Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



මහා පර්වත මුදුන් අග
අහම්බෙන් ඇස ගැටෙන
නින්ද නැති අව්රැල්ලකි
කැරලිකාර ඇස් සොයන
ආලිංගන මුකුටයෙන් දිදුල
පේ‍්‍රමය වාසනාවකි
හිතක් ඇත් නම් කෙනෙකුට
ඇත්තටම එය භාවනාවකි

අලුතින් හැදූ කැරකොප්පුවක
අලුතින් ආ පිසාචයකුගේ
විළිබර මුහුණක හිනාවක් වුව
එවිට
ඔබට දකින්නට හැකිය

උඩ කරණම් හතක් ගසා
හත් පෙති මලක් මත වැතිරෙන
අයෝමය සුළං රැල්ලකි
මූදු හතක් එහායින් ඈතක
හීතලෙන් නෑවෙන දිය කඳුරැල්ලක
පේ‍්‍රමයේ අප‍්‍රමාණ සිහිලසක් එතී තිබුණි

මීදුම් වළාවෙන් අමතක කළ
වාසගම් නැතැයි පිළි නොගත්
ළදළු
මැදිවියේ එල්ලෙන තුරු පත් අතරින්
හංගන්නටම ඕනෑම නම්
වම් ඉවුරෙන් බැස
ආපසු හැරිය යුතුමය
මගේ දෑසම මඟ හැර
නෙලුම් පත් මතින් ඇහිලුවේ
ඇබිත්තන් පිනි බිඳුය
නුඹේ රළු දෑඟිළි වැදී
බිඳී මියැදී යන්නට පෙර
පරිස්සම් විය යුතු.

අප පා එසැවූ සොහොන් කොත් අතර
දහස් ගණනක් නුඹේ සහෝදරවරු
දෑස් පියා සිටියහ
උහු බලා සිටියහ
අපේ අතැඟිළි ගිනි ගෙන පිලිස්සිණි
දැවී ගිය අප‍්‍රමාණ බලාපොරොත්තු
උන්ගේය
වම් අත ගැලවී එල්ලා හැලෙන්නට වුණි
උරපත කෑ ගසා හඬයි
සැබැවින්ම එය නපුරු සිහිනයකි!

අරලියා මල් පෙති
මං කැමතිම රතු පාටින්
පවන් සළන්නට විය

ගැලවී වැටුණු අතින්ම
ඔබ තාමත් කවි ලියයි
ගිම්හාන සුළඟින් පෙම්වත් එ කවි
හමන්නේ කොහිදැයි නො දනී
පේ‍්‍රමයේ අභිරහස් චාරිකාව මැද
ගිලෙන
රුවල් බිඳෙයි ඉවුරු සසැළෙයි
යළිත්, යළි යළිත්
එ ඉවුරු මතම රළ ගෙඩි හැපෙයි.

ගෙන්දගම් බිම් මත බිම් මල් පිපී ඇත
පරව යන්නට පෙර මහපොළොව නිවාලන
සඳුන් ගිරිහිස සහසක් පේ‍්‍රමාසන විය
එහි
කාත් කවුරුවත් නැති
පේ‍්‍රමයක් හමු විය.

තුෂාරි ප්‍රියංගිකා



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails