Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



කුරුල්ලෙක් වී මං
ඔබේ හද මත වසා
ඉකිගසා හඬන්නෙමි
එවිට ඔබ
ගල් පතුරකින් මට නො ගසන්න

පාළු ගිරි කඳු මතින්
ඔන්න දැන් සීත කාලය ඇවිත්
කළුවරේ පිනි පොකුරු කැටි ගැසෙත්
ඇස් මලානික වෙන්න නොදී මං
සර්ව සුභ සිහිනයක් දකින්නම්
එවිට ඔබ
රාත්‍රිය වී මගේ ළඟ ඉන්න

පෙරළී කරණම්
සුළං මාරුත වළා දියවෙමින්
මහ වැස්ස ළඟම එන බව පෙනෙයි
මහපොළොව තලාගෙන ගංවතුර ගලන විට
සැඩ වතුර මගේ ඇස් තෙමා යයි
එවිට ඔබ
උණුසුම් සිහින කවුළුවක සිට
මට සිනා නොමසෙන්න

පෙඟුණු පරඬලා මත
බිඳුණු සඳ රැස් වැටෙයි
වසන්තය මරණයෙන් අවදි වී
සට සට තටු ගසා
පඳුරු මත මිදුණු පිනි බිම දමයි

සිනාසෙන සිතින් බර ජීවිතය
මලානික තොල් සලන්නට තනයි
එවිට ඔබ
රතුපාට තරුවක්ව
මට පේන දුර ඉන්න
මෙතෙක් පුපුරා සැළුණු
හෙණ අකුණු පරවෙමින්
අසහ පැහැදිළි වෙමින් බැබළෙයි
තෙමුණු ඇස සාකාවෙන් බරව
ප්‍රීතියෙන් පිය ගසයි
එවිට ඔබ
ඔබේ දිළිසෙන දෑස
මගේ දෑ සඟළ මත රඳවන්න

හද උදුන අවුළුවා බුරා ලූ
සංවේග ගර්ජනා නිවලා
හැම තැනම
මල් සුවඳ චමත්කාරය පිරෙයි
ජීවිතය අළුත් වී හැඩ ගැහෙයි
උදෑසන සුවපත්ව
ගීතයෙන් පිරී යයි

එවිට ඔබ
නිවී ගිය මගේ දෑ සඟළ මත
ඔබේ අවසන් කඳුළු බිඳ තබා
නිවෙන පහනක් වගේ
හිමිදිරි අඳුර සේ
මගෙන් සමුගෙන යන්න

නාඳුනන ඇස් නිදන
පොදු සොහොන් බිම් පියස
පර නොවන මලක් වී ඉපදෙන්න
ඉතින් මට ඉඩ දෙන්න
ඉඳහිට ඇවිත් මා දෙස බලා
කඳුළු බිඳුවක් රැගෙන
යළි සෙමෙන් නික්මෙන්න

භුගත කවි සිත- 2009


චන්ද්‍රකුමාර වික්‍රමරත්න



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails