Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



සිසිරයේ අඳුරට බියව
හී තුඩක හැඩයෙන් පලායන
පළමු කණකොක් රැලේ වැළපුම
මරණයේ සීතල රැගෙන
පීත තුරු හිස් සිසාරා විත්
කවුළුවේ වැද සන් කරයි.

කවුළුව විවර කර
ඇස්දෙක වසාගෙන
සීත සුළඟින් ළය පුරෝගෙන
ඒ හඬ අසා සිටිනෙමි.

ජීවිතය සිඳී ගිය ගංතෙරකි
මලානික රෑ අහස යට වැතිරගත්.
අතීතය ළසෝ වැලි තලාවකි
සඳ රැයේ මළවුන් ගී ගයන

අහෝ මේ ගංතෙර
නිමල වැලිතල මත
බොහෝවුන් ඒ මේ අත
ඇවිද ගොස් හැඩිකර
තැබූ පා ලකුණු සහ ලියූ නම් ගම් මිස
කොහේ උන් ගියාදැයි
දිසාවක සලකුණක් වත් නැත.

විශ්වයේ කළු කුහර තුළ මැකී ගොස්
කලාතුරකින් දකින සිහිනයකදී වුව
දැන් ඉතින් යම්තමින් දිස්වන
ඈත දුර ඈත මන්දාකිණියක
මළ තාරකාවක අවසාන රැස් දහර
මතක දුරදක්නයෙන් නරඹමි.

වසා පොත් වනපොත් කළ
සොයා මංපෙත් හද නිනව්වට
සරා වන පෙත් ඇවිද එමි මම
ඈත ඔබ වැළලුනු ඉසව්වට.

06.10.2009

අජිත් සී හේරත්



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails