Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



ධන රේඛාව හරහට
දකුනු අත පිලිස්සුනු දවසේ සිටම
වම් අතින් කවි ලියන්නට
පුරුදු වෙන්නට උනා මට

* * *

ගිනිමැලය කේන්ද්‍ර කරගෙන
එලිය වටා රවුමේ අපි ඉඳගෙන
ගීත සාජ්ජය දවසේ - ඔබෙ පෙම්වතා
අප අතර ගිනිමැලය ඇවිලවූයේ ඔහුය

නැටවෙන ගිනිදලු අතර
තාප පටලය ඔබ්බෙහි
නැලවෙවී පෙනුනා එලිය වුනු ඔබෙ මුහුණ
මායා හීනයක විදියට

සංකෝචනය වූ පරිධියේ
මා දැල්වූ ගීතිකා හඬ
ඔබ වෙනුවෙන් ගයන ලද
විරහාලාපයක් වෙලා හරි පුදුමයට

සමුගෙන යද්දි ඔහු සමඟ ඔබ
මට තාම මතකයි හොඳට
වලාකුලකින් වැසෙමින් තිබුනා
ඇත්තම අහසේ
ඇත්ත සඳ

ධන රේඛාව හරහට
දකුනු අත පිලිස්සුනු ඒ දවසේ සිටම
වම් අතින් කවි ලියන්නට
පුරුදු වෙන්නට උනා මට

මා ඔබට
ඉස්සර කිව්වා තුරුලුකරගෙන
ව්‍යංග, පොදු සංකේත ඔය වගේ දේවල්
අපටම කොලොප්පං කරන වග - මතකද?

දමිත් උදයංග දහනායක



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails