Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



එදත් පෙර මෙන් සීත හිම කැට නිමක් නොමැතිව වැටුණු දිනයකි
හිරු ද මිය යන සැඳෑ වරුවේ සුසානය තුළ නිහඬ ගමනකි
හිමෙන් නැහැවුණු සොහොන් කොත මත නිබඳ දැල්වෙන කුඩා පහනකි
පහන අසලම දණ ඔබාගත් ජීවිතය මඟහැරුණු මිනිසෙකි

ඔහු හදේ දැවි දැවී අළුවෙන ඉටු නොවූ මහ හීන කන්දකි
මතකයේ කස පහරවල් මැද නෙතට බර වැඩි කඳුළු බිඳුවකි
ගිලිහෙනා එක හුස්ම පොදකින් පහන් සිළුව ද නිවෙන විටකදි
වෙව්ලනා දකුණතෙහි ගුලිවෙන මෙතෙක් කල් හෙළි නොවූ රහසකි

ප්‍රේමයක කුළුඳුලේ සුවඳින් තරුණ හදවත් වෙලුණු යුගයෙදි
දිළින්දෙක් විය අඹුට දෙන්නට මල් මිටක් වත් විතර ළඟ නැති
හිතට එකඟව නොවෙයි එනමුදු සොරාගෙන අවසාන මොහොතෙදි
රැගෙන ආ මේ මුදුව ඇයටයි පළන්ඳන්නට අතර මඟකදි

පුරුදු ගහ කොළ විහඟ පිරිවර උයන කෙළවර බලා සිටියදි
සොඳුරු මිතුරිය ගොසින් තිබුණේ නැවත ඔහු වෙත නො එන ගමනකි
මිටින් ගිළිහෙන පස් අහුරු මැද ආදරය වැළලෙනා අරුමෙකි
එතැන් සිට ගත කෙරුණු කාලය ඔහුට නම් රුදු රැයක් පමණකි

******

නොබෝ දිනකින් සොහොන් කොත අස අළුත ඉදි කළ තවත් කුරුසෙකි
පුරුදු ගහ කොළ විහඟ පිරිවර එදා ගැයුවේ අමුතු ගීයකි

"කාලයක් යනු පිබිදි හිරු දැක සෙමින් දියවෙන හිම පියල්ලකි
ආලයක් යනු එහිරු අභියස අළුත පූදින මල් කිණිත්තකි"


බඹර චුම්බන කුසුම් පෙති මත දිග හැරෙන එක් වසත් කලකදි
සොහොන අසලින් සැඳෑ වරුවට නිතර යන එන තරුණ යුවලකි
මඳක් නැවතී බලා ආපසු අතීතය අහුලනා මොහොතෙදි
ඔවුන් දෑඟිලි අතර පැටලී දිලෙන එක් හුරු පුරුදු මුදුවකි

මහේෂ් මධුරංග



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails