Colombo Time

BOONDI " L i v e "

Google Groups
Subscribe to BOONDI " L i v e " | බූන්දි සජීවී සංවාද
Email:
Visit this group

බූන්දියට එන පාර

වයර් දිගේ- boondionline@gmail.com | ගොළුඛෙලි තැපෑලෙන්- බූන්දියේ අපි, 190/3/A, කැන්දලියැද්දපාළුව, රාගම.

Followers



දාහක් අති සොඳුරු ගීත
වැදූ කුසකි පිපිරුණේ
දාහක් නව ගීත කළල
පිරුණු ගැබකි කුඩුවුණේ

ඒ පතරොම්
කාගෙ ලාච්චුවෙන් ආවදෝ
අවිය යළිත්
කාගෙ පෙට්ටගමට ගියාදෝ

තාප මනැස් සනසන්නයි
උල්පත ලොව සැදුණේ
වතුරත් ගිනි ගන්න රටක
තවුල්පතකි සිඳුණේ

පෑන අරන් එකම වරක්වත් දිවියේ
ගී පදයක් කුරුටු ගෑව ඇඟිල්ලකින්
එදා කොකා ඇදෙන්න ඇති
ඊට කලින් එකම වරක්වත් දිවියේ
ඔහුගේ ගීයක තාලය අල්ලන්නට
ඒ ඇඟිල්ල සැලෙන්න ඇති

ඔහු ලියු ගී වනපොත් කරනා පරපුර
නටත ඔහේ ඔහු මළ සැටි අමතක කර
බල කාමයෙ ළිඳට වැටුණු
කුහුඹු කලාවේ ඉරණම
දුරවබෝධ සුතුරක් වී
මැකේද දිය බුබුළු අතර

නොදැන කිසිදු අරගලයක
දිවියක ගීතයක ගැඹුර
එ සෝ දිනෙහි මනෙත ළිහූ
කඳුළු හුයේමයි අද වුව
අමුණන්නේ හිල් කර කර
කුරු දුක්බර අකුර අකුර

කවදා හරි දාහක් හිත්
අත් මානෙට ළං වන තෙක්
මගේම පපුවේ ඇන ගෙන
හංඟාගෙන සිටියෙමි මම
මේ උල් කවි අල්පෙනිත්ත

ඇන්නෙමි අද
එයින් ඔබට

ඔබ අඬන්න !

ලක්ශාන්ත අතුකෝරල



මේ බූන්දිය ඔබේ මූණු පොතට එක් කරන්න | Share this Boondi on Facebook
Related Posts with Thumbnails