Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



රක්ත වර්ණ පාළම උඩ ඉඳන් බලමු
සප්ත වර්ණ අරුමෝසම් වෙළඳ පුරය
තිත්ත අබිං කෑව වගේ මොකද මූණ
රික්තකයක් නොවෙයි මැණිකෙ මේක අපේ කොළොම්පුරය

කොටුවෙ ඉඳන් පිටකොටුවට රිංගන්නට මාන බලන
අජානේය තුරඟුන් වන් කාර් බාර්
හති දමමින් සුසුම්ලමින් පසුතැවෙමින්
අර බලන්න දූවිලි පිඹ කෙකරගාන වේදනාව

කඩ වීදිය පිටුපස්සේ පකිස් පෙට්ටි පුරවරයේ
කානු දිගේ ගලා ඇදෙන ඇමෝනියා වතුර වගේ
වීදි දිගේ ඔය ගලන්නෙ සිංහලයේ, ස්වර රටාව
මගෙ මැණිකෙට නුහුරු නිසා සවන් අගුලු ලාගත්තට

කරාම කට මිරික මිරික නගර දනන් වතුර සොයන
සෙම් සොටු කුණු මඩ පල්වුණු පයිප්ප ළඟ වගේ නෙවෙයි
අර බලන්න පාට පාට මල් පිපිලා අපූරුවට
වට රවුමේ වතුර මලේ කවුඩන්ගේ නාන තොටේ

අතොරක් නැති ලෙසින් වැසුණු තාප්ප හා බිත්ති මතුයෙ
නව යුගයක් බිහි වී ඇති නවෝදයයි අර පෙනෙන්නෙ
ඔන්න මැණිකෙ ඔයාගෙ නෙත් කෙවෙණි කඳුළුවලින් පිරිල
මට හිතෙන්නෙ මෙපුර අසිරි දැකගත් සතුටට වෙන්නැති

[ඇස් ලැබීම |1989]

රංජිත් මල්ලියාවඩු



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails