Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



අපේ ගෙදර කේතලේට
අනෝතත්ත විලේ වතුර
අපේ ගෙදර තේ හැන්දට
හිඟුරානෙම සීනි මදිනෙ
නේද රත්නෙ

වස්සානෙට
ගිම්හානෙට
කෝටු අතට එක මිටකට
සංසාරෙම බර ඇද්දට
ජීවිතයම මට කවියකි ඔයා ගාව
තාමත් මේ මගෙ තනියට
ඔයාගෙ දාඩිය මගෙ ළඟ

අනේ රත්නෙ
අර අන්තිම දවස් ටිකේ
මං හිටියේ සුදු ඇඳගෙන නිදාගෙනම
අපි බලන්ට ආපු සෙනඟ කන්දරාව

ඒ කවුරුත්
තේ බිව්වද බත් කෑවද
කීපවිටක් මං බැලූවේ නැගිටින්නයි
නැගිටල කුස්සියට ගිහින්
ආපු අයට තේ හදන්න බත් බෙදන්න
අනේ රත්නෙ තරහ නෑනෙ
මං හිටියේ බැරිකමටයි නිදාගෙනම
රුක්අත්තන පෙට්ටියක්ද සංසාරෙම

අපි නොදන්න වෙන ලෝකෙක
අපි නොදන්න වෙන නගරෙක
ලේන්බාන් වීදිය ඇති නේද රත්නෙ
මං තනියම හුළඟ එක්ක ගාට ගාට
ඒ ලෝකේ ලේන්බාන් වීදිය හොය හොයා යන්නෙ

ඒ වීදියෙ තියෙන ගේක
ජනේලෙ ළඟ මං ඉන්නව මඟ බලාන
කොපි කොළයක් කාබන් පෑනක් තියාන
කෘශ ළැම කිරි ශිරා ඇතුළෙ
ඔයාගෙ දාඩිය තියාන

විටක් කකා
ඔයා ඒවි මං බලන්න
ඔළුව ඇදට බිම බලාන
මටම ලියපු
කවියක් මිට මොලවාගෙන

කුමාර හෙට්ටිආරච්චි



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails