Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



බඹරෙ වැල්ලෙ කැරකුන දා ගහපු පිණුම් බැරිවෙනකොට
අඟේ ඉඳන් කන මිරිකා උඹේ හිනා උන් ගත්තට
හතර ගාතෙ අතැ'ර දමා ගේ මැද තනිවුනු මිනියට
මැස්සෙක් වත් නෑ අඬන්න ඹ'ට අඬන්නෙ මං කුලියට

පවුලෙ උන්ගෙ මහන්තත්තෙ බේර ගන්න
බැහැ නුඹෙ ගුණ කඳ අපතෙට සින්න වෙන්න ඉඩ අරින්න
අවමගුලේ අවලස්සන කඳුළින් ලස්සන කරන්න
හිනැහෙනකොට දවසෙ කුලිය කඳුළු වරෙන් ! මට අඬන්න

පොඩිකාලේ ඇතිකළ තලගොයි පැටියා
හතර වටේ පැන කෙළි කෙළිමින් සිටියා
මාර දූත කප්පම වැරදුන සැටියා
මගෙ පණ අරන් නැගිටින් මගෙ හොර කොටියා

කෙස්ස කඩාගෙන- අතපය දරදඬු කරගෙන
දෑස් ඉදිමගෙන- දෙණ ලග ඇන බා ඉඳගෙන
වැලපෙන කොට බෙරිහන් දී මිනිය බදා ගෙන
අඬන්නෙ එන'වුන් උඹ ගැන, ම'දෙස බලා ගෙන

අද හවසට ඔය කුණු කය මහපොලොවට සින්න වෙනව
එතකොට මගෙ පොඩිඋන් රැළ බඩ ගින්දර අත ගානව
මැරෙන තුරාවට ත'වෙකෙක් පාන් පැළට බාර වෙනව
සිහිකර ඒ දුක උඹ ළඟ පෙරලි පෙරලි මං අඬනව

ජයන්ත නිමල් සිරි



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails