Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



මායා වරුන්ගේ මායාව
සැබෑවක් වේ නම්
මොන තරම් සැපයක් ද
භේදයක් නැතිව
එකට නින්දට යන්න

කළුවර විසින් දක්කන
ඉර ගිලෙන බටහිර
පසු දා අරන් පෙරමුණ
දනී මතුවන පෙර දිගින් නව ඉර

එන්නට හිතුණෙ නැති නම්
ගිල්වන්න අඳුරෙ හැකි නම්
නපුර පරදා ලබන ජය නම්
වේය නිර්වානෙ ලබන මනරම්

ඇති වී පැවත නැති වීම
අලුතින් යමක් එක් වීම
කියන්නට හදන පාඩම
නිමා කළ හැකි ද හැමටම

මැරී මැරී වමාරන
අසමාන බරවා ජීවිත
කුසට අහරක් නැතුව
ශාපයෙන් වැළලෙන

කොල්ල කා ගත් මහා
නිදන් ධන සාගරය
බෙදා ගන්නට සිතක් නැති
ලෝකය කුමට දකිනා මේ දෑස

හැකිනම් හැමට යන්නට
චාරිකාවකි නොඑන්නට
දුකක් නොමැතිව විඳින්නට
මරණය සමානව ලබන්නට

සැබෑවක් වේ නම්
මොන තරම් සැපයක් ද
භේදයක් නැතිව
එකට නින්දට යන්න

උදය ආර්. තෙන්නකෝන්



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails