Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



එකට උන්නු සත් වසරෙදි නෑසූ පැනයක් තිබේය
පැනය අසන්නට සිතුනත් සිත රිදෙතැයි බිය වැදේය
මා පතිනිය වීමෙන් ඔබ පසුතැවෙතැයි මට හැ‍ඟේය
ඔබේ හිතේ කොනක ඔබේ සිත් ගත් සැමියෙකු වෙසේද

පැතූ ලෙසම මගෙන් ඔබට සෙනෙහස නො අඩුව ලැබුණිද
ඔබේ සිතැඟි වටහාගෙන ජීවත් වෙන්නට යෙදුණිද
කන්න කැමති දේ දැනගෙන - ආස පාට වටහා ගෙන
ආදරයෙන් ඉන්න සමත්විණි දැයි මට සැක සිතේය

ඔබෙ කැමැත්ත පෝය දාට පන්සල් ගොස් මල් පුදන්න
ඒ අතරේ මට සිදුවිය මිතුරන් හා අඩි ගහන්න
ආසාවෙන් උතුරන විට සූර සරදියෙල් බලන්න
මට සිදු විය "ජෝන් ඩන්ගෙ" කවියක එල්ලී සිටින්න

වැස්ස දාක කරවල බැද - උණු බත් කා එකතු වෙලා
පුංචි එවුන් වටකරගෙන වීර කතාවක් කියලා
උන් නිදිකර සැටියට වී ආ ගිය තොරතුරු අහන්න
සැදී සිටිය මුත් ඒ රෑ මා පොතකට හිර වෙලාය

කුළුණින් සත්කාර නොකොට - ඔබ තනිකර හුදෙකලාවෙ
හූ මිටි දී - හද තුළ තෙරපාගෙන සිට කියන දේට
කළ වැඩවල පොඩි අඩුවක් හෝ දැකලා පෙන්නූ විට
මා නොපනත් කෙනෙක් කියා මා හා රොස් පරොස් වීද

ලොව පුදදෙන ගරු බුහුමන් කිත් පැසසුම් ගැන නොතකා
ඔබ ළඟ හිඳ මා අමුණන කිත් මල් දම් කාට කුමට
ඒ මල් මා හට අනගිය - ඔබහට නිසරුය දුගඳය
ඔබ සඳපහනට කැමතිය - අමාවකට මා කැමතිය

ඉකුත් වත පද්‍ය සංග්‍රහය|1990

තිලකරත්න කුරුවිට බණ්ඩාර



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails