Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



ග්‍රීක් ජනතාව "ඇලිකෝස්" යන ආදරණීය නමින් හැඳින් වූ ඇලෙසැන්ඩර් පනාගෝලිස් කවියෙකි. මිනිසාගෙ නිදහස පතා සටන් වැදි අභීත සටන් කාමියෙකි. 1980 වසරේ මේ සොඳුරු සටන් කාමියා පිළිබඳ පුවත "The Man" නමින් ඔරියානා ෆලචි විසින් ලියා පලකළාය. මේ එම කෘතියේ සුනිල් මාධව විසින් කරන ලද අනුවාදයෙන් ගත් උපුටනයක්.

ඔබගේ දෑස් ජීවයෙන් පිරී තිබුණු අතර ඔබ හිනැහුණේ මහත් ආඩම්බරයකින් යුතුවය. ඔබ සිටියේ කොයිතරම් සතුටකින් ද කිවහොත් උසාවියේ සිටි අයට ඔබ ගැන අනුකම්පාවක් දැක්වීමට අසීරු විය. ඒ අතරම, මෙහි සිටි ජනතාව ඔබ ගැන හරියට දන්නේ නැත. ඔබට දුන් කෲර, අමානුෂික වධ හිංසා පිළිබඳ තොරතුරු මිලිටරි පොලිස් මූලස්ථානයෙන් පිටතට ගියේ නැත. ඔවුන් ඔබ හඳුනාගෙන සිටියේ බියගුලු, කුලියට අපරාධ කරන සාමාන්‍යය අපරාධකරුවෙකු ලෙස පමණය. එම තොරතුරු ඔවුන්ට සැපයුවේ ආණ්ඩුවේ පුවත්පත්ය.

ප්‍රජාතන්ත්‍රවාදය තිබියදී නිර්භීතකමේ සහ නිදහසේ වීරයන් මෙන් පෙනී සිටින, මොවුන් ඒකාධිපතිත්වය පැමිණි මොහොතේම ගණිකාවන් මෙන් උන් සමග යහනේ වැතිරෙන දීන, නිවට පුවත්පත් කලාවේදීන්ය. මෙම දීනයෝ ඒකාධිපතිත්වයට සේවය කිරීම සඳහා කලින් වර්ණනා කළ උදවියට මඩ ගසති. කලින් මඩ ගැසූ උදවිය වර්ණනා කරති. ඒකාධිපති රජයක් පවතිද්දී වෙනත් ඒකාධිපතියන් වර්ණනා කරන ඔවුහූ භීෂණය තුරන් වී යළි ප්‍රජාතන්ත්‍රවාදය ස්ථාපිත වූ පසු යළිත් පරණ අන්දමට ක්‍රියා කරති.

ලජ්ජාවක් නැති මෙම පාහරයින්ට කිසිවක් වන්නේද නැත. එසේ කිසිවක් නොවන්නේ සපත්තු මහන්නන්, පාර අතුගාන්නන්, මිනී වළවල් හාරන්නන් සහ ගණිකාවන් මෙන් ඔවුන්ද මෙබඳු සමාජයකට අවශ්‍ය නිසාය. මෙම කීකරු බයාදු පුවත්පත් කලාවේදීන් නොමැතිව "මාස්ටර්ලා" කුමක් කරන්නද? ජනතාවට පොරොන්දු දෙන, ඔවුන්ට අණ දෙන, ඔවුන් බියවද්දන මෙබඳු කටු කන බල්ලන් නොමැතිව පවතින්නේ කෙසේද?

-"මිනිසෙක්" [The Man]

ඔරියානා ෆලචි
පරිවර්තනය - සුනිල් මාධව ප්‍රේමතිලක



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails