නලමුදු සුවඳ කුණු ගඳ හා මුසුව එතී
පුල හෙළ කුසුම් මත කලුදුම වැතිර ඇතී
ළිය පිය තෙපුල අත තෙලිබනු සමඟ වෙතී
බැලු බැලු අත අසුබ මිස සුබ නිමිති නැතී
දිවෙන ඉම පෙනෙන නොපෙනන මහ පාර
දුවති හඹති ඉගිලෙති රියසක මාර
මියෙනවුන් යටව එක දවසක් නෑර
දකින දෙවිවරුන් පිළි නොගනිති බාර
පුල්විල පියුම් පෙති ගිලිහී දියෙහි වෙතී
රොන්සුනු විසිර ගොස් මින්රළ ඉකි බිඳිතී
ලතු ගෑ පතුල් නොව මැෂිමට රතුව ඇතී
සන්නාළියක මළ කඳ එහි සැඟව ගතී
බැබැළෙන පියැසි අග මිණිකැන් පහ පෙළය
දිදුලන විදුලි එළි දිව විමනක් බඳුය
ගහ නම් ගහේ ගෙඩි එහි තහනම් නැතිය
ඇත හෝටල් ගිමන් හල් අඩියෙන් අඩිය
කැරකී වටරවුම් වල මං මුලා නොවී
මිහිබට සිඳඹුවන් දැක මන විකල් නොවී
ඉගිලෙන බසයකින් මහ මඟ පතිත නොවී
යළි එන කෙනෙක් වෙද ඇත සුබ නිමිති මැවී
පද්මිණි ශ්රියාලතා
