Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



වහින්න මහ වැස්ස
පුරවන්න මේ මධුවිත
ඉහිරී හැලී
මේසයෙන් පොළවට බිඳ බිඳ
රළ දිවෙන කළ හෝ ගා
බොරැල්ලේ මාවත් යටකර
නොලියාම කවි
විපත් පත් ජනයින්ට
කුහුඹුවකු සේ
පාවෙමි රුවන්පුරයට

ඉහල යයි දුම්වලා
බර අඩුයි වාතයට වැඩියෙන
කඩල ඇට ඇහිරූ
සිලි සිලි පුංච පුරවා
සිගරට් දෙකක දුම් පිඹ
නැඟී උඩු ගුවනට
පාව එනවා මම
පින් දී ආකිමිඩිස්ට

බීර සාගර කැළඹෙයි
ක්ෂීර පථයම හෙලවෙයි
ඇල්ෆා සෙන්චෝරි ගැලවී
මේසය යටට විසිවෙයි

ප්ලාස්ටික් මල්
ප්ලාස්ටික් ගස්
ප්ලාස්ටික් මිනිසුන් අතරේ
ඇහෙනවා ලබ් ඩබ් හඬක්
රුවන්පුර කඳු ලමැදේ

රුවන්පුරයේ රුවැත්තී
රුවන් සේ දිලි නෙතැත්තී
සදෙව් ලොව පීරා දිනනු බැරි
රන් රොමැන්තික් මුවැත්තී

පොඩි බබෙකු සේ
දනගාමි දැන් ඇය ලඟ
කරේ සිටි පඬියා
පැන ගියේ සක්වල පල්ලට
පැඟිරි හිවලෙකු
රිංගාන හදවත ඇතුලට
සොලවයි කෝෂිකා
මළගිය මල්වියේ රිද්මයට

හුරුපුරුදු මැදුරේ
රැකවරණයට වැඩියෙන
රොමැන්ටික් දෙවොලේ
අදිසි බිතු මට සදිසිය
දිසි වැසි සුළං වැද
නැඟුනාට හී ගඩු සියොලඟ
හෙම්බිරිසාවක
උණක
නිව්මෝනියාවක ලස්සන
ලෙඩ වෙන්න
විඳවන්න
වැලපෙන්න ඕනෑ දැන් මට
ශෝකයත් රසයකි
ප‍්‍රීතියත් කඳුලකි
රුවන් කඳු ලමැදට යා වන

ආසයි තෙමෙන්නට
ඔබේ ආදර වැස්සට
ලොල් වෙමි දැවෙන්නට
ඔබ නොමැති කතරක ගින්නට

පිය දසුනී පිය වදනී
වන සැවුලී පිපි කමලී

ඉසුරු ප්‍රසංග



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails