Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



"මෙගා ටෙලියේ සියලු ශිල්පීහූ විහාරස්ථානයට ගෙන්වා මහා සංඝරත්නයේ ආශිර්වාදය ලබා දෙති"
-පුවතක්

මේ මුළු සමාජෙම කටු පිරි කැලෑවකි
ඒ මැදින් යනෙන ගත සිත තුවාලෙකි
කැක්කුම් වේදනා නසනා ඔසු ගුලාවකි
දිගු ටෙලියේ නුඹත් සදහම් අමාවකි

හිනාවයි කඳුළයි කඳුළයි හිනාවයි
මේ මහ සසරෙ හැටි ඔය සොබාවයි
නැවතීමක් නොමැත කරුමේ විසාලයි
නේරංජනා ගඟ පෙරට ම ගලා යයි

කිඳුරු කැලේ සිට පෙරුමන් පුරා පුරා
මහසත් වෙත හිත පිදුවලු යසෝදරා
කෙල්ලක් හිදී මේකෙත් හොටු කඳුඟ පෙරා
පින්වත බලනු මැන නූතන යසෝදරා

අලුයම නැගිට මා පිය වදිනා කොල්ලා
රහසින්වත් නැත පාපෙට ඉව අල්ලා
ඇස්-ඉස්-මස් දන් දෙන හැටි බලපල්ලා
අනේ වාසනාවන් බෝසත් කොල්ලා

පෙන්නා ළමැද පද්දා ඉගටිය පැත්ත
යන එන එකීලත් ඉන්නා බව ඇත්ත
වටහාගත යුතුයි හිතලා මේ පැත්ත
බුදු හිමිටත් හිටියා මරඟන හැත්ත

පෙර කළ පිනකි ලක් දෙරණේ ඉපදීම
තව මහ පිනකි දිගු ටෙලියක් නැරැඹීම
පා මෙත් සිත අපට, සුරිඳුනි කතරගම
ලක් වැසියන් ට දුන මැන ඔය ඇස් දුසිම

ලී බඩු දුන්න මුදලාලි මුගලන් වේවා
රෙදි පිළි මාල දුන් ඔබ සැරියුත් වේවා
තිර පත ලියූ ඔබ ආනන්දම වේවා
අධක්ෂක තුමා ඔබ මතු බුදු වේවා

-2008 සැප්තැම්බර්
[අහස හැඩි වී ඇත- 2009]

රෝහණ පොතුලියැද්ද



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails