Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



තම ප්‍රේම ආරාධනාව ප්‍රතික්ෂේප කිරීමෙන් කෝප වූ කිරිඇල්ල මැදි විදුහලේ ජයතිලක නම් සිසුවා තවත් සිසුවියකට පිහියෙන් ඇන මරා දමයි. මියගිය දුල්මිණි ඉරෝශිකා කියවමින් සිටි "සඳුන් ගිර ගිනි ගනී" නම් පොත ඇගේ නිහඩ සිරුර අසල වැටී තිබිණි.
-පුවත් පත් වාර්තාවක් [2002]

පැතුම් එකිනෙක අකුරු කළ පොත් ළැමට තුරුළුව හාදු දී
රැළි නැගුණු සුදු ගවුම දග දෙයි සුළං රැල්ලට යා නොදී
කිරි සිනා මුව නැගූ දෝණිය අද කොහේ කොතැනක නිදී
නුඹේ හසරැල් යළි දකින්නට දුවේ අපි කළ පින් මදී

පිපුණු මල මත සරන බමරිඳු නොවී ඉක්මන් රොන් ගනී
බමර කුලයට වරම් දිය යුතු නියම කල් යල් මල දනී
කැකුළු මල් පෙති තලා පොඩි කළ දෙබර තුඩ ළයගේ ඇනී
තක්සලා බිම නුඹ වැටෙද්දී සරසවිය කොහි සැඟවුනී

විස යෙදූ සැඩ මලවි හීසර ළපටි හද පත්ලේ ඇනී
ගැලු ලේ බිඳු අහස විසිරී මියැදුණා මළ හිරු මෙනී
වෙන්ව යනමුත් නොතිර සසරෙන් සුදු දුවේ මගෙ දුල්මිණී
වාවගන්නට කෙළෙස හැකිවෙද සඳුන් ගිර අද ගිනි ගනී

සහන් කසීර වික්‍රමසිංහ



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails