Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



යුද්දෙ අහවර වෙලා කරදර කාලයක් කඳවුරේ ගෙවුණා
ඊයෙ වෙනකල් එහේ හැම දවසක්ම දැනුණේ එක වගෙයි
වේළු අයියේ, ඉරල් කුළමට පාර ඇරියේ අද තමයි

ඇදගන්න මහ දෙයක් නැතුවට, පාරටම මුළු දවස ගෙවුණා
කකුල් හරි හැටි වාරු නෑ අපෙ අප්ප දැන් ලෙඩ ගානෙමයි
කඳවුරේ තනියෙන්ම හිටි පොඩි දරුවෙකුත් මං එක්කමයි

වහල නැති ගේ දුර පේනකොට මගේ ඇස් වල කඳුළු පිරුණා
අම්ම හිත තද කරන්, පුදුමයි ඉන්නෙ ආ දා වාගෙමයි
තම්බි ගැන තොරතුරක් නෑ තව, උඹ ගැනත් ඒ වාගෙමයි

එදා හවසක ඇවිත් මුලතිව් යන්න එන්නට කිව් වෙලේ උඹ,
එන්න හිතුනත් නැවතුනේ මම උඹට කරදර හින්දමයි
තරහවුනු උඹ යන්න ඇත්තේ හිතේ ගින්දර එක්කමයි

ආඬි ලිඳ ළඟ පරණ තල්ගස් ගොන්න අස්සෙන් ඉර බහිනකොට
කැලේ ඕසෙට වැවිල තිබුණත්, එදා වාගේම ලස්සනයි
අනේ මට උඹ මතක්වෙනවා, වේළු අයියේ ඇත්තමයි!

භාතිෂ අකලංක සිල්වා



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails