Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



ප්‍රේමයේ දූ කෙළිය පැරදී
සියක් බිඳු දිය යුතුව තිබුණද
උපායෙන් මම නොදී සිටියෙමි

ජීවිතේ මග හසර වැරදී
හැපී උමතුව හැඬිය යුතු තැන
වැරෙන් සිර කර තබා ගත්තෙමි

මැදි රැයේ අග ඇලී වධ දෙන
ළසෝ උණුසුම තෙත් කරන්නට
එකදු බිඳුවක්වත් නොපෑවෙමි

මාවතේ වැළපෙන දුකක් දැක
සොච්චමක් දුන් නමුත් -කඳුළක්
දෙනෙත් යදියන් හට නොදුන්නෙමි

ඉබි සිතින් හාවුනගෙ අබිමන
දරා ආ මුත් දිනුම් කණුවට
සතුටු කඳුළක් මුදා නොහළෙමි

වසන්තෙක යළි දිනා දූ පෙත
සැරූවද සඳ නුරා පරතෙර
පෙඟුණු හැඟුමක් නෙතට නොගතිමි

මෙයාදී ලෙස වසර ගණනක්
ග්‍රීෂ්මය මැද ඉතිරි කර ගත්
කඳුළු පිරවූ පළිඟු බඳුනක්
තිබේ මා සිත් ගැබේ තවමත්

සිතේ සුදු තිර නෙතේ සුදු තිර
පසා කර එන ඊ ගහක් වන්
සෙනෙහසක් දෑතෙහි ස‍ඟෝගෙන
කැක්කුමක් දෙන දුම් රුවක් මෙන්
දිනෙක ගේ මැද දෙණක සැතපෙන
සොඳුරු මවගේ නිසල පා ළඟ
හැළේවා ඒ කඳුළු දවසක

සංසසෝබන පියඹ දැහැනෙහි
අසංසාරික මිහිර ගැල්වුණ
සිතුම් කැටියක් මිට මොලෝගෙන
දුරින් දිලිසෙන සිනා‍වක් වන්
පුතෙකු හෝ දියණියක නංවන
පළමු හැඬුමෙහි සිහිනි සර වැද
බි‍ඳේවා ඒ බඳුන දවසක

ලක්ශාන්ත අතුකෝරල



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails