Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



හිතවත් රසිකයාණනේ අසනු මැනව
තොල ගානා මී බිඳුවක් සේ දැණුනත්
පෙදෙන් පෙදෙට ඔබ ගයනා ඇගේ කවිය
ජීවිතයේ ඇය කිසිදා නොවිඳි මිහිර

කවෙන් කවට සැඟ වී හිඳ ඔබ අමතන
බාල මහලු ගෑණු පිරිමි රූපාවලි
ඇගේ අඳුරු ජීවිතයේ කළු සෙවණැළි

වචන සෙලවි සෙලවි ඔබෙ කනට ගෙනෙන
මොහොතින් ඔබ සතපා නළවනා විරිත
මියුරු නදකි සිහිනෙන් පමණක්ම ඇසුණ

සැරිසරනා අකුරු අතර ඔබට දැනෙන
අඳුරට එළියක් ගෙනෙනා අලුත් අරුත
හැමදාමත් අහිමිව ගිය ඇගේ පැතුම

හිතවත් රසිකයාණනේ අසනු මැනව
නිසන්සලේ ඔබ කියවන ඇගේ කවිය
ගැහැණියකගෙ තිත්ත කටුක ජීවිතයයි
පත් ඉරුවක මුතු අහුරක් සේ විසිරුණ

[අලුත්ම සිහිනය - 2003]

මොනිකා රුවන් පතිරණ



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails