Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



ඇසළ සඳ එළියේ
නාගයකු සේ
ඇවිදගෙන එනවා
තවත් ජූලි මාසයක්

රාමසාමි රඝුනාදන්
සඳ එළිය යට වුණත්
මට බයයි

රාමසාමි හිටියේ අපි
එකම පන්තියේ
තිබුණේ නෑ කටු වැටක්වත්
අපට වෙන්වෙන්න ඒ කාලයේ

සිංහයා ඇවිදගෙන ඇවිත්
අපෙ පන්තියට
උල් නිය පඳුරින් පහුරු ගා
නුඹව හපකොට දමා ගියේ
මේ වගේ ජූලි මාසයකයි

මේ අහපන් රාමසාමි
උන්ට හිමි කෙසර ලකුණු
සැබෑ සිංහලයා නෙවෙයි
සිංහ ධජයේ තිරිසනා පමණයි
එදා ඔබ අහිමි කළේ
තිරිසනා බිමට බැස ඇවිද ගිය
ඒ ජූලි මාසයයි

මේ ජූලියෙත් මට බයයි
සිංහයා මග දිගේ ඇවිදිනවා
අපි දෙන්නම සොයාගෙන
ඉතින් නුඹ
උන් බැඳපු කම්බි වැට ළඟට වී
ළතැවුලෙන්

මේ ඇසළ සඳ වගේ
කම්බි වැට පැනගෙන
අපි අපේ පන්තියට එකතු වෙමු
ජාතියකට අයත් නැති
පන්තියක් අපි ගොඩනගමු

අපි අදත් සැඟවුණොත්
කඳුළකට මුවා වී
අපට අපි නැතිවේවි
සිංහයා බිමට බැස
අප සොයා පැමිණේවි

පිච්ච මල් පොකුරු
ලේ වලින් නැහැවේවි
ඉතින් අපි, ජූලියට බිය නොවෙමු
මේ ඇසළ සඳ යටම
අපි අපේ පන්තියට එකතු වෙමු

සුනන්ද ගාර්දියවසම්



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails