Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



ඔබේ පොඩි පැල්පතේ
ඉස්සරහ බිත්තියේ හරි මැදට
ගසා ලොකු ඇණයක් තදට
මුහුණ ලා පළා පැහැ කුඹුරට
තනාදුන් කූඩුව සීරුවට
එපා දැන් මට

සුදෙන් පිරියම් කොට
ඇතුල්වීමේ දොරටු හිල්කොට
පිදුරු අතුරා ඇතුළට
උණුසුමට ගුලිවෙලා ඉන්නට
ඔබ තනා දුන් කූඩුව
එපා දැන් මට

දවස කුඹුරේම දියකොට
දහදියෙන් දිය බැඳි ඔබට
රන් පැහැ වී කරල්
මෙහෙම ඔච්චම් කරනකොට
ඔබේ දෙනෙතින් වෑහෙන
මරණීය කඳුළු කැට
තවත්නම් බැහැ මට
මෙතන ඉඳගෙන බලා ඉන්නට

වී කුරුල්ලෙක් වුව
නිකං ඉඳගෙන පිනට
නොකමි වී නම් මින් මනත්තට
සරු වූ විටක අත මිට
ඉහළම මිලක් දෙන්නට
ඔබේ ඔය වී කඳුලට
යළිත් එන්නම් විගහට
ඔබත් සමගින් කල් අරින්නට.......

ඉන්දික ගුණවර්ධන



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails