Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



දෑත බිම ඔබා,
පස්සට වාරුවී
නිසලව හුන්
ඇගේ ලිහිල්
කෙස් රොදක්,
නිහඬව හමන
සුළඟින්
එසවී,
මා මුහුණෙහි
හැපෙත්ම,
ඇගේ රන්වන්
මුහුණ දෙස
බැලූ මම
ඇසීමට දිගු කලක්
පුළ පුළා සිටි
කිසිවක් ඇසීමට
සිතීමි.

මසකු හඬ නඟා දැඟලූයෙන්,
ගං ඉවුර අස
පන් ගසින් යුත්
නොගැඹුරු බොර දිය
කැළඹිණ.
ඈත ඉවුරෙහි
උසට වැඩුණු
මහ උණ පඳුරින්
අහසට නැඟුණු
කොබෙයියෙක්
කෑගාගෙන
පියාඹා ගියේය.

ඉක්බිතිව
මහා නිශ්ශබ්දතාවයක් පැතිරිණ.
ඇගේ රන්වන් දිගටි මුහුණ දෙස බැලූ මම
ඇසීමට දිගු කලක් පුළ පුළා සිටි
කිසිවක් ඇසීමට
යළික් සිතිමි.
නිශ්ශබ්දතාවය දැඩි විය.
පෙදෙස වසාගෙන පැතිරුණු
නිහඬ බැවින් මිරිකුණු මම
ඇයගේ
රන්වන්,
දිගටි,
නිසල
මුහුණ දෙස බලා
කරබා ගතිමි.

[පලිගැනීම- 1946]

ජී.බී. සේනානායක



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails