Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



හිමිදුරා වැව ළඟ
ඉවුරු කළඹන ඇත් පෙළ
මඳක් මඟ හැර යන්න
මහ වනය අයිතිය උන්ට

අකුරකට බැඳි ලොබ සිත
හඬන විට නැතිව පෙළ පොත
මිරිවැඩි නොදැක රළු වුන
ටිකිරි පා සෙමෙන් නවතින

වෙඩි පුපුරනා හඬ මැද
ගෙවුණු කාලය සැහැසිය
දිවි මග නොයෙක් කරදර
හිස මත අකුණු වී පුපුරත

මහා වස්සාන කාලයට
හිමිදුරා වැවේ ධමනිය
පුපුරයි දරණු නොහැකිව
දරුණුව ගලන දියකඳ

හුදකලා වෙන ගම්දොර
එකිනෙකා බදා ගුළිවෙත
අසරණ කමම ඉතිරිව
ලිපගිනි සිතෙන් මොලවත

ඉර ගිනි ගත් කලට
ගහ කොල පරඬළා වෙන
මහ පොළොව ගෙනත් ගින්දර
හේන් යායම අවුලන

දින, සති, මාස ගෙවමින
අවුරුදු ගණන් පසුවෙන
එකම මඟ ඇවිදින
නැති බැරි කමින් බැට කන

සඳ නැති අමාවක දිනට
ගම නිදිගත් පැයට
වෙනසක් පතන ඇස් දෙක
වැව් ඉවුර මත දිදුළන

කපිල එම්. ගමගේ



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails