්නට විදින දුක් නිම් නැතී
බැරි ගැහුණු මාපියන් මහලු මඩමෙහි වෙතී
එවන් පුතු සපිරිවර සමඟ මෙහි පැමිණෙතී
සෙත් පතා, මැතිඳු හට පහන් වැටි දල්වතී

ඉදහිටක බැති සිතන් කෙනෙක් දෙන්නෙක් එතත්
යාතිකා කන්නළව් බිඳියි උන් එකඟ සිත්
සුළඟ හා මුසුවලා කපුරු කලුවැල් දුමත්
අහිමි කර ඇති වගයි දෙවොල තුල හිමි තැනත්

ගැට ගැහී පඬුරු කොඩි දුමිඳු ළඟ බර දැනේ
මිනිස් සිත මකුඟ දැල් හුයෙනි එහි එල්ලුනේ
යදිති අයදිති යළිත් පළිගසති හිමියනේ
ගිනිවැදුනු පරඬැල්ය මනු ලොව අද දිනේ

උද රළ ගෙඩි ඇවිත් නෑසියන් වනසලා
පැලී මිහිකත ගිලී පණ පිටින් වැළලිලා
වැසි වැටී ගං පොකුණු වැවි දෙගොඩ තල තලා
උගත් පාඩමි යළි උන්ට අමතක වෙලා

යදින මනුසත් වගට වඩා අප අසරණයි
ඇතුල් ගැට පිටත ගැට ගැටගැසී කරදරයි
පුද පඬුරු පපා අඬගසන විට හිරිහැරයි
පලායමි සහැස් දෙවි රජාණනි අවසරයි

පද්මිණි ශ්‍රියාලතා



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails