Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



සෙදෝනාට හිනා යයි. දොරවල් ඇරෙන හැටි දන්නෙ අරින්ඩ ගිය අය. මූණත් පොඩි කරගෙන එන්ඩ වෙයි.

දියෝනිස් අයියාට ඒවා ඇහෙන්නෙ නෑ. මීට ඉස්සර කිසිදාක අහස දැක්කෙ නෑ වාගෙ දියෝනිස් අයියා රබර් අතු අස්සෙන් පෙණුන අහසට ඇස් අල්වා ගෙන හිටියා. තාරකා ගනිනවා නම් ඇස් එහා මෙහා වෙන්ඩ ඕනෑ. එහෙම එකක් නෑ. දියෝනිස් අයියා නිකම්ම බලන් ඉන්නවා. සෙදෝනා දෑතින්ම දියෝනිස් අයියාගෙ ඇස් වැහුවා. ඒත් දියෝනිස් අයියා නෙමෙයි ඇස් ඇර ගන්ඩ උත්සාහ කළේ.

සෙදෝනාම පස්සෙ අත් දෙක ආපහු ගත්තා. ආයෙත් දියෝනිස් අයියාගෙ ඇස් තිබුණු තැනමයි. සෙදෝනා ළඟ නැතුවා වාගෙ දියෝනිස් අයියා වෙන දිහාක බලා ගෙන.

ළඟ උන්නත් නැතුවා වාගෙ නන් මොන පලක් ද කියලා සෙදෝනා හයියෙන් කිව්වා. නින්දෙන් ඇහැරුණු කෙනෙක් වාගෙ දියෝනිස් අයියා හැරිලා බැලුවා.

*****

ඒත් සෙදෝනා කොහොමද තනියම නිවන් දකින්ඩ දඟලන්නේ. සෙදෝනාගෙ කෑල්ලක් රබර් වත්තෙ එල්ලිලා. රබර් වත්ත හොල්මන් කරනවා. හඳ පෑව්ව රෑට රබර් වත්තම නැගිටල සෙදෝනාගෙ ගෙදරට එනවා. මහ ගහත් එනවා. ඔක්කොම කොළ අතු හිටගෙන. එක එක අත්ත එක එක ප‍්‍රශ්න අහනවා.

කෝ දියෝනිස් අයියා? ඇයි සෙදෝනා එන්නෙ නැත්තෙ? හඳ එළිය අඬනවා. රූරා ගෙන අඬනවා. කොහෙ ගිහිල්ලද ඉන්නෙ? වරෙල්ල වරෙල්ල වරෙල්ල කියල සලිං සලිං ගාල කොළ හුළෙඟ් වැනෙනවා. වනනවා.

සෙදෝනා සට සට ගාන්නේ පැදුරට හලන කඳුළු කැට හින්දා.

සෙදෝනා ඉන්නවා. ප‍්‍රශ්න අහන්ඩ දෙයක් නෑ. සෙදෝනා ඉන්නවා. කවදත් උන්නා. බලාගෙන උන්නා. බලාගෙන ඉන්නවා. ඇයි සෙදෝනා? ඇයි ඇයි ඉන්නෙ? බොරු කරනවා නේද? අහන ප‍්‍රශ්න වලට සෙදෝනා කියන්නෙ එකම එක දෙයයි.

සෙදෝනා ඉන්නෙ නෑ. කවුද කියන්නෙ සෙදෝනා ඉන්නවා කියලා. අර මහ රබර් ගහ යට උඹලට පේන්නෙ නැද්ද? අර ඉන්නෙ සෙදෝනා. අර එල්ලෙන්නෙ සෙදෝනා.

මෙහේ එන්නෙ කා හොයන්ඩද? පලයල්ලා පලයල්ලා පලයල්ලා. සෙදෝනා හඬ තලනවා. කාටවත් ඒ හඬ ඇහුණෙ නෑ.

කොළ අතු අඩි පාර දිගේ ලේ හලාගෙන ඇවිල්ලා. හඳ එළියට ගල්පොත්ත කළුයි. ඒක තෙතයි. ඒක ඇලෙනවා. ගල්පොත්තෙ කඳුළු විලක්. සෙදෝනාගෙ ඇහෙන් ගලපු කඳුළු නෙමේ. ගල්පොත්තෙ කඳුළු විල රබර් ගහෙන් වැටුණු කඳුළු. රෑට රබර් ගහ හලපු කඳුළු.

-සෙදෝනා [1973]

ඊවා රණවීර



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails