Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



"ලින්, කිරි සාගරයේ බටහිරට තියෙන තරු තුනේ පේළිය පේනවද? අර මැද කහ පාට එක ගොපල්ලා* නොවෙයිද?"

"ඕ, අනිත් ඉවුරේ තවත් තුනක් තියෙනව. පාණ්ඩු නිල්පාට ලොකු එක එයාගෙ පෙම්වතිය ගෙතුම් කන්‍යාව* නොවෙයිද?"

"දුප්පත් පෙම්වත්තු! ඒ ගොල්ලන්ට මුණ ගැහෙන්න පුළුවන් අවුරුද්දකට සැරයක් විතරයි"

"කිරි සාගරයේ පාරුවක් නැත්තේ ඇයි? හතේ ඒවා දෙක ඇරෙන්න වෙන කිසිම පාලමක් නැත්තෙ ඇයි"

ඈ දිගටම මුරු මුරු ගෑවාය. අපි සිහිනයක වී යයි හඟිමින් මම ඈ වඩාත් ළංකොට ගතිමි.

"ඇයි ඒගොල්ලන්ට අවුරුද්දකට සැරයක් විතරක් මුණගැහෙන්න ඉඩ දෙන්නේ?"

"ඒගොල්ලන්ට ඒ තරං තදින් දඬුවම් දෙන්න ඕනෑ ඇයි?"

"පොළොවෙ වගේම අහසේත් ආදරය තෝරාගන්න කිසිම නිදහසක් නැද්ද? තාරුකාවියකට තමන්ගේ පෙම්වතා තෝරගන්න නිදහසක් ඇත්තෙම නැද්ද?"

"කිරි සාගරය ඒ තරං පළලවත්, ගැඹුරවත් නැහැ. ඇයි කවුරු හරි කෙනෙක් ස්ථීර පාලමක් හදන්නෙ නැත්තෙ ගොපල්ලටයි ගෙතුම් කන්‍යාවටයි හැමදාම එකට මුණ ගැහෙන්න පුළුවන් විදියට?"

අපි තවමත් සිහිනයේය.

"ආදරවන්තයින්ට හැමදාම මුණගැහෙන්න පුළුවන් වෙන විදිහෙ පාලමක් හදන්න මං ආසයි"
ඈ මා දෙස නෙතු හෙළමින් කතා කලේ සිහිනයෙන් මෙනි. ඇගේ දෑස් බොඳවෙලාය.

* චීන ජනප්‍රවාදයේ ගොපල්ලා හා ගෙතුම් කන්‍යාව පෙම්වතුන් ය. ඔවුන් හමුවන්නේ අවුරුද්දකට වතාවකි. ඒ සත්වනි සඳ පායන සත් වැනි මාසයේ සත්වැනි දිනයේදීය.



- බා ජින් ගේ කලින් නික්මුණු වසන්තය
පරිවර්තනය - මහින්ද සෙනරත් ගමගේ


මරණය සහ දිවිනසා ගැනීම දැඩිව සිතින් දරාගත් තරුණ පෙම්වතුන් දෙදෙනෙකු සමඟ දකුණු දිග නගරයක් වන ඇමෝයිහි වසන්තයේ ලස්සන පිළිබඳව අති සියුම් ලෙස කළ සංසන්දනාත්මක විග්‍රහයකි කලින් නික්මුණු වසන්තය. බා ජින් ගේ අන් කතා වන් හිදි මෙන්ම මෙහිදී ද නිරූපණය වන්නේ රදළ සමාජ ක්‍රමයේ ගොදුරු බවට පත්වූ අති සංවේදී තරුණ බුද්ධිමතුන්ගේ චරිතය.

බා ජින්-

1904 දී චීනයේ සිචුවාන් පළාතේ රදළ පවුලකට දාව මෙලොව එළිය දුටු බා ජින් සිය ළමා වියේ සිටම එහි අර්බුදකාරි ස්වභාවය, අඬ දබර හා රදළ පන්තියේ කුහක ආචාර ධර්ම පද්ධතීන් විසින් තරුණයන් නින්දිත ලෙස පරාජය කෙරෙන ආකාරයත් අත්දැක තිබිණි. ඒ අනුව 1919 දී දියත් වූ අධිරාජ්‍ය විරෝධී සහ රදළ විරෝධී මැයි 4 ව්‍යාපාරයේ ප්‍රගතිශීලි අදහස් පිළිගන්නට මෙය බොහෝ සෙයින් ඔහුව පෙළැඹවීය.



1927 දී ප්‍රංශයේදී සිය ප්‍රථම නවකථාව වූ "විනාශය" ලියා අවසන් කළ ඔහු 1928 දී නැවත පැමිණ එකල සමාජය කෙරෙහි බුද්ධිමතුන්ගේ කළකිරීම හා විප්ලවය කෙරෙහි ඔවුන් තුල ඇති මහත් රුචිය පිලිබඳ විස්තර කෙරෙන තුන් ඈඳුතු නවකථාවක් වන "මීදුම", "වැස්ස" සහ "හෙණ අකුණු" ද, රදළ සමාජය විවේචනය ලක් කරමින් පවුලක අමන කෲරත්වය සහ කුහක චාරිත්‍ර වාරිත්‍ර හේතුවෙන් බිඳී විසිරී යන අයුරු හෙළි කෙරෙන "පවුල", "වසන්තය" සහ "සරත් සෘතුව" ද ලියා පල කළේය.

බා ජින් ජාතික මහජන නියෝජිත සභාවේ ස්ථාවර කමිටු සාමාජිකයෙකු වූ අතරම ඔහු විසින් චීන ලේඛක සංගමයේ සභාපති ධූරය ද හොබවන ලදී. වසර 22 ක කාලයක් තිස්සෙ දරුණු ලෙස පාර්කින්සන් රෝගයෙන් පීඩා විඳි ඔහු 2005 ඔක්තෝබර් 17 දින පිළිකා රෝගකින් මිය ගියේය.

බා-ජින්
පරිවර්තනය - මහින්ද සෙනරත් ගමගේ



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails